وعليكم السلام ورحمة الله وبركاته
هلا حبيبي ( حلم كبير )
بالعكس السؤال عادي جدا ،،
شوف حبيب قلبي
لازم تعرف انه فيه صاله جنوبيه وصاله شماليه
الصاله الجنوبيه : اللي يقلع منها الطيران السعودي ( محلي ودولي ) + يقلع منها ايضا طيران ناس ( محلي ودولي ) + ويقلع منها الطيران الفرنسي ( طبعا دولي )
الصاله الشماليه: هي اللي يقلع منها باقي شركات الطيران ( الشركات الاجنبيه ،، باستثناء الطيران الفرنسي ).......
طبعا انت سؤالك عن الصاله الجنوبيه ... يعني تبغى تسافر لماليزيا عن طريق طيران ناس او السعوديه
طيب ..ام
نفترض انك الان امام بوابه المطار ( الصاله الجنوبيه ) قسم او صاله المغادرين وهي بالدور الثاني ،،
تدخل مع اي باب ( عادي )
ام اقولك شوف هالصوره ( شغل شخاميط خ ) وبعدين نكمل
.
.
.
.
شايف علامه النجمه رقم 1 : هذه كاونترات الخطوط السعوديه للرحلات الدوليه
تروح لها علشان تقص البوردنق وتسلم العفش ( طبعا تعطيهم التذكره والجواز ،، ثم يسئلك الموظف كم معك شنطه .. ثم يقولك حط الشنط في السير .. ثم يعطيك البوردنق ) وبكذا انتهينا من سالفه البوردنق والعفش. نقطه مهمه: شوف تذكرتك كم مسموح لك من شنطه وكم وزنها . علشان ما تتوهق هناك.
ثم تتجه الى علامه النجمه رقم 2 : وهي البوابه اللي توديك لصاله الانتظار للرحلات الدوليه .. تدخل معها وعلى طول بتشوف امامك كاونترات الجوازات .. تسلم جوازك لموظف الجوازات علشان يختم عليه ... ثم تكمل طريقك مع الناس الين توصل لصاله الانتظار .. وتجلس تنتظر رحلتك ..
نقطه مهمه: طبعا البوردنق مكتوب فيه وقت الاقلاع ووقت طلوع الطائره ورقم الرحله ... اما رقم البوابه ما ادري مكتوبه او لا ... لكن انت اسئل الموظف بالصاله عن رقم البوابه اللي فيها رحلتك ..
ويصير تنتظر الاعلان وتركب طيارتك ..
ايه تذكرت شي ... لا تشيل معك الهويه الوطنيه ولا كرت العائله ... ما يحتاج .. واتوقع انه ممنوع .. ( خذ معك صوره منها لو حبيت ..)
فالجوازات تكفي وهي المطلوبه فقط ..
ايوه .. اذا كنت جاي من طريق الحرمين ،، ترى كبري المطار مغلق او هادينه .. ما ادري ، المهم مقفل وخلاص
هذا الكلام سمعته قبل فتره .. ولا ادري وش صار فيه الحين ..
تأكد
في الحاله هذه تقدر تستخدم كبري بريمان مثلا
موفق

النهر الجاري
شكرا شكرا الف مليون شكر لك
جد جد مو عارف شلون اشكرك طمنتني كثير الله يطمنك ويشرح صدرك ويرزقك كل ماتتمنا
طيب عندي استفسارات شوي ، تحملني ^_^ وعلى فكرة انا على طيران ناس
المهم يعني مافيه أي درج نهائي من اول مادخل الصالة الجنوبية لين ادخل بوابة الرحلة
وبخصوص بطاقة الأحوال لازم اخذها معاي ماقدر اتركها واسافر مايقولون شئ اتوقع صح ؟
وشسمه معاي لاب توب وابي اشحنه داخل شنطة الملابس يعني مابي اشيله بايدي داخل الطيارة هل فيه مشكلة ( على فكرة انا اسويها اذا رحت دبي عادي )
واخر سؤال شلون اوزن الشنطة قبل ماسافر اخاف تثقل مع اللاب توب
اسف كثرت اساله بس والله متوهق شوي

1. لكن من بوابه الرحله الى الطياره راح يواجهك ( درجين = 2 درج )

المهم يعني مافيه أي درج نهائي من اول مادخل الصالة الجنوبية لين ادخل بوابة الرحلة
اذا دخلت الصاله الجنوبيه قسم المغادرين ( الدور الثاني ) ما راح يقابلك درج الين بوابه الرحله .

لكن من بوابه الرحله الى الطياره راح يواجهك ( درجين = 2 درج )

الدرح الاول: بعد ما تدخل بوابه الرحله راح تشوف درج ينزلك لتحت علشان تكون في ساحة الطيارات وتركب الباص اللي يوصلك للطياره . تقدر تنزل مع الدرج العادي او الدرج الكهربائي . ( ما ادري هل فيه مصعد او لا .. )
الدرج الثاني: لمن يوصلك الباص لجنب الطياره .. طبعا راح تطلع الطياره بواسطه الدرج العادي ..
لكن اذا عندك مشكله بالدرج .. فتقدر تكلم قسم الخدمات ( بنفس الصاله الاولى قبل كاونترات البوردنق ) تقولهم انا ما اقدر استخدم الدرج .. ف يوفرون لك عربه مع شخص يوصلك الين باب الطياره ..
وبخصوص بطاقة الأحوال لازم اخذها معاي ماقدر اتركها واسافر مايقولون شئ اتوقع صح ؟
لا مو لازم تاخذها .. اصلا ما تحتاجها خارج السعوديه ابدا ابدا
ولا راح يسئل عنها موظف البورندق ولا الجوازات
لان الجواز هو المعتمد
واتوقع مثل ما قلت لك ( حمل الهويه خارج السعوديه مخالف )
لكن خذ صوره منها للاحتياط .
وشسمه معاي لاب توب وابي اشحنه داخل شنطة الملابس يعني مابي اشيله بايدي داخل الطيارة هل فيه مشكلة ( على فكرة انا اسويها اذا رحت دبي عادي )
كثير يسوون كذا .. بس ما ادري هل هو صح او خطأ
انا اتوقع عادي ،، لاني ما اخبر سمعت احد يشتكي من هالنقطه.
واخر سؤال شلون اوزن الشنطة قبل ماسافر اخاف تثقل مع اللاب توب
بالنسبه لي اوزن شناطي ب ( الميزان العادي الشخصي ) الموجود عند كثير من البيوت
يعطيني وزن تقريبي ..
شكرا شكرا الف مليون شكر لك
جد جد مو عارف شلون اشكرك طمنتني كثير الله يطمنك ويشرح صدرك ويرزقك كل ماتتمنا
العفو حبيب قلبي
واشكرك لدعوتك ،، فانا محتاج لها كثير
محبك ابو نايف

انا حاجز عن طريق اكسبيديا كل اللي معايا ورقه مطبوعه من الموقع
ما عندي تذاكر عادي صح اروح اديهم الورقه ولا كيف

roonaroofe1
الورقه المطبوعه هي التذكره ..
تسلمها للموظف اللي يقص البوردنق ،، تسلم العفش ويعطيك البوردنق

ياسلام عليك يابو نايف شرح كاافي ووافي ...ودافي بعد بورقه وقلم الله يجزاك كل خير

ابوفيصل99989
الله يجزاك كل خير
شغل واكي

تسلم حبيب قلبي

كاونترات خطوط ناس موجودة في مطار جدة الصالة الجنوبية داخلي ودولي