بالنور والسرور .. غالبا الأماكن الي فيها سياح عرب الأجانب يكونون مريحين أكثر من الأماكن الي مافيها عرب
في ماربيا مثلا كانوا يشوفوني بنظرات غريبة ويأشرون علي ههه مع اني مب منقبة لكن حجابي وعبايتي السودا ما غيرتهم
ما أنصحك ب ماربيا أو ملقا ، ملل ومافي شي تسويه ، خلك في مدريد و برشلونه و هالمناطق ،
خذ لفة في القسم بتلقى كل المعلومات الي تحتاجها في تقارير وصور تقدر تستفيد منها انا هذا الي سويته واستفدت وايد ..
تروحون وترجعون بالسلامة ان شاء الله

مساك الله بالنور اخوي بالنسبه لاسبانيا حلوه عموما انا كنت فيها قبل سنتين وانبسطت الحمدلله
من ناحيت النقاب عادي بس بتكون الانظار لك غريبه
ومن ناحية الاماكن انصحك بالجنوب الاسباني مثل بينالمدينا تقع بين ماربيا ومالقا على البحر حلوه وقرطبه وغرناطه واشبيليا وبرشلونه
اما مدريد ماعجبتني ابدا مافيها شيئ تعتبر مدينه صناعيهوانصحك باستأجار سياره اذا بتروح للجنوب علشان تاخذ راحتك بروحاتك وجياتك وماترتبط باحد
اذا كان الوصول مدريد والوصول مبكر الصبح اجلس فيها ليله يمديك تمر اغلب اماكنها السياحيه
يعني مدريد يوم او يومين بالكثير وبعدين اخذ السياره والتوجه الى الجنوب الاسباني والسكن في بنالمدينا او ملقا اللي يريحك مسافه تقريبا 5 ساعات بالسياره والمكوث فيها 5 او 6 ايام طبعا موزعه بين ((بنالمدينا - قرطبه - غرناطه - اشبيليا ))
ومن ثم تسليم السياره بمطار مالقا والذهاب الى برشلونه بالطياره وانصحك بالسكن في برشلونه بالقرب من شارع لارامبلا او ساحة كتلونيا