نعم الشركة مضمونة ،،
بس لو تحجزها عن طريق موقعهم عشان سرية معلومات البطاقة ،،
أو تتصل عليهم وتعطيهم المواصفات اللي تبي وتعطيهم الايميل وهم يرسلون لك رابط عشان تكمل اجراءات حجزك ومنها تدخل معلومات بطاقتك الائتمانية

الله يجزاك خير على ردك
انا فعلا كلمتهم وطلبت مواصفات السياره وارسلوا لي ايميل بس باقي التسديد
بس تخوفت وحبيت اسال
وابي احد مجربهم وكيف تجاوبهم وتوفر الاشياء اللي طلبها
وخاصه في فيينا

أخوي رحال
الشركة هذي وسيطة تعطي أسعار منافسة من شركات معروفة
يعني تحجز من عندهم وعادي تكون الشركة المزودة يورب كار أو سكست أو هيرتز أو ثرفتي ... الخ
إذا تم الحجز يعلمونك ماهي الشركة المزودة لك .. ويرسلون لك تأكيد الحجز
بكذا انت تروح للشركة المزودة سواء يورب كار أو سكست أو غيرها
وتستلم السيارة منهم
و سبق إني استأجرت عن طريقهم من ميونخ وعطوني شركة سكست
واستلمت السيارة من شركة سكست
مايعاب ع الشركة إن التأمين اللي عندهم ليس جيد من رأيي
فإذا تبي رأيي
احجز عن طريقهم ولا تأخذ التأمين حقهم
وإذا وصلت للشركة المزودة اطلب منهم تأمين شامل صحيح غالي لكن يريحك راحة تامة بإذن الله

جزاك الله خير على توضيحك
لما اتصلت عليهم ذكر لي ان عندهم تامين شامل يضاف لمبلغ الحجز ما يتجاوز 200 ريال تقريبا
وفي حال لا قدر الله صار شي وخصموا علي شركة التاجير اطالب الشركة الوسيط اللي هي rentalcars
ويعوضوني الملبغ مهما كان
اتوكل على الله ثم اعتمد على كلامهم
وشي ثاني لازال مبهم اللي هو المبلغ اللي يحجزونه
ماحدد لي مبلغ معين
قالي من 300 يورو الى 2400 يورو
يعني مبهم

وإياك يارب ،،
أخوي رحال
بالنسبة للتأمين ، إذا تبي رأيي وتبي تشتري راحتك ودماغك
خذ التأمين من الشركة المزودة افضل
بسبب :

• أن تأمين الشركة الوسيطة راح يخليك تضيع بينهم

مثلاً لا قدر الله صار أضرار للسيارة فإن الشركة المزودة سوف تخصم منك المبلغ وأنت بدورك سوف تذهب للشركة الوسيطة تطالب بالتعويض
بينما لو أخذت التأمين من الشركة المزودة ماراح يخصم منك شيء وخاصة إذا كان التأمين نسبة التحمل ( زيرو )

• صحيح إن التأمين من الشركة المزودة أغلى بكثير لكنك تشتري راحتك ودماغك وقد يصل التأمين إلى نصف مبلغ التأجير

لكن ترتاح من المسؤولية
بالنسبة للمبلغ المحجوز :
شركة رنيتال كار مالهم شغل أبد بالمبلغ المحجوز
اللي راح يحجز المبلغ هم الشركة المزودة إذا جيت تستلم السيارة من عندهم
وهذا يختلف من شركة إلى شركة فيه بعضهم يأخذ نصف مبلغ التأجير وفيه بعضهم يأخذ ضعف مبلغ التأجير وهكذا ...
ويبدو لي إن الشركة اللي تبي تزودك هي شركة هيرتز
من خلال هذا الرابط
http://www.rentalcars.com/SearchResults.do;jsessionid=C22477366486E7F3542BE5 3AF9A8DD2A.node234a?dropCity=%D9%85%D9%8A%D9%88%D9 %86%D8%AE&doMinute=30&location=32786&driversAge=25 &filterName=CarCategorisationSupplierFilter&doHour =11&locationName=%D9%85%D9%8A%D9%88%D9%86%D8%AE+%D 9%85%D8%AD%D8%B7%D8%A9+%D8%A7%D9%84%D9%82%D8%B7%D8 %A7%D8%B1&searchType=&doFiltering=false&puSameAsDo =on&city=%D9%85%D9%8A%D9%88%D9%86%D8%AE&puHour=11& dropCountry=%D8%A7%D9%84%D9%85%D8%A7%D9%86%D9%8A%D 8%A7&puDay=4&filterTo=1000&dropLocation=32786&driv erage=on&doDay=10&countryCode=&dropLocationName=%D 9%85%D9%8A%D9%88%D9%86%D8%AE+%D9%85%D8%AD%D8%B7%D8 %A9+%D8%A7%D9%84%D9%82%D8%B7%D8%A7%D8%B1&country=% D8%A7%D9%84%D9%85%D8%A7%D9%86%D9%8A%D8%A7&filterFr om=0&puMonth=8&puMinute=30&doMonth=8&doYear=2014&p uYear=2014&fromLocChoose=true&filter_carclass=carr iers_9&filterAdditionalInfo=&advSearch=&exSupplier s=

اخوي رحال:
في شركة سيكست سيارة مرسيدس فيتو او ما يشابهها تتسع لتسع اشخاص
وفي شركة يورب كار سيارة فلاكسويجن تي فايف او ما يشابهها تتسع لتسع اشخاص
انا كنت حاجز في رينتل كار والغيت حجزي امس وحجزت من يورب كار من خلال مكتبهم اللي في السعوديه وميزة اليورب كار عن سيكست هو ان المبلغ المحتجز اقل بكثير,, مكتب سيكست قال لي راح يحجزون دبل مبلغ التأجير ((تخيل!!!!))
زي ما قال اخوي نازف تأمين الشركة افضل وانا حسبتها ما تفرق الا شيء بسيط مقارنة براحة البال
موفق

اخوي نازف انا اعتمدت الحجز وحطيت الفيزا وكل المعلومات عن طريق رابطهم اللي ارسلوه لي وقالوا التاكيد خلال يومين ومادري هل هاللي شي دايم ولا بس معي
اما كلامك عن موضوع التامين فعلا صدقت ونقطه مهمه
ويمديني ان شاءالله اطلبه اذا وصلت وخاصه ان المبلغ اللي دفعته للوسيط 200 ريال فقط
اما الرابط مافتح معي ولكن السياره هي فولكس واجن كارفيال
مادري هي اللي تزودها شركة هرتيز ولا لا

اخوي فيصل انا رحت لفرع يورب كار ولفرع سيكست وماحصلت عندهم للاسفعشان كذا اظطريت ابحث في المواقع

السلام عليكم
انا حجزت من نفس الموقع وكنت حاجز تامين عندهم 250 ريال
لكن لما دخلت على موضوعكم كلمتهم والغيت التامين 250 ريال
وطلبت اذا وصلت راح اسوي التامين الشامل من عندهم
اتوقع هذا الافضل
اسم الشركة للتاجير باش بندر