البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
TARZAN
18-12-2022 - 12:40 pm
كنت في زيارة للبحرين انا والعائلة في الويكند الماضي اخذت غرفه في فندق جولدن توليب في المنطقه الدبلوماسيه بسعر عجيب
من موقع هوتيل كومبايند طلعت علي ب 300 ريال شامله الفطور
من شركة اسمها Amoma
فطور الفندق عال العال بصراحه
متنوع وعندهم الاومليت والبانكيك والفول والهاش براون وانواع من الكيك
هدف الرحلة كسر للروتين وفيه
سينما
وطشطشه بمسبح الفندق
ولعب سياكل بمنتزة خليفه بن سلمان
واكيد شوية شبنقه
هدفي ارضي جميع افراد العائلة
الحمد لله انبسطوا العيال وامهم
كان في بالي اتعشى بحري
وكان فيه 3 اختيارات
مطعم الشرق الاقصى في فندق رامي انترناشيونال في الجفير
او مطعم سوق السمك في شذى تاور في الحي الدبلوماسي
ولكن الاختيار وقع على مطعم الصيادين في فرضه المحرق
ابختصر التقييم واعطيه 9 من 10 لجودة الاكل
0من 10 للقيمه
0من 10 لتعامل العاملين
و7 من 10 للديكور
المطعم مو ماخذ حقه من التغطيه في منتدى العرب المسافرون
لكن عليه حركه من الخليجيين وبعض الاجانب
يستحق التجربه
بس رجاء لحد يتوقع ديكورات وفخفخه مظاهر
هذا المطعم للي يبي يتلذذ بالاكل وبسعر معقول
في جو شعبي على البحر ومقابل قوارب الصيد
عندهم بوفيه الشخص ب 55 ريال شامل المشروبات والحلا
السمك اللي في البوفيه صافي وكنعد بس طيب ماشاء الله
وعندهم نظام لاكارت للي ما يبي البوفيه
لهم حساب في انستغرام فيه كل الصور
alsayadeen
وهذي احداثيته
6-245577, 50.619803


التعليقات (9)
عامر الزعابي
عامر الزعابي
يعطيك العافية
وياريت لوعندك صور تنزلها

فيصل
فيصل
يا حبي لك دائما الصور ما تحبها
خلنا نتفرج
ما ابي فخفخه ابي جودة اكل
شكرا لك

mahmeed99
mahmeed99
الله يعطيك العافية على هالتقرير المختصر رغم إن هذا المطعم على بعد 3 إلى 4كيلومتر تقريباً من بيتنا إلا إني للحين ما جربت آكل منه وإن شاء في المرات اليايه أجربه

TARZAN
TARZAN
عامر الزعابي
الله يعافيك
اتمنى عجبك الموضوع
وسامحني على قلة الصور

TARZAN
TARZAN
فيصل
العفو
وشكرا للملاحظه القوية
معك حق
مواضيعي ناشفه
تبي جوده اكل ؟ لازم تمر عليهم

TARZAN
TARZAN
mahmeed99
رغم إن هذا المطعم على بعد 3 إلى 4كيلومتر تقريباً من بيتنا إلا إني للحين ما جربت آكل منه وإن شاء في المرات اليايه أجربه
الله يعافيك
ان شاء الله تزوره ويعجبك

المسافر الأوروبي
المسافر الأوروبي
لقد تم تخزين الإحداثيات وإن شاء الله في سفرتنا القادمة نتعشى في هذا المطعم مع العائلة

بوامتياز
بوامتياز
ان شاء الله نجربه السفرة الجايه.
شكراً على الموضوع

زائر
يعطيك العافية اخوي
يبيله في الزيارة القادمة للبحرين نودي بوالعيال
شكراا لك


خصم يصل إلى 25%