هلابك يالغالي ..
كل الأماني لك بالتوفيق يارب ... ورحلة سعيدة ياغلاهم
جزيرة ( برهتيان ) من الجزر المغمورة في شرق ماليزيا ... وهي فرصة حلوة للتغير والأستكشاف
يكفي ( جزيرة برهنتيان ) أن الأغلبية مسلمين ... ونادرا تشوف فيها الصينيين
ومن وجهة نظري ... منتجع ( بوبو ريسورت ) هو الأنسب والأفضل هناك ... وهذا الرابط من بوكينق
https://www.booking.com/hotel/my/bubu-resort.html?aid=1300939

وافي بزمن جافي
استاذنا القدير
وافي جزاك الله خير علي قاعد تقدمة لنا وللمنتدى
بس المشكلة ان هذا الفندق محجوز في نفس الفتره والفنادق الثانية مستوياته ماتشجع
وهذا الي خلاني افكر بجزيرة ريدانج كبديل لبرهنتيان لاكن خايف من موضوع التعري
ياليت نصيحتك

تسلم ياغالينا ... الله يسعد قلبك
والله ( ريدانج ) ... ماعندي أي خلفية عنها ... ماقد زرتها والله
لكن أنصحك تستخير الله ... وبأذن الله تتيسر أمورك ...
وعلى فكرة :
جزيرة ( ريدانغ ) أكبر وأشهر وأجمل من ( برهنتيان ) بكثير ... حسب ماقرأت وسمعت

وافي بزمن جافي
يعطيك العافية وماقصرت
ياليت ترسلي حسابك في تويتر وانستقرام على الخاص اذا كان عندك
تحياتي

حياالله أخوي ( جمال ) ...
والله ماعندي حساب في ( الأنستقرام ) ... وتقدر تتواصل معي عالرسايل الخاصة

- التعري موجود في ريدانغ وبرهانتين .. يعني ما تفرق كثير.- برهانتين عباره عن جزيرتين .. وحده كبيره والثانيه اصغر منها ( الاكبر اشهر )

• ريدانغ اشهر ومنتجعاتها افخم ( منتجع برجايا هو الاشهر )... برهانتين يقولون انها اجمل لانها اكثر بساطه.
• بخصوص المواصلات : خلها بعدين الين تقرر على وحده منهم.
• الله يعينك على الاختيار بينهم ..

خبيرنا النهر الجاري
الاغلب حروح برهنتيان ومنها حروح ازور ريدانق
ممكن اسم منتجع في ريدانق يكون بعيد عن مناظر التعري
يعني مايكون بكثره
بالنسبه لخط سيري حروح بالطياره ل كوتا بارو ومنها لبرهنتيان ايش رائيك
تحياتي

وافي بزمن جافي
جزاك الله خير يامشرفنا
تحياتي

بخصوص فندق في جزيره ريدنغ : ام اكيد كل الفنادق اللي على البحر بتشوف فيها مناظر تعري ... بصراحه ما اقدر افيدك عن فندق معين تكون فيه هذه المناظر قليله ... لكن انت حاول تتجنبهم ..عموما اشهر فنادقها هو فندق برجايا
اما عن المواصلات الى جزيره برهانتين : اي نعم تقدر تسافر طيران من كوالالمبور الى كوتا بارو ( تقريبا ساعه ) ومن ثم تاخذ تكسي الى ميناء كوالابيست ( تقريبا ساعه ) ومن الميناء تركب القارب الى الجزيره ( تقريبا ساعه )
وبرضه ممكن تسافر طيران من كوالالمبور الى مطار كوالاترنجانو ( تقريبا ساعه ) ومن ثم تكسي الى ميناء كوالابيست ( تقريبا ساعتين ) ومن ثم قارب الى الجزيره ( تقريبا ساعه )
يعني كوالابست جايه بالنص بين كوتابارو وكوالاترنجانو ( لكنها اقرب الى كوتابارو )

• معلومه: سبق وان سكنت بفندق برمولا في مدينه كوالاترنجانو ... وكان يوجد بالفندق مكتب سياحي ينظم جولات ورحلات سياحيه .. ومن هذه الجولات رحله لمده ليلتين الى جزيره برهانتين ..