بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



بسيطه هانم بسيطه هانم
كم استفسار محتاجه مساعدتكم ..
12-12-2014 - 02:24 am


السلام عليكم
عندي كم شغله حابه استسفر عنها و اتمنى تساعدوني

انا حابه ازور الكويت انا و زوجي بس انا ما عندي جواز سفر هل ممكن ندخل انا
و زوجي الكويت ببطاقة العائلة ؟

لو ظلينا 4 ايام في الكويت كم ممكن نصرف من مطاعم لسينما و مولات ؟

تحياتي لكم ..





المشاركات

بو عبدالحميد بو عبدالحميد
كم استفسار محتاجه مساعدتكم ..


ما اعرف شنو يعني بطاقه العايله ؟
بس اذا انتي من الخليج بالبطاقه المدنيه عادي تزورين الكويت
والمطاعم والمولات والسينما على حسب صرفكم انتو
يعني السينما تقريبا 40 ريال الشخص
المطعم تقريبا اذا مطعم حلو وجلسه حلوه ب 300 ريال شخصين
وفي مطاعم رخيصه طبعا
والمولات على حسب مشترياتكم


عامر بن مساعد عامر بن مساعد
كم استفسار محتاجه مساعدتكم ..


المشاركة الأصلية كتبت بواسطة بسيطه هانم
السلام عليكم
عندي كم شغله حابه استسفر عنها و اتمنى تساعدوني

انا حابه ازور الكويت انا و زوجي بس انا ما عندي جواز سفر هل ممكن ندخل انا
و زوجي الكويت ببطاقة العائلة ؟

لو ظلينا 4 ايام في الكويت كم ممكن نصرف من مطاعم لسينما و مولات ؟


تحياتي لكم ..
وعليكم السلام ورحمة الله وبركاته ,,

راح ارد على استفساراتك بالتفصيل لأني من اهل الخفجي واعرف الكويت زززين ^_^

اولا يا اختي بسيطه ماتقدرين تدخلون بكرت العائلة لأن النظام مايسمح .. لكن اذا انتي وزوجك عندك بطاقة مدنية الجديدة اللي فيها شريحة من ورى تقدرين تدخلين الكويت ..

وثانيا 4 ايام الى 5 ايام حلوه مره على الكويت .. وعندك بعض المولات حلوه وتستحق الزيارة

1- عندك مجمع الكوت وموقعه بمنطقة الفحيحيل مجمع صغير لكن مرتب وحلو وفيه جلسات حلوه على البحيرة اللي بوسط المجمع وعلما ان المجمع على البحر ..
2- وعندك مجمع المارينا مول وهذا طال عمرك على شارع الخليج برضو مجمع ممتاز ويشتهر بالكافيهات والجلسات الرائعة ..
3- مجمع سوق شرق وهذا موقعة على البحر نهاية شارع الخليج مجمع قديم شوي لكن يعجبني تصميمه ودايم ازوره وفيه جلسات مره رايقه
4- مجمع الافنيوز مجمع يشهر بمساحته الواسعه وخاصة بعد ما افتتحوا التوسعة الجديدة للمجمع .. وهذا موقعه على الدايري الخامس باتجاه طريق الجهراء .. ويكون المجمع على اليمين
5- سوق المباركية .. سوق قديم وشعبي ولكن حلو ومرتب ويشتهر فبيع الحلويات الايرانية والمحلية الكويتيه وموقعه نهاية طريق خادم الحرمين الشريفين

وبالنسبة للمطاعم لايفوتك مطعم فريج صويلح خلف مجمع المارينا مول ..
وبخصوص السينما .. موجودة في كل مجمع .. والترفيه فيه ملاهي او حديقة الشعب على طريق الخليج ..وفيه بعد ابراج الكويت برضو على نهاية شارع الخليج ..
وبالنسبة للصرف اتوقع من 3 الالف الى 4 الالف بتكفيكم وتزود .. لاتستغربين الملبغ هذا لـ 4 ايام ..
لأن فارق العملة له دور .. لأن الدينار الكويتي اغلى من الريـال السعودي بكثير وحاليا الدينار يساوي 13.5 ريـال ..
يعني لو بتصرفين 4000 ريـال بيطلع لك 290 دينار كويتي تقريبا .. بس فيها بركه :)

واي استفتسار ثاني انا حاضر واتمنى لكم رحلة سعيده .. واذا رايحن عن طريق البر سيروا علينا حنا على طريقكم بالخفجي ..

تحيتي لك ..



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

كم استفسار محتاجه مساعدتكم ..