محد رد ؟؟
بليزز !

وعليكم السلام ورحمة الله وبركاته::
هلا اختي ..ورحم الله الغالي واسكنه فسيح جناته.
بالنسبة لموضوع السفر ..لازم تتعبين شويتين في القراءة والبحث عن المعلومات ..حتى يكون للرحلة جمال ورونق وخاصة عند اختيار الاماكن السياحية اللي يفضل زيارتها ..
هذه اساسيات في السفر لابد من انهائها قبل السفر : التذاكر - السكن - بطاقة ائتمانية - فيزا الشينجن.
التذاكر مثل ما تفضلتم حجزتوها لمدة 11 يوم ذهاب باريس وعودة باريس.
السكن يفضل الشقق او الشقق الفندقية
بطاقة فيزا او ماستر كارد لأتمام الحجوزات والاستغناء عن حمل الكاش الكثير.
فيزا الشينجن لجميع افراد العائلة وهذا موضوع للطلبات :
https://artravelers.com/p/re/708679
=========
بالنسبة لتقسيم الايام ..ان وقت السفر في شهر مارس ويعتبر نهاية الشتاء .
فلا تستغربو ان اكثر الانشطة السياحية في من منتصف ابريل راح تفتح .
ولكن توجد العديد الانشطة المفتوحة طوال العام .
وعلى فكرة ..لابد من اخذ السويس باس وهذه نبذة عنه :
https://artravelers.com/p/re/62167
===========
على فكرة ..هل ممكن تغيير تذاكر الطيران ..الذهاب الى باريس والعودة من جنيف ..او العكس ؟؟؟؟؟
تقسيم الايام ..اربعة ايام في باريس وسبعة ايام في سويسرا .
اذا ماا كان فيه امكانية للتغيير ..فيكون المخطط كالتالي:
الوصول الى باريس وقضاء يوم واحد
جنيف وأنسي ومونترو ومصنع الشوكولاتة يومين
انترلكن ثلاثة ايام
زيورخ يومين
باريس ثلاثة ايام (بالقطار) اخر الايام باريس عشان الديزني وعشان التسوق .
=========
بخصوص الميزانية المتوقعة ..تقريبية طبعا من 45 الى 50 الف ريال.
فنادق ومصاريف يومية من عشاء وتمشيات نشاط او نشاطين .
الفنادق لابد من تحديد المدن المراد زيارتها ثم حساب تكلفتها الصحيحة .
السويس باس فير المقترح هو لمدة ثمانية ايام .
==
ولو كان الذهاب الى جنيف والرجوع من باريس..وهو الافضل من نظري ..راح تكون سويسرا ثمانية ايام + ثلاثة ايام في باريس
جنيف وأنسي ومونترو ومصنع الشوكولاتة يومين
انترلكن ثلاثة ايام
زيورخ ثلاثة ايام
باريس ثلاثة ايام (بالقطار) اخر الايام باريس عشان الديزني وعشان التسوق .
==========
في انتظار ردكم وايش راح يصير معكم .
بالتوفيق

ميدوو الله يوفقك ويفتح لك ابواب السعاده ويسخر لك من حيث لاتحتسب
انا بعتمد كل اللي قلته وبصلحه وبرجع اقراه بس قلت ارد عليك قبل
التذاكر حجزناها ع المخفضه ومافيه امكانية تغيير ابد
يعني بندخل من باريس ونطلع منهاا
بس زي ماقلت نصير بباريس يوم وبعدين نروح سويسرا ونرجع باريس نجلس فيها الى نرجع ؟؟
طيب الفيزا من اي سفاره ؟؟
الله يجزاك الجنه ويجعله بموازين حسناتك كفيت ووفيت

عذرا على المداخلة
أولا / الفيزا تستخرجيها من السفارة الفرنسية
ثانيا / المفروض ما قطعتم التذاكر حتى رسمتي خطة لرحلتكم وحددتي نقطة بداية ونقطة نهاية
لأنه باريس بعيدة عن جنيف تصل لأكثر من 500 كم تقريبا
وكمان وقت السفر حلاته من شهر مايو ويونيو ويوليو لأنه الجو يكون بها أفضل
عموما ميدو ما قصر وأتمنى لكم رحلة سعيدة

اخوي شكرا على مداخلتك
تسرعنا لما قصينا التذاكر كنا نبيها هديه لمماما وكأول رحله لازم الواحد يحوس ؟
عموما كل شي خيره و ان شاء الله تصير حلوه وحتى لو بعيده 500 كلم بيكون الطريق اكيد ممتع
ومانبي الصيف لان ملتزميين مع عائلتنا بمناسبات مانقدر نسافر الا بهالاوقات
الف شكر لك وماقصرت

باريس فندق اكسبلور
بعدها بنروح انسي ونسكن فيها بفندق splendid وبنمر جنيف ومونترو بس مانبي نسكن فيها ينفع ؟؟
لان قرات بين انسي وجنيف حول 43 كلم ؟؟
انترلاكن بنسكن kathy's lodge
او youth hotel
او backpackers villg
نبي نايس فيوو ينفع نسكن باكوواخ ؟؟
وش افضل شي قرات تقرير عن كووخ بقريه بانتلاكن بس لما راسلتهم قالو انهم يجددون بفترة اقامتناا
زيورخ مابعد لقيت فنادق
زينه اللي كتبتها ؟؟ لاني بحجزز عن ظريق مكتب سياحي بكره :)
غثيتكم سووري

هلا اختي ..الله يجزاك الجنة..
بالنسبة للشنغن ..نظاميا ..تطلع من الدولة الاكثر اقامة ..بغض النظر عن مكان الوصول.
في حالة مخططكم ..راح تكون الفيزا من السفارة السويسرية ..باعتبارها الاكثر اقامة .
وممكن الرجوع الى السفارة في الرياض او القنصلية في جدة والتأكد من الموضوع .
http://www.eda.admin.ch/eda/en/home/reps/asia/vsau/cgjed.html
=============
سكن أنسي ممتاز.
ومن وجهة نظري الشخصية ..السكن في جنيف افضل لزيارة المناطق المجاورة وخاصة بالقطار ..او عن طريق الرحلات السياحية .
=====
انترلكن ....بالنسبة للفندقين المقترحة ..هي عبارة عن نظام سرير وافطار ..بيد اند بريكفاست ..والله يكرمكم بعضها الحمام مشترك .
اذا الشقق الاخيرة الباكبيكر ..فيها خصوصية تامة ,, تراها طيبة .
مواقعهم جميلة لقربها من محطات القطار.
=================
الاكواخ غالبا تكون في الارياف ..ولابد من توفر سيارة .
ممكن بعض الشقق تكون افضل .لتميز مواقعها في مواقع حيوية .
===========
على فكرة ..ليش تحجزو من مكتب سياحي ؟؟
اذا كانت بطاقة الفيزا موجودة + طابعة ..الحجز عن طريق بوكنج مرة سهل .
https://artravelers.com/p/re/230102
وممكن تودوها لمكتب سياحي (مع ان الغالب راح يقترح عليكم الفنادق اللي يتعامل معاها ) ومقارنة الاسعار
بس انتبهو لحكاية ..هل النقود مستردة في حالة الالغاء ام لا .
لأن الحجوزات اللي يكون فيها عدم استرداد للمبلغ تكون ارخص من المستردة .
==================
وبالتوفيق

الله يعطيك الف عافيه ..
ويجزاك الجنه انت علمتني البدايات لاني كنت اجهل اشياء كثير ! ان شاء الله راح امشي زي ماقلت لي
بالنسبه للفيزا كارد ماعندنا عشان كذا الجأ للمكاتب الحجز
ودنا نسكن بجنيف بس مره غاليه الفنادق ولاننا خمسه فنضطر ناخذ غرفتين ولما دورت لقيتها توصل ثمانيه الاف لليتين
ماتسوا علينا يومين انا بس قلت بشوف القطارات سيرها وين بالضبط وعقب احجز الفنادق
لاني اخاف احجز بانسي ومايصير فيها قطار اوو مانلقى تاكسي
فما حجزت الا فندق قريب من ديزني ليوم والايام الاخيره شقق فندقيه قريبه من ايفل قريت تقرير عنها هنا وحجزت
بس سويسرا ماصلحت شي زي ماقلت لك وكنت انتظر ردك ع الفنادق ..
عموما الشغله الظاهر يبيلها تعب اكثرر .. راح ابحث اكثر وادور وابلغكك بالمستجدات
سامحني اخوي تعبتك
جزاك الله خييرر ويجعله بموازين حسناتك ويسخر لك