الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
وقف
09-12-2022 - 09:23 pm
السلام عليكم ورحمة الله
مسّاكم الله بالخير جميعاً
1- حابة أسأل وش الأسواق اللي أحصل فيها الصناعة الكويتية مثل الفساتين والميني جلابية بعيداً عن الماركات المشهورة لأنها بكل مكان ..!
2- اسمع بشي اسمه البلوكات .. هل هي سوق خاص بالأقمشة فقط ..!
3- وش فيه مطاعم كويسة تكون ببارتشن غير فريج صويلح ..!
4- هل فيه مدينة ألعاب يكون فيها ألعاب تحدي مثل الكورة اللي ترمين فيها القواطي وتفوزين بدبدوب
5- وش ترشحون لي بين هالثلاث فنادق من حيث النظافة وإطلالة البحر والمكان (ويهمني وجود الشطاف بالحمام أكرمكم الله) :
Convention center and royal suites hotel
Movenpick albidaa
Le royal tower
وشكرأ جزيلاً مقدماً


التعليقات (7)
توبليرون
توبليرون
وقف
4- هل فيه مدينة ألعاب يكون فيها ألعاب تحدي مثل الكورة اللي ترمين فيها القواطي وتفوزين بدبدوب
اي موجوده في حديقة الشعب بمنطقة الشعب البحري
في حديقة مرح لاند بالصباحية
في العاب كويت ماجيك
والمدينه الترفيهية
في محل العاب ومول اسمه ديسكفري
الصراحه ما رحت له بس اعتقد فيه وهو جديد
5- وش ترشحون لي بين هالثلاث فنادق من حيث النظافة وإطلالة البحر والمكان (ويهمني وجود الشطاف بالحمام أكرمكم الله) :
Convention center and royal suites hotel
Movenpick albidaa
Le royal tower
ما اقدر افيدك بالفنادق لاني ما سكنت فيهم ههه
بس الكويت اكيد تلاقين الشطاف بكل حمامات الفنادق
موفنبيك البدع موقعه ممتاز
وشكرأ جزيلاً مقدماً
الكويت بتنور بوجودكم

هدوء العالم
هدوء العالم
وقف
وأنصحج بموفنبيك البدع
https://www.booking.com/hotel/kw/moevenpick-resort-al-bida-a.ar.html?aid=1300939
ورحلة موفقة بإذن الله

هدوء العالم
هدوء العالم
وي جاوبتي مميزتنا أم يوسف
كله من لابتوبي إلي ما أدري ليه صاير يعلق
كتبت والرد طار بس عد من جديد
وسبقتيني ههه
تستاهل أختنا

توبليرون
توبليرون
هدوء جاوبي انتي بعد يمكن عندج اماكن يقدرون يستفيدون منها
غير اللي انا حاطتهم
ما نستغنى عنج ولو هدوءة

q8ya metnaqla
q8ya metnaqla
ماقصروا خواتي ام يوسف وهدوء
المطاعم عندج مغل محل وقيصر ولونوتر اللي عالبحر
البلوكات فوق الخياطيين تلقين عندهم اشياء جازه مخيطينها واذا تبين يفصلون لج
مجمع البستان في جم محل ملابس كويتيه والجابريه فيها اتيلات لمصممات كويتيات
واتيليه زوغه على شارع البلاجات شغلم وايد حلو بس اشوي غالي وبرج جاسم بالديره في جم محل كل لمصصمات كويتيات والمعارض طبعا مثل ماقالت هدوء
الفنادق
لا رويال حلو وموقعه ممتاز بالديره يمج الصالحيه والمباركيه والرايه وبرج الحمرا وديسكفري وبرج جاسم وميس الفانم وقيصر والابراج انا احبه
وموفنبيك البدع بعد موقعه وايد حلو والاحلى ان حواليج كافيهات ومطاعم لي الساعه 12 بالليل فاتحين اذا انتتوا تحبون تقعدون لي 12 انصحج فيه
وحياكم الله

وقف
وقف
أم يوسف
هدوء
كويتية متنقلة
الله يسعدكم يارب ماقصرتوا
ارتحت لموفنبيك وان شاء الله يطلع قد التوقع
بسألكم برضو هل فيه مجمعات أحصل فيها نفس طابع ملابس مجمع النقرة قصدي الجلابيات الكويتية والفساتين الناعمة للزيارات ..
يعني فساتين حلوة بعيداً عن الماركات اللي تحصلين خمسة لابسين مثلك
فيه النقرة والسالمية ستي سنتر .. هل فيه غيرهم ..!

q8ya metnaqla
q8ya metnaqla
مجمع العثمان والمهلب بحولي - وممكن فحيحيل كويت ماجيك والكوت - والعقيله مجمع البيرق
العفو ماسوينا شي وحياكم الله


خصم يصل إلى 25%