ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أجوآء خلابه
15-03-2022 - 07:59 pm
مساء الخير
وعيدكم مبارك وعساكم من عواده ي رب
ناويه اسافر ماليزيا بتاريخ 16 سبتمبر والعوده يوم 24
انا سبق لي وزرت ماليزيا وحابه اروح لها هالمره زياره سريعه
وحابه تساعدوني بفنادق تكون ممتازه وسعرها معقول
بس ابغى تكاليف السفره كلها م تتعدى 10 الاف بالتزاكر
لاني حصلت على الخطوط الماليزيه لشخصين ب 3580
وازا في خطوط ارخص ياليت تدوني خبر لاني لسى م حجزت


التعليقات (9)
bighope
bighope
أختي عندك الارخص خطوط الماليزيه والسعوديه لانها بدون توقف
وبالنسبه هذي زيارتك الثانيه على حد قولك حاولي تروحين لاماكن لم يسبق لك زيارتها
بالنسبه للنفادق الرخيصه انتي حددي الاماكن وان شاء الله ماراح نقصر معكك يالغاليه

bighope
bighope
الحجز على الخطوط السعوديه لشخصين الذهاب بتاريه 16 سبتمبر والعوده 24 من نفس الشهر
5ريال للشخصين بصراخه رخيصه مرره
انا رحلتي بعد اسبوع الشخص الواحد 3100 ريال
احجز الان يالغلا بصراحه العرض ماينتفووت

وافي بزمن جافي
وافي بزمن جافي
أهلآ أختنا الكريمة ...
أسأل الله لكم التوفيق يارب ... ورحلة موفقة وسعيدة بأذن الله
بصراحة الخطوط الماليزية راقية ... أتعب وأنا أقول راقية ...
سافرت معهم مرتين ... وكانت قمة في الفخامة وأحترام المواعيد والخدمة الراقية ...
سعرها مناسب جدآ ... ومايتعوض بصراحة ... وأنصحك بالحجز عليها بدون أي تردد
وبخصوص الأيام الثمانية ... هذا التقسيم الأجمل :
يومين جنتنغ ( فندق فيرست وورلد )
ثلاثة أيام لنكاوي ( فندق الفوربوينت شيرانون )
ثلاثة أيام كوالا ( فندق الدورسيت ريجنسي )
  • أتوقع تكلفكم الفنادق ( 3500 ريال )
  • المصروف اليومي ( 400 ريال * 8 أيام ) = 3200 ريال

يعني كل السفرة ماراح تتجاوز ( 10000 ريال ) بأذن الله مع التذاكر الدولية

أجوآء خلابه
أجوآء خلابه
الله يخليك اخوي
انا ابي اروح سيلانجور فندق الصن واي براميد
و الكاميرون اعجبتني بالمره ابي اجلس فيها بعد
وبياننج بعدين ارجع كوالا
تكفى رتبلي الفنادق بنفس هالسعر والفنادق ابيها شامله الفطور

أجوآء خلابه
أجوآء خلابه
انا وقع اختياري
على الصن واي براميد
والكاميرون هوتيل دي لي فرنس او الاكواتريال
وبياننج الهارك روك
بعدين في كوالا قراند ملينيوم

وافي بزمن جافي
وافي بزمن جافي
هلا أختنا الغالية ...
طيب تفضلي هذا البرنامج بعد التعديل :
يومين سلانجور ( فندق بيراميد )
ثلاثة أيام الكاميرون ( فندق الدي لافرانس )
ثلاثة أيام كوالا ( فندق قراند ملينيوم )
ملاحظات :
  • من أجل راحة التنقلات ( أحذفوا ) بينانغ ... لأنها عادية ... وماراح تندمون على حذفها
  • الفنادق راح تكلفكم تقريبآ ( 4000 ريال ) ...
  • من سلانجور للكاميرون ( تاكسي أو باص ) والمساف أربع ساعات
  • من الكاميرون إلى كوالا ( باص يونيتيتي ) والمسافة أربع ساعات ... وسعر التذكرة 40 رنقت للشخص
  • باص ( يونيتيتي ) تحجزونه قبل الرحلة بيومين من مكتبهم في ( تانارات ) وسط الكاميرون ...


أجوآء خلابه
أجوآء خلابه
اخوي وافي
العام زرنا بياننج واعجبتنا بالمره حديقه الفواكه حقتهم مره حلوه
وغير كدا مو ناوين تسوق وكوالا احلى ما فيها شارع العرب فناوين نخليه يوم واحد بس لانو م راح نتسوق
ف بليز خليها بالجدول
وبالنسبه للكاميرون اش افضل
فندق الدي لافرانس
او الاكواتريال لاني حصلت جناح بسعر 842 ليومين
وبالنسبه لبياننج اش رايك بفندق الهارك روك
ابي فندق يكون على الشاطى وقريب من السوق الليلي
و بكوالا اخترت فندق قريب من محطه القطار وجربناه العام هو كراون بلازا
لو تعرف فندق يكون بشارع العرب وكويس فئه 5 نجوم ياليت تفيدنا يكون قريب من مجمع بي بي بلازا
والف شكر لك

وافي بزمن جافي
وافي بزمن جافي
أهلا أختنا الكريمة ...
أهم شيء راحتكم ... والرحلة رحلتكم
طالما تبغين ( بينانغ ) في الجدول ... هذا التوزيع الأجمل
يومين سلانجور ( فندق البيراميد )
يومين بينانغ ( فندق الهوليدي إن )
يومين الكاميرون ( فندق الدي لافرانس )
يومين كوالا ( فندق الماريوت )
طبعا سيكون الجدول ( مرهق ) ... والله يعينكم

جداوي فله
جداوي فله
اذا اربع مناطق وكل منطقه يومين
بيكون متعب جداً
يوم الوصول ويوم المغادرة باقي يوم اشوفه قليل جداً
انصحك تروحي على بينانغ برحله مواصله داخليه وتجلسي فيها ثلاثه ايام
وترجعي كوالا خمسه ايام يوم زيارة لصن واي
ويوم زياره لجنتنغ
والباقي كوالا
الترتيب
1-بينانغ 3ليال
2-كوالا 5ليال


خصم يصل إلى 25%