بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



F-R20 F-R20
مساعده: برنامج شهر عسل
02-12-2014 - 07:51 am

السلام عليكم ورحمه الله وبركاته

ماشاء الله موقع متميز ومجهود جبار من الاعضاء القائمين عليه

ندخل فالموضوع. انا ان شاء الله عرسي بيكون شهر ١١ الياي, وقررت تكون اول وجهه لي هيه بوكيت وجزيره كوسوموي (للاستجمام والاسترخاء). والفندق الرائع ساريرايا

كنت مقرر اقعد اول ليلتين في هذا الفندق, وبعدين ارجع على بوكيت عشان اكمل باقي الرحلات فيها. والخطه اني ايلس في بوكيت وجزرها حول الاسبوع. ومن ثم اسافر الى بلد ثاني, بس مب عارف الى اي بلد اتوجه. وحاب اني اروح الى مدينه حلوه ونظيفه وممكن اسوي بعض النشاطات ولكن ليس منتجع

عند اختيار الوجهه, احط لنفسي شروط وهي انه يكون الجو فيها معتدل (اكره الرطوبه).. والصفه العامه للمكان النظافه.

كنت مفكر في ماليزيا بعدين قالولي جوها حار (شخص راح لها في شهر مارس ٢٠١٢), عقب فكرت اندونيسيا والا سنغفوره. انا شخصيا رحت سنغفورة وليقتها نظيفه وحلوه بس حر ورطوبه وجوها وايد متقلب (شهر مارس ٢٠٠٨) واسمع انها غاليه.

فياريت لو حد يساعدني فبرنامج شهر عسل يكون هادي ومريح ونظيف

علما انه مده السفره هيه ١٧ يوم. والميزانيه في حدود ال ٣٠ الف شامل التذاكر والسكن.

شو رايكم يا اخوان؟





المشاركات

ابن فطفوطه ابن فطفوطه
مساعده: برنامج شهر عسل


وعليكم السلام ورحمه الله وبركاته

مبروك مقدما والله يجمع بينكم على خير


اول شيء سالفه الحر ترى اغلب الدول هناك مدن استوائيه واغلبها تقريبا نفس درجه الحراره


تتراوح بين 28 الى 33 درجه ومادام انك تبي تروح لبوكيت يعني انسى سالفه الحر


لاني انا توني ياي من سريلانكا وسنغافورة وماليزيا وبوكيت


وبوكيت كانت احر مكان فيهم وحتى لوني تغير والسبب بوكيت


على العموم انا ارشح لك سريلانكا واندونيسيا وماليزيا


لكن انت على شنو ناوي بالضبط يعني تبي طبيعه ؟ ولا تبي مدن متطوره وتسوق ولا شنو ؟


طبعا الطبيعه في سريلانكا واندونيسيا اما ماليزيا جامعه بين الاثنين


انت شوف شنو رايك وعطنا خير


F-R20 F-R20
مساعده: برنامج شهر عسل


اخيرا احد رد عالموضوع
اشكرك ياخوي

هل بيكون في فرق بين الجو الحين والجو في شهر ١١؟ اقصد في بوكيت

كنت اتمنى بعد بوكيت اروح على مدن (يعني تقريبا شي يكون مماثل للي موجود في تركيا)
وشو بخصوص تركيا؟ سمعت انه جوها بيكون بارد في شهر ١١


ابن فطفوطه ابن فطفوطه
مساعده: برنامج شهر عسل


مثل ما قلت لك بلد استوائي جوه راح يكون متقارب طول العام

يعني ما اتوقع بيكون في فرق كبير وشهر 11 الاجانب يكونون اكثر لانه وقت شتاء عندهم


اما اذا كنت تبي جو متقارب لجو تركيا او نفسه تقريبا عندك كوريا


فكرت بكوريا ؟ انا شخصيا الصراحه احلم اروح لها



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

مساعده: برنامج شهر عسل