arabic traveller
14-02-2022 - 08:24 pm
السلام عليكم
الله يسعدكم يارب عندي استسفار بسيط او تقدر تقولون تافهه بس لان هذي اول مرا.. نسافر فيها انا والاهل برى السعوديه وتعرفون الي اول مرا يطلع برى السعوديه
رحلتنا بعد يومين ان شاء الله على خطوط باثي باسفيك
ترانزيت
الذهاب
الرياض-هونج كونج الجلوس فيها يومان
هونج كونج - ماليزيا (كوالامبور)
العوده
ماليزيا(كوالامبور)- هونج كونج ساعتين فقط - الرياض
حبيت استفسر كيف قص البوردنق وكيف طريقتهم بشحن الشنط
اول مانوصل مطار هونج كونج وش المطلوب ! لان اللغه مب مره ومطار هونج كونج كبير مرا
نفس الحكايه في ماليزيا وش المطلوب والله مدري ياليت احد يشرح لنا ويريحنا ..
وفي العوده .. الترانزيت ساعتين في هونج كونج هل الشنط والعفش تنقل للطياره دايركت والا لازم نستلمها لان مافيه وقت والا بس نتوجه ونختم على الجوزات ونقص البوردنق وانتهينا
الله يعافيكم شايله هم الرحله مرا انا واهلي باانتظار ردودكم ومساعدتكم املي بعد الله فيكم
وان شاء الله ماتقصرون ,,
لا تحاتى و لا تشيلى هم الترانزيت و البوردنق كلها امور ستيسر باذن الله
و العفش راح تسلمينه عند آخر محطة نزول لكم فى اى دولة سواء هونج كونج او ماليزيا عليكم بالاحتفاظ بالاستكر " رصيد ارقام العفش "
و قص البوردنق " كرت صعود الطائرة " عند موظفى الكونترات و هناك علامات تدل على ذلك
و البوردنق كارت مكتوب اسم الصالة و البوابة لاقلاع الطائرة
تشيك على صالة و بوابة طيران كاثى باسيفيك فى مطار هونكج كونج
صالة رقمTerminal T1
بوابة او ممرB/C
هذا كروكى للصالة رقم 1 الطابق 5
لا حظى بالاسفل على اليمين رقم و موقع خطوط كاثى باسيفيك
نقطة مهمة : لا تتردى بسؤال مكاتب الاستعلامات فى المطار وعليك بالاشارة على رقم الرحلة و الخطوط الناقلة " كاثى باسيفيك "
اتمنى افدتك و لو بالقليل