السلام عليكم ورحمة الله وبركاته
كيف حالكم اخواني عساكم طيبين ..
الحمدلله ,,
اليوم الفجر وصلت من الاردن بالسلامه ..
وكانت سفرتي سريعة اللي هي يوم الخميس والجمعة ..
لأني وديت أخوي اللي اكبر مني هناك تمشية أول مره يطلع للاردن ..
وحبيت اسوي تقرير مبسّط بما اني طالع اتمشى ,,
بما اني فاشل في اعداد وانشاء التقارير , فلا تنقدون على تقريري لأنه اول مره اسوي
(طبعاً الكاميرا شحذتها شحذه من ولد عمي وما بها ذاكرة واضطرينا نشتري لها)
واعتذر عن بعض الصور المستهلكة الشبيهه من صور الاخوه الآخرين في تقاريرهم ..
واعتذر عن ردائة بعض الصور لأني اصور وانا جالس اسوق
كان بودي ابدأ التقرير وانتهي به بشكل تفصيلي ابتدءاً وانتهاءاً من وإلى البيت لكن صارت السفرة بشكل فجائي ووقت الظهيرة كل محلات الالكترونيات والاستوديو مغلقة ..
واضطريت امشي واشتري الذاكرة من القريات
بسم الله نبدأ :لحظة خروجنا من القريات بإتجاه عمّان المحبه ..
اعتذر أني ماصورت الطريق لحظة دخولي الاردن لأنه كان وقت ليل والطريق مظلم ..
منظر من امام ملاهي الجبيهة , لحظة وصولنا ..
كان هالكنا الجوع , وحبينا نغيّر الوجبات التقليدية , ونشوف مطاعم جديدة ..
فجأه واحنا ماشين على شارع المدينة وقبل دوار الواحة اعجبني اسم مطعم وشكله , وقلت لازم نجربه ..
إسمه (تتبيله)
اخوي يسولف مع المحاسب ,
الطعم لذيذ جداً جداً ,,,,,,, واعجبني البطاطس (الشيبس) عليه بهارات ممتازة
وفوراً اخذنا الطلب وعلى الشقة (دبّيناها) ونمنا إلى يوم جمعة جميل ..
وكان جدولنا تمشية (عشوائية) لا يوجد جدول محدد ههه
العودة الى عمان لتناول طعام الغداء ..
ووقع الاختيار على مطعم (نيران) ومطعم (مسخن بنت الجبل) بشارع القاردنز ..
لا احد يضحك على السفره اخذنا الاكل للشقة وماحصلنا سفره وحطيناه على اكياس الطلبات ههه
وبعد صلاة العصر , قلنا نبي نروح لملاهي الملك عبدالله , نستعيد الذكريات القديمة ..
وليتنا لم نذهب ,, اين ملاهي الملك عبدالله القديمة , اين الترفيه الذي عهدناه عليها ..
ذهبت للأماكن اللي كنا نأتي لها منذ اكثر من 13 سنه , وأجدها مهجورة جميعا !!
بيت الاشباح - التزلج - الالعاب الالكترونية - التلفريك - الرماية - وغيرها الكثير ..
اما الآن !!!!!!
اصبحت مقاهي وليست ملاهي ..
لا احد يدقق بأسفل الصورة التالية :
بعد ذلك نزلت اخوي للشقة يبي يرتاح , وقلت بروح لعمان مول , على وصف احد الاخوه ان هناك محل يقوم بالرسم داخل الزجاج بالرمل وانا سبق وكتبت موضوع ابحث عن مثل هالمحلات .. ,, وعند ذهابي الى هناك للأسف الشخص الموجود قال الولد اللي يرسم غير موجود اليوم يأتي بكرة .. وما اقدر اصبر لبكرة لأننا نريد العودة الى السعودية بنفس الوقت .. قلت بتمشى بعمان مول واشتريت بعض الاغراض , وللأسف لم تسنح لي الفرصة بالتصوير لأن المكان مزدحم ومافيه مجال للتصوير ..
وهذي صورة لبطاطس طازجة مبرومة من كشك موجود داخل عمان مول , يسويها قدامك ويحط فيها النكهة اللي تحبها اعجبني الطعم
وبعد ذلك تذكرت اني حطيت موضوع بالبوابة اطلب فيها وصف مكان الرسم داخل الزجاج بالرمل ..
المهم رحت لأقرب مقهى نت , وادخل الموضوع وحفظت المكان , الله يعطي الاخوه جميعاً العافيه على الوصف الدقيق ..
واخذت اخوي من الشقة واخذنا اغراضنا عشان نمشي على طول ..
وبعد ذلك ذهبنا لوسط البلد بالقرب من جامع الحسيني ..
ووجدنا ضالتنا
بدأ عماد بالشغل على طلباتي ابدع بالعمل صراحه ..
احلى بنوته ( لين ) انا حبيتها ماشاء الله الله يخليها لأبوها وامها ..
كلامها زي العسل ههه ..
نتيجة العمل :
وبعد ذلك قبل مانمشي للسعودية اشتهينا نتعشى مشاوي ,,
واحنا طالعين وماشين على شارع الجمارك ( ش مادبا ) الا دخاخين المشاوي كأنها تنادي لنا وتقول الزين (عنّا) ..
احترنا نوقف عند مين , فغمضت عيوني وقلت المحل اللي نصدمه هو نصيبه ههه
فصدمنا المطعم التالي ووقع الاختيار عليها , وصراحه شغل لذيذ ويستاهل الصدمه ههه ..
( مطعم السبيل )
طلبنا تشكيلة نص كيلو مع كبدة
هذا مو ألنا ههه ..
الحمدلله كان عشاء لذيذ ويستاهل ..
وبعدها توكلنا على الله ومشينا الى ديرتنا ..
وصلنا الى الازرق ,
قلنا نوقف عند محل وناخذ منه زيت زيتون وزعتر وجبنة وشوية شغلات ..
ايضاً اعتذر عن التصوير العودة , لأن الطريق مظلم , ولم تسمح الفرصة للتصوير ..
وبهذا اكون أتممت العمل , وأتمنى ان ينال على رضاكم ..
سبحان الله , والحمدلله , ولا اله الا الله , والله اكبر ..