yamooo
03-12-2022 - 07:11 pm
طبعا أكيد بتسمعوا الكلام ده كتير واتعودتوا عليه بس بجد من غير المنتدى ده مكنتش اتحركت من مكاني ولارحت في أي مكان، الموضوع بدأ معاي لما كنت بعمل search عن فنادق دبي ودخلت الموقع بالصدفه ومش عارفه ايه اللي خلاني أدخل على بوابة ماليزيا يمكن عشان لقيت عدد مشاهداتها كبير فأخذني الفضول اني أدخلها وياريتني مادخلتها( طبعا بالمعنى الايجابي) وعينكوا ماتشوف الا النور!!!!!!!! زي ما بيقولوا عندنا في مصر، لقيت صور وتقارير وآراء ونصائح بجد انبهرت بالموقع ولما زوجي رجع من الشغل وريته شوية صور من باب الفضول مش أكتر وعمري ماكنت أتخيل اني أروح البلد الجميله دي......... لقيته مره واحده بيقوللي ايه رأيك نروح ماليزيا؟!!!!! طبعا كنت بحسبه بيهزر لأن الوقت كان ضيق تقريبا قبل العيد بأسبوعين أو أكتر شويه ومكانش عنده غير أجازه العيد المهم بعدها بيوم لقيته بيقوللي خلاص هنروح ماليزيا ان شاء الله بس 10 أيام بس قلتله حتى ولو خمسه أنا موافقه وبدأت رحلة البحث الممتعه والمتعبه في نفس الوقت لأني ساعات مكنتش بأنام كويس وقاعده طول النهار قدام الكمبيوتر وبحاول أقرأ وأجمع أكبر قدر من المعلومات كأني بذاكر عشان داخله مسابقه أو امتحان بس الحمدلله كنت طالبه مجتهده وذاكرت كويس وطبعا بشكر كل الاساتذه والمدرسين اللي ساعدوني (جزاكم الله عنا خير الجزاء وربنا يجعله في ميزان حسناتكم) الاخوان zazaz والأسفار متعتي والنهر الجاري وأحمد عبد الله وخصوصا حضرة الناظر الأخ وافي بزمن جافي اللي طفش من كتر أسئلتي وطبعا كل التقارير الموجوده ونصائح الأعضاء بجد فادتني كتير والحمد لله كانت رحله موفقه بفضل الله ثم بفضلكم
وطبعا اعضاء المنتدى او المنتدى بصراحه فيه كم هائل من المعلومات
ويوجد اعضاء لهم الفضل الكبير في نجاح رحلاتنا ونثر معلوماتهم يتحفنا
طبعا لهم الدعاء في علم الغيب لانه لانرى بعض
وكم احببنا بعض الزملاء ولم نرهم وكم احببنا تعليقاتهم ونفحاتهم
اسال المولى ان يجمعنا بهم في جنه الجنان
وان يرزقهم الخير
وتقبلي تحياتي
شكرا