nanaabuabed
21-11-2022 - 03:03 pm
اخواني ..اخواتي في بوابة الاردن
يسعد صباحكم
كل عام وانتو بخير ..تقبل الله طاعاتكم
انتهى موسم الاعياد
ودخل فصل الشتا بهدوئه ...
وبلشنا نحس بقرب موسم البيات الشتوي
ولا استثني بوابتنا من هالركود
فقلنا نعمل الكم كم تقرير خفيف وسريع متل السندوش ليغير جوكم
واكيد مافي احلى من الحلى خصوصا ان اغلب رواد البوابة الأردنية بحب الحلو والكنافة بالخصوص.
في العيد والجو كان برد قلنا نروح ناكل كنافة بشارع المدينة المنورة عند "عرفات"
اكيد اكل الكنافة لازم يكون في محلها لحتى ما تبرد وتتغير احداثياتها
شو رأيكم تكونوا معي بهالتجربة وبالصور .. وانا حاسبه حسابكم كل واحد بطبق.
واصلوا لتروا المزيد . بس وين ..؟؟ معي انا محدثتكم نانا .
ودي ووردي
صحن تصبيرة عالسريع
تتميز كنافة هالمحل بان نسبة الدهون الي فيها قليلة . وحتى القطر يعني السكر الي بحطوه فيها حسب رغبتك ممكن ما يضيف زيادة متل العادة وممكن يضيف متل مابدك بالاضافة إلى طعم الجبنة المميز
اترككم مع الصور
آرمة المحل فرع شارع المدينة المنورة
قائمة الاسعار
عن قرب . سخنة . يمي يمي
كمان مرة .. كفاية. حرام ههه
تم القضاء على الطبق. قضاءا مبرما ههه
جولة في المحل والمنتجات
علب للسفر
منتجات اخرى
المحل صغير ولكن الي بهمني وبهمكم هو الطعم اكيد
هيك خلص التقرير
اتمنى يكون تقريري السريع راق لحضراتكم ..
لكم كل الود والاحترام