المانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
UAE0
04-12-2022 - 04:42 am
السلام عليكم ورحمة الله وبركاته ..
يسعدلي صبآحكم / مسآكم أعضاء العرب المسآفرون ..
أحب أشكر مشرف هذه البوابه ( بو عمر ) على الجهد الي يبذله في خدمة أعضاء العرب المسآفرون
بشرح طريقة حجز السياره ان شاء الله من شركة يوروب كار .. وان شاء الله تكون ذات فائده للاخوه اللي يسألون ..
طبعا الشركه من افضل شركات تاجير السيارات ..
والافضل ان الواحد يحجز من النت اضمن .. هذي وجهة نظري ..
موقع الشركه الرسمي
بتظهر هذي الصفحه وهني نقدر نحدد شو نوع السياره اللي نريدها مثل ماهو موضح اعلى الصوره
توجد 5 خانات تحدد انواع السيارات من اليمين ,, اوتماتيك و سيارات فاخره و صديقة البيئه و عائليه و اخر خيار المفروض
تكون جميع السيارات من الصغيره الى الكبيره ..
قبل عملية الحجز نقدر نختار extra مثل ماهو موضح للاضافات مثل التأمين مثل ماهو واضح ..
هني جميع الاضافات
انواع الاضافات كثيره اهم شي التأمين وكراسي الاطفال موضحه الاعمار وهم 3 انواع كراسي ..
غلط في الصوره في الاعلى المقصود 25 او 23 .. بعد ما محدد الاشيا اللي نريدها من الاضافات نضغط على زر Book وننتقل الى هذي الصفحه
ندخل البيانات الشخصيه ..
طبعا مب لازم ان ندخل بطاقة الفيزا على شان يستوي الحجز انا احجز بدونهم وهنا للتأكيد فقط يطلبون الفيزا وهذا شي
اختيارا وفيه مجال يتكنسل الحجز الى 2 قبل الاستلام
بعد ما نضغط على pay on arrival كذا يكون الحجز اكتمل بتطلع هذي الصفحه وبتوصل رساله على اليميل ان الحجز تاكد
شروط الحجز والاستلام العمر مايكون اقل من 19 وفيه من السيارات الفاخره اقل عمر 25
لازم تكون بطاقة الفيزا موجوده عند الاستلام والرخصه الدوليه مهمه ..
هكذا اكون خلصت ..
اتمنى لكم قياده ممتعه وامنه ان شاء الله ..


التعليقات (9)
شارلوك هولمز
شارلوك هولمز
ماكو كلام اقوله
لو ان اعضائي كلها السن ما اوفيك حقك يابطل
الله لايحرمك الاجر يارب
محبك هولمز

violetq8
violetq8
جزاك الله خير
جهد جميل جدا

UAE0
UAE0
شارلوك هولمز
شكرا لك اخي هولمز على كلماتك الرائعه ..
امين يارب ..
تحياتي لك ..

UAE0
UAE0
violetq8
وجزاك خيرا اخي الكريم ..
شكرا على مرورك ..

أبو خالد الجعيد
أبو خالد الجعيد
يعطيك الف عافية على شرحك الرائع والمبسط..
تحياتي لك...

ALI_Q8_77
ALI_Q8_77
تسلم الايادي
موضوع ممتاز وشرح رائع ... ونشكرك بالمقابل على مجهودك معنا بالبوابه الالمانيه
الى مزيد من التقدم
دمت بخير

UAE0
UAE0
أبو خالد الجعيد
الله يعافيك اخي الكريم ..

UAE0
UAE0
ali_q8_77
شكرا لك استاذي الفاضل على هذي الكلمات المشجعه ..
انا الصراحه ارتاح لما اشوف ردودك وتعليقاتك على مواضيعي ..
تحياتي لك مشرفنا القدير ..

أم الوضيحي
أم الوضيحي
يعطيك العافية موضوع جميل وأحب الحجز من النت بس عندي استفسار ات واشوف ماشاء الله عندك خبره في الحجز
1- مثلا اذا كان الوصول الساعه مثلا 7 المطار وتعرف الاجراءات الساعه جم احدد ساعة الاستلام ؟
2- من حيث اللي شفته انه اهم شيء فقط بالنسبه لنا انه الجارمن + التأمين ضد الحوادث والسرقه هذا المهم فقط وباجي الخيارات كتامين النفس غير مهم والا ؟
3- بالنسبه لخبرتك البنزين أو الديزل ستختار اوتوماتيك او قير عادي ؟؟
4- يعني بيكون فلوس السياره +التأمين (هل صحيح يورب كار نسبة التأمين هي 75% من السعر الاجمالي للسياره )علشان الواحد يحدد جم لازم يكون في الفيزا ؟
5- هل يكون شرط انه الفيزا باسم الشخص اللي بيقود السيارة ما ادري هالمعلومه وين قريتها هل عادي تكون فيزا لمرافق موجود؟
كثرت عليك بالاسئله
بس احب التفاصيل والرؤية الكاملة للموضوع فسمحلنا ع المغثه
و لا هنت
أم الوضيحي


خصم يصل إلى 25%