مدريد المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
خلية النحل
14-12-2022 - 01:53 pm
  1. صور من الطريق إلى الفندق ,, يا روعتج يا أسبانيا


السلام عليكم و رحمة الله و بركاته
بداية الله يتقبل طاعتكم و يتمم عليكم هالشهر الفضيل بالخير و اليمن و البركة ,, و الله يرزقنا الفوز بالأجر الكبير و الفوز بليلة القدر ..
كثيرة هي التقارير و المواضيع المتميزه التي تتكلم عن أسبانيا و تشرحها بالكلام و الصور والصراحه الواحد يتعب إذأراد ان يجاري هذي المواضيع العمالقة..
كنت أشوف ألبوم الصور عندي و كنت مستمتع بصور أسبانيا التي أسرت قلبي من حيث الراحه و المتعته .. فقلت بشاركم الصور و التعليق عليها ,, ليس هو تقرير مفصل لأني نسيت الكثير من الأشياء و ما كنت محطي في بالي أني أنزل تقرير ,, لكن أن رزقني الله العمر و رجعت إلى اسبانيا ( عن قريب ) بإذن الله فسيكون لي تقرير مفصل ..
رحلة أسبانيا كنت في شهر 4 من هذي السنة .. كانت الإنطلاقة عن طريق الخطوط القطرية إلي أشوفها أكثر راحه إذا قارنها بالأخريات ..
اليوم الأول
وصلنا إلى أسبانيا ( مدريد ) بالصباح و كانت الإجراءات جدا سهلة في المطار
وكانت زيارتنا الأولى لأسبانيا فقلنا ناخذ تكسي للفندق معنه لو شوي ركزنا كنا نقدر نروح بالقطار بكل سهور و بسعر جدا بسيط ,, لكن الربع تعبانين فقلنا ندلعهم أول ساعات

صور من الطريق إلى الفندق ,, يا روعتج يا أسبانيا

وصلنا الفدق بسلام وطلع علينا المبلغ لكل تكسي 40 يورو تقريبا و كنا ماخذين تكسين ,, دخلنا الفندق و كان لحد الأن وقت على الشك أن لكن قلنا نجرب حضنا ,, كانوا جدا متعاونين بشوشين و يتكلمون إنكليزي ,, يس يس يعني نقدر نتفاهم ,, عطونا غرفة و قالوا الثانية تعالوا خذوها بعد كمن ساعة لين ماتجهز ,, فقلنا نطلع نتمشى في مدريد ,, طبعا كنا ساكنين في قران فيا شارع عجيب الحياة فيه لين ساعات متأخرة ,,
أعتذر مافي صور للفندق
الساحه إلي في قران فيا


رحلتي الى اسبانيا
التعليقات (8)
خلية النحل
خلية النحل
أتوقع ان الشباب خذولهم غفوة تحت اشعة الشمس
,, عقبها قلنا خل نرجع الفندق نريح أحسن لأن التعب وصل حده ,, و بعد ماريحنا قالوا الربع خلونا نروح صوب ملعب مدريد ,, قلنا فوقه و قلنا بنكتشف مسارات القطار ,, و لقينا مافي أسهل منها ..
وصلنا الملعب بكل سهولة و يسر عاد قلنا بس بنلف حول الملعب لأن نحن أصلا بنحضر فيه مباراة ..
و شفنا باص فريق ريال مدريد ..
و عقبها رجعنا إلى مواقعنا سالمين ,, و تيلسنا شوي في الفندق و يوم غابت الشمس قلنا يالله إلى ليل مدريد عاد الجو كان قمة في الروعه ( طر) و غير أن العالم كله يمشي و كلهم ملتهين ..
عاد هناك العروض شكثرها من كثرها ماتعرف توقف عند منوا و تستمتع في شو .. وكل واحد ماخذنه الهوا ..
وكل واحد يعرض مواهبه في التنكر ,, عيني هذا
و نحن نتمشى دخلنا في سحة كبيرة كلها مطاعم و كوفيات و عروض و شحاته متطوره جدا ..
و كنا يوعانين واحد من الشباب قاري عن أكله أسبانيه مشهورة ,, إلي هي رز مع الموكولات البحريه قلنا عليه لأن البطن قام يقرقع ,, يلسنا على هذيج الطاولة كل واحد طلب صحن ,, بس واحد قال مابغي أغامر و طلب باستا ..
يم يم يم ,, كان طعمها لذيذ الصراحه ,, أستمتعنا بالأكله ,, الأحداث بعد العشاء ..
و عسب يهضمون الربع قلنا نتمشى شوي في أزقت قران فيا ..
هاذي السيارة كانت معروضه عاد شو ماركتها الله يعلم ,, بس شكلها عجيب ..
بعدها رجعنا للفندق لأخذ الأنفاس و حضن الفراش في أول ليالي مدريد ..
أختم بصورة لتذكرة مباراة الكلاسيكو بين الريال و البرشا ..
أتمنى اني كنت خفيف عليكم في اليوم الأول ,, نلتقي في اليوم الثاني إن شاء الله ..

Mezajee_KSA
Mezajee_KSA
يعطيك الف عافيه تقرير مبسط وجميل ولكن للاسف الصور ماطلعت
اتوقع لو كنت محملهم على المنتدى تحتاج تخلي الالبوم عام بدل ماهو خاص
بانتظار الصور وبقية الرحله

خلية النحل
خلية النحل
ss11mm
السموحه منكم .. أتوقع ألحين الصور طلعت في التقرير ..

خلية النحل
خلية النحل
mezajee_ksa
هلا و غلا مشرفنا العزيز .. نورت المكان و شرف ليي تواجدك في الموضوع ..
تسلم على الملاحظة و المعلومة .. غيرت الألبوم وخليت ام وإن شاء الله تطلع الصور ألحينه ..
دمت بود أستاذي العزيز

مهاجر المدينه
مهاجر المدينه
ماشاء الله تبارك الله
كل هالبرنامج في يوم واحد .. الله يعطيكم العافيه ..
بالنسبه للساحه هذي ..

هذي اسمها بلآزا ديل سول .. ماتطل على القران فيا .. بس قريبه منه 5 دقايق مشي تقريباً .. جداً روعه ه الساحه .. ومليئه بالحركه والعروض ..
والساحه الثانيه .. اعتقد انها بلآزا مايور .. وبالنسبه للأكله اللي طلبتوها .. هذي مشهورة جداً وهي الوجبه الرئيسيه في اسبانيا .. وتسمى " الباييا "
معليش على المداخله اللي فوق ..
وبأنتظار باقي الصور .. رجاء لآتطول علينا .. رجعت بي الذكرى الى شهور خلت ..
كمان ياليت تخبرنا ..متى كانت سفرتكم ؟
تحياتي لك ..

Mezajee_KSA
Mezajee_KSA
ماشالله الحين طلعت الصور وزادت الموضوع رونقا وبهاء
وفعلا اسبانيا ينطبق عليها مبدأ الاذن تعشق قبل العين احيانا

اصعب حب
اصعب حب
تقرير شكله حيكون من اروع التقارير و سجلني من المتابعين معاك

الليل و النهار
الليل و النهار
ما شاء الله التقرير بدايتة رائعة
ياليتك معطينا تفاصيل السكن و انطباعك عنه


خصم يصل إلى 25%