1. السلام عليكم ورحمة الله وبركاته..


2. بصراحة يا اخوان انا مادري من وين ابتدي .. لكن بابتدي من البداية

السلام عليكم ورحمة الله وبركاته..

بصراحة يا اخوان انا مادري من وين ابتدي .. لكن بابتدي من البداية

انا والحمد لله معرس جديد ( مين قدي جديد ) .. والحمد لله وبفضله ثم فضل اعضاء المنتدى سافرت لرحلة شهر العسل الى ماليزيا في شهر يوليو الماضي لمدة 21 يوم ..وكانت هذي الرحلة من اروع مايكون وكل شيء تساهيل والحمد لله..
انزين الحين الواحد يسأل انت سافرت ماليزيا شنو تسوي في قسم اسبانيا ..
انا اقول لكم بس شوي شوي لاتستعجلون ..
جاتني فكرة وانا نايم ان اسوي لزوجتي مفاجأة في ماتتوقعها.. ففكرت اني اوديها في نفس الفترة الى ماليزيا ونفس الفنادق وانا متأكد ان هالمفاجأة راح اتجننها..
وحاولت ان احسب التكاليف وارتب الحجوزات لماليزيا.. ولكن فجأة........
قلت انا ليش ما اروح دولة ثانية غير .. التغير حلو بعد ويمكن احلا..
وإلا فجأة اشوف منتداكم طالع جدامي ومكتوب إسبانيا .. قلت فعلا اذا في دوله ودي اروحها فهي الاندلس اسبانيا.. التراث العريق والشواطيء الجميلة..
والحين مهمتكم ياجماعة الخير .. انا امفكر اني اروح لاسبانيا لمدة 10-14 يوم .. لكن وين في اسبانيا وعند مين وليش وهل كيف واذا ماذا .. هذي عاد ابي مساعدتكم وخبرتكم
وين اروح برشلونه وله العامرية وله مدريد وله وله وله .. الفنادق المناسبة وطرق المواصلات والتنقل .. العملات والمصروفات ..
وفي المقابل راح اصفق لكم .. لاتحاتون مالكم مني الا الدعاء او اذا واحد بيروح ماليزيا ممكن انعلمه