1. أنصحك في لنكاوي ثلاث ليالي


2. وزيادة على ذلك الجو حارومساكين اللي فاتتهم كاميرون

بسم اللهأبارك للجميع بالعشرأمسيكم بالخير وأشارك برأيي الشخصي ( وحطوا تحتها خطين )هذي رحلتي العام الماضي 1431ه حاولت أدرجها العام الماضي في هذا المنتدى الوفي الوافي لكن صارت مشكلة تقنية ولم استطع إدراجهلكن اللي أبغاه انكم تتحملون أخوكم وآرآئه العجيبة الغريبة عليكموهذا زمن الرأي والرأي الآخر ،الموضوع سبق أدرجته في منتدى وفي ووافي أيضا مثل هذا المنتدى والشباب هناك طاروا بي وأثمر ذلك زيادة نقاش وتوضيحات جمعت زبدتها لكم هنا ونبدأ عشان ما أطول عليكم ، وأي نقاش أو استفسار مستعد ومتحمل عشان نتعاون لإثراء مثل هذه المنتديات الرائعةبالنسبة للصرف 10000 ريال صرفتها من الرياض كفتني 18 يوم بدون سكن وتذاكر بس كثرنا مشتروات وكانمعي ألف ريال صرفتها هناك بنفس صرف السعودية ورجعت للرياض ومعي خمسين رينجت بعدماشريت بالباقي من مطارهم لأنه رخيص
آخذ اللي بيكفي 3 أيام والباقي احطه في صندوقالأمانات اللي في استقبال الفندق
حجزت من الخطوط بالتلفون ويسر الله لي حجز علىدرجة q معي طفلين قبل أربع شهور من السفر وبعدين درت على المكاتب اللي في شارعالستين وحصلت ارخص واحد............. 9700 ريال ولكن ماقصيتمن عندهم قلت......... اني لقيت بهالسعر عند.......ووافقوا وحجزت فنادق من عندهم كلفتني الفنادق نفس السعرسبحان الله 9700 ، ليلتين صنواي ( حلو حاطين صوفا فيها درج سرير للطفل الثاني) ،ليلة اكواتريال كاميرون ولا انصح به بتموت من الجوع لأن اكلهم فاشل واسأل الساق فيلا عنأحسن فندق علمني به ونسيت اسمه ، ثلاث ليالي بي فيو عائلي ،ليلة لنكاوي لاجون فوقالماء قلنا بنجرب ، ليلتين متيارا بوراوبي فكرته حلوة لكن لو عذرناهم في قدمالديكور ماعذرناهم أبدا أبدا أبدا في قدم ووساخة الأثاث ، وبعدين انا نحاول نضيعوقت خارج الفندق ليلا مرة في السوق ومرة في مطعم شريمب الرائع لأن فيه بار رقص وموسيقىمزعجة من حظنا صاير مقابل شاليهنا ولا يصك إلا 12 ليلا وتشوف الأجانب في الغاباتيمشون وقواريرهم مخبينها بقراطيس معهم وجايين لفندقنا عشان هالبارعالعموم الفندق قديم ويكفيك نظرة لجوانب السرير الخشبيالمتكسر وكذلك الأرضية الخشبية ونوع الكنب
ووسخ فالمفارش اللي على السرير بها رائحة كريهة والحمد للهإن معي شراشف ، مرتبة سرير الطفل طلبتها وجابوها متهالكة ومتقطعة وسترها العامل بشرشف أبيض جايبه معه والحمد للهاني جايب شراشف وحتى البطانية حقت الطفل منشقة وطالع منها حبل طويل مدري وشلون مااستحوا يجيبوها ، الكنب فيه بقعة كبيرة جدا إذا أحسنا الظن نقول عصير أو بيبسي مثلا ،الكرسيين اللي مصنوعة من القصب راس ظهرها صاير أسود من قدمها وكثر مسك اليدين فيها،الستارة منقطعه وين احنا ، الثيل اللي في حدائق الفندق مليان ورق شجر تحس انكبمكان مهجور، ولا ننسى النمل والحشرات في الغرفة حتى إني شريت مبيد وصرت أرش وأشغلالمكيف على أعلى درجة وأنا طالع حتى تنظف الغرفة وأنا راجع، باقي الأيام بداربي بارك
لاتفوتك شقق داربي بارك بكوالا فخمة ونظيفة وتعامل راقي مقابلها مواقف جامع وحديقةالبرجين تتمشى فيها الصباح خذ أرخص غرفة وصالة عندهم تلقاها 400 ريال أطلق من أيفندق أربع نجوم ، إضافة إن محطة المترو بجنبها تروح للي تبغاه، التكسي منها لشارعالعرب 10 رينجت ومن مطعم حضرموت إذا راجع 5 رينجت
ولا تكثر أيام في كوالا ،الرياض أحلى منها بألف مليون مرة ، أرخص ، وأوسع أسواق وأنا مرتب الرحلة من قبل أربع شهور ورايح بجدولي في يدي وماشيعليه بالملي إلى أن وصلت لكوالا ثم تلخبط لفشل هذه المدينة
،، فعلا الرياض أحلى منمدينة كوالا للي يبغى (مدينة) يتمشي بأسواق فخمة ومطاعم رائعة ومنتزهات وشاليهاتواسعة ومحافظة
أنا أكلمك عن الناس اللي رايحة 10 إلى 15 يوم وهذى غالبيةالعرب عرسان أو غيره إيش يبغى من العاصمة كوالا ، البرجين وقف عندها شوي وتتمشى وتاكل في سوريا ولاتشتري وشقر على حديقة الطيور الرائعة هذا اللي في كوالا والباقي للأسف معليش
و لايفوتك سنترال ماركت اللي بجنب السوق الصيني أطلق منه أرخص وأفضل وأفخم للي يبونهدايا
ولا تفوتك جنتنغ بس بكر لها عشان تلحق قبل المطر وانا ما جانا مطر شمسحارقة استعملنا واقي الشمس للاطفال فيها سوق مهوب صاحي ، أنا رحت بالمترو اللي عندالشقق حسب توصية واحد من الشباب بالمنتدى وحجزت من المكتب اللي في كي إل سنترالبالدور الثاني لبعد بكرة وجيتهم خذونا بتوبيس ساعة ونص والرجعة ساعة برنامجهمللألعاب الخارجية فقط وإذا بغيت الحق أصلا كل الداخلية الزينة بتدفعها يعني ماقصيناسوارة للداخلية لعبت الألعاب الداخلية اللي بتذكرة لأن السوارة لألعاب الأطفال وهملعبوا في الخارجية
دخلت بيت الرعب حلو وعالم صدق أو لا تصدق زي المعرض تدور فيهفيه أشياء غريبة من صنع الله والبشر
الألعاب المائية بسلانجور ما أنصحك فيها ( فقر ولغدمة )/ ما فيه طريق واضح للي يزورها أول مرة ، يروح الوقت تمتير وياويلك لو تسال احد منعمالهم خطر يصفقك المدام ضاعت شوي سألت وحده من الموظفات هاشت عليها الظاهر ماأعجبتها عباية المدام ، ما فيه كراسي تكفي وخاصة إذا جاء مطر مثل ما جانا 3 مراتتشوف المحاشر في الأماكن المغطاة واضطرينا نشتري منهم مظلات ( بس حلوة مظلاتهم ) مفاصيخ يلعبون يمشون ويسبحون مع بعض كنا يوم القيامة ،وعشان الموسم ما صاروا يقفلون الثلاثاء للصيانة من الفترة مابين 22 مايو الى 27 يوليو 2010م كرهين وملوثينالموية ، وريحة الموية تفقع الراس خاصة اللي يسبحون فيه الأطفال زي الشاطيء صاير بني من الوسخ رحت أغسل رجلي يوملمستها بس وأشوى لحقت طلعت أطفالي نفشوا شناطنا يوم جينا ندخل وخذوا فش فاش أبوكورة وكم كيكة وتطاقيت معهم وأعتقوا حليب الأطفال المراعي والا بغوا ياخذونه بعد وأقول وأنا صايم إن الماليزيين اللي دخلوا معنا ما فتشوا شناطهم بينما وقفواأطفالي ونفشوا شناطهم ( وش رايك بالمنظر واللغدمة )فعلا أنا اول ما وصلت كنت محسن الظن والأعضاء في المنتدىمواعدينا بالابتسامات اللي بتتوزع علينا وكل ما كشر واحد قلت يمكن من ضغط العمل أوان فيه عرق صيني إلى ان جينا نحجز لجنتنغ وكان قبلنا ناس صايرة الموظفة (وهيمالاوية متحجبة )تشرح لهم بالتفصيل الممل ولما جاء دورنا كشرت مثل ما إحنا متعودينوضحكنا مثل ما إحنا متعودين بعد على المنافخ بس بدون ما تشوفنا المهم المدام اقترحت نسأل وش مصيبتهم ذولا .. الله لا يوريكم من يوم قلت لها ليش انتي غاضبة قالت / لأني أكرهكم ، ليه ، لأن الله يقول كذا ، قلت يا أم الشباب تراي مسلم وسعودي ، قالت انتوا مثل العراق وإيران ونحن الأفضل ، حسبتها لا تعني ماتقول وقلت يمكن ضغطالعمل ، ومديرتها في مكتب خلفها وجهت لها الكلام ومثل ما إحنا متعودين مكشرة ولاكلمتنا ، قلت ما فيه شرطة سياحية ولا إدارة قالت سو اللي تبغاه وشف هذاك مكتب تبعكي إل سنترال رح واشتك وما لكم بالطويلة رحت وكتبنا شكوى وعطيتهم عناويني كاملة ولاصار شي
الملاويين فعلا شايفين انفسهم وهم اغلى تكاسي حتى لما عرفت الطريق صرتما اركب إلا مع صيني ارخص بكثير ويترجاك تركب معهالمهم اللي يخاف الله لا يدخل الألعاب المائية لأن ما فيه فرق بينها وبين أي أماكن وسخةودخولها من الأشياء التي تكره أن يطلع عليها الناسصح أنا غلطان بدخولها لكن مهوب معنى كذاإن الدخول لها صح ، وبعدين تعرف اللي أولمرة يدخل هالأماكن ما يتصور الوضع قبل ما يدخل وهذي غالبية مسافرينا عرسان وأول مرة،
بعدين أوصيك لا تتحمل أوزار اللي بتمدح لهم الصنواي وبيروحون لها هذيمثلها مثل اللي يمدح دخول بار أو مرقص

أنصحك في لنكاوي ثلاث ليالي

والكاميرون ليلتين بالسواق فيلا ولا تطيعالسواقين اللي يخوفونك فهي أمان بإذن الله والأوربيين مالينها ملي
لنكاويهي اللي طلعنا بها من ماليزيا ولا يفوتك مطعم شريمب ( ربيان) أفضل عشاءتعشيناه في سفرتنا ، غالي حبتين بس يستاهل وفيه جلسات عائلية جميلة جدا ، كمالايفوتك التسوق وخاصة سوق فير .. ماركات ورخيص جدا ( شريت عطور وأحذية كلاركس واللييحب بودي شوب رخيص بعد ) خذ رحلة منغروف أربع ساعات وخلهم يدخلون في البكج سباحةساعة ونص بس حاول يكون الجو حلو
أنا خذيت البكج 350 رينجت من الفندق اللي أناساكن فيه متيارا الخايس ( الله يصلح اللي نصحني فيه بس ) من الفندق للفندق بسانبسطنا ، في المنجروف خذينا جولة بسرعة وخشينا البحر على واحد من الجبال الخضراءاللي تلاحظونها في البحر (زي الجزيرة) مرينا على كم جبل زي اللي يدورون محل في البركلها عوائل حتى حصلنا شاطيء فاضي فنزلنا السواق وراح عنا ثم رجع لنا وودانا لعشة فيالمويه يقول انها مطعم ومزرعة أسماك صورنا مع السمك وعطيت اللي شرح لنا أنواع السمك 10 رينجت اكرامية وانحشنا لأن المدام شافت المطبخ من جوا شي مقرف يغسلون المواعينبأحواض ما أدري ليش يوفرون الموية يمكن عشان ما يلوثون مزارع الأسماك
بيننجأحلى ما فيها الفندق اللي سكنا فيه بى فيو شرح وواسع وفيه مشرب وسط المسبح مقسمالمسبح فصاروا الأجانب من جهة والسعوديين من الجهة الثانية ، منظر الشاطيء حلو بس فيه جدوليصب في شاطئ الفندق جاي من الجبال و يمر على الديرة قبل ، شميت فيه ريحة مجاريوسألت كم واحد ليش هالريحة انلخموا وبعدها فهمت ليش كل لوحات التحذيرات في الفندق من قنديل البحروخطورة السباحة في البحر وليش لون موية البحر ما هو صافي ، بخلاف الجدول اللي بينمتيارا وبرجايا في لنكاوي أصفى من الزجاج
على العموم حرام المشوار على بيننجففواكهها وتوابلها فاشلة الفواكة اللي في لنكاوي نظيفة وفخمة ورخيصة ويمشونكبالسيارة حتى الناس اللي بلنكاوي لطيفين وبريئين بخلاف ناس بيننج
التوابل اللي ببيننج ما استفدنا إلا انا تمشينا في الغابة شوي على صوت أمواج البحرفقط
للأمانة عندهم شناط نسائية حلوة في السوق الليلي
أخيرا
هذي أولوآخر مرة أروح لماليزيا ( استغلال ، وكره للسعوديين ، وللأسف كل هذا من الليأشكالهم ملاويين )
كل ما جينا مكان نفخوا علينا حتى صرنا نضحك من كثر المنافخعلينا
والله صرنا ملطشة.. ياكلون فلوسك وانت مبسوط ما في مشكلة لكن فقر ولغدمةهذا اللي ما يرضاه عاقل
واللي بيقول لي بلد اسلامي أقول معليش ، أي بلد اسلامياللي أخذ جميع المساوئ عند الكفار وأظهرها في شوارعه وحجم من مظاهر المسلمين توسوسحتى في الموية إذا ماكتبوا عليها حلال
تخيل شارع العرب كله صينيين لابياعين ولاسياح ، صكوا الشارع ( شارع العرب لاحظ ) في أحد الأيام وأقاموا مسرح وخذ رقاصات من هالصينيينوموسيقى تصدع الجدران حتى الناس صكوا أذانيهم بيدينهم ،وصاروا العوائل العرب ينحاشون وكله تحت رعاية هذا البلدالاسلامي دعاية لمشروب عندهم زي الفانتا مرينا وانا نركض بين هالصينيين الله لايخسف بنا
توقعت ألقى سعوديين بكثرة ولكن هالشرق آسيويين معبين البلد زحمة شارع العربكأنك في البطحاء يوم الجمعة وكم لوحة مرسوم عليها حرامي خاطف شنطة حرمة حتى قابلنا حريم ملاويين مسوين هيصة بالشارع ولبس فاضح وحركات وسخة بيدينهم ويتسابون هم والناس والبياعين ولا شرطة ولا نظام وبعد ما انحشنا قالت المدام تراهم شباب مو بنات !!
فريت كوالا فر 7 أيام كلها خياس وقلة حياء ، متصدقين عليكبغريفة بكل سوق غير الكبار تصلي فيها لحالك ترتاع لا تنسرق وانت تصلي
حتى مجمعسوريا مليان صينيين في أوقات مختلفة نجيه دايم لقربه وفيه فرع بيتزا هت جيد ماركات زي اللي عندنا وأغلى تقريبا 25% من اللي عندنا حتى البيتزاهت صح رخيص في المنيو بس إذا جيت تحاسب خذوا عليك خدمة وضرائب وتصك 120 رينجت وانتتضحك يعني 150 ريال

وزيادة على ذلك الجو حارومساكين اللي فاتتهم كاميرون

للمعلومية لنكاوي والكاميرون أفضل مكانين عندي ( براد الكاميرون وفواكههاوشلالاتها وتستر أهلها بسبب البراد اللطيف واحترام فيلا السائق اللبق اللي يعرفونهأهل الديرة كلهم كل ماقابلوه ناولوه السلام إضافة لرومانسية لنكاوي وبعدها عنالزحمة وسوقها الجميل وشلالاتها اللي مسكت كم علقة في رجلينا منها وحديقة فواكههااللي اخترنا لها وقت كان الجو حلو وذكريات المنغروف الحلوة أقول هالمكانين هي الليتستاهل العنوة من الرياض الحبيبة)وأقصر عليكم العنوة بأني انبسطت في الرحلة ولا رفعت صوتي على أحد واعتبر اني توفقت بمرافقة عائلتي واكتشفنا صفات جميلة في بعض ما كنا نعرفها أنا كتبت اللي تستفيدون منهفقط ومن باب ذكر المساوئ لاجتنابها وودي أني أكتب بالتفصيل من بابرد الجميل لهذا المنتدى لكن أعتذر لمشرفينا والإدارة من كل قلبي