- بسم الله الرحمن الرحيم
- والشكر موصول لجميع الاعضاء اللذين تفاعلوا في اسئلتي واستفساراتي..
- فجزاكم الله كل خير
بسم الله الرحمن الرحيم
اخواني واخواتي الاعزاء تقريري هذا سوف يكون تقرير (غير) على وزن (جده غير)ههه
سوف اذكر السلبيات والايجابيات التي واجهتني منذ عقد النيه على الذهاب الى ماليزيا وسوف ابدي بعض النصائح ووجهات النظر... لكي يستفيد اخواني الذين يريدون الذهاب الى ماليزيا لآول مرة ... لن ارفق صور ولن اذكر الآماكن السياحيه فالآخوان المشرفين والاعضاء قد اسهموا بشكل كبير في هذا ولهم جزيل الشكر ..لذا سوف يكون تقريري مبسط وعفوي يعني سواليف لتعم الفائده..
لقد شكرت اخواني المشرفين والاعضاء في موضوعي السابق (بعد رجوعي شكرا اخواني وهذة وجه نظري في المطاعم).. ولكن لما لهم على من جميل بأفادتي ورداً على استفساراتي فسوف اشكرهم مره اخرى وكل مره اكتب فيها ... فوالله لولا الله ثم هم لما عرفت شي عن ماليزيا...
أقدم جزيل الشكر والعرفان مره اخرى لهذا المنتدى الكبير واعضاءة ومشرفينة ولكل من افادني في تخطيط رحلتي إلى ماليزيا
ولا انسى...... اساتذتي الكرام وافي بزمن جافي ..ماجد الفهد ...النهر الجاري -المغادرون 2007و zazazوالأسفار متعتي والاخ خليلها
والشكر موصول لجميع الاعضاء اللذين تفاعلوا في اسئلتي واستفساراتي..
واخص بالشكر ايظا اخي العزيز (ابوساره) فلقد استفدت من تجربتك في منتجع متيارا بلنكاوي فنعم كان منتجع بمعنى الكلمه كما وصفته انت وكما في صورك عنه لقد اعطى رحلتي الى لنكاوي متعه وجمال.. ولقد حاولت ان حجز في فندق اليك هاوس في مرتفعات الكاميرون على حسب تجربتك لهم ولكن للاسف لم اجد حجز وحجزت في لي دي فرانس ثم ذهبت لآري فندق اليك هاوس على الطبيعة لنك باسلوبك الجميل حمستني اشوفه والله كما وصفت يابوساره قمه الروعه ….بس ابشرك (ركبوا مكيفات اسبلت) ههه علما ان الموظفه تقول درجة الحرارة عندهم بين 24و26 فقط في هالايام مو عندنا فوق الخمسين فشكرا ابوسارة واسال الله يحفظ لك ساره وعبدالله
فجزاكم الله كل خير
قبل ان ابدء التقرير ارجوا ان تعذروني على الاخطاء الاملائيه فأنا اكتب وان مستعجل ..لقد كنت ناوي اترك فكرة التقرير الى مابعد رمضان حتى اتفرغ له ولكن لن بعض الاخوان والاخوات طلب مني سرعة البدء بالتقرير لأنهم سوف يذهبون بعد العيد مباشرة فظغطت على نفسي وستعجلت به (ومن اجل عين تكرم مدينه )….
فكما ذكرت سابقاً تقريري سوف يكون (غير) عباره عن نقاط ايجابيه وسلبيه واجهتني في رحلتي سوف اسردها لكم بشكل عفوي وسوالف وسوف اضع امام كل نقطه (سالب أو موجب) وسوف يكون هناك نصائح واستراحة وهي تعتبر وجهة نظر لاغير..
فعلى بركة الله نبدأ.....
1- (سالب) عدم التخطيط المبكر للرحلة.. فقبل الرحلة بشهرين عقدت العزم على السفر خارج المملكة لاتقولون الوقت كافي هذا الي كنت اعتقدة ولكن بالعكس الوقت كان متأخرجداً وسوف اخبركم لماذا؟
أ- لم احدد الوجه بعد… فكرة السفر مطروحة لاكن الى اين ؟ فكنت محتار بين تركيا وماليزيا أو الامارات التي سبق وأن زرتها عدة مرات.
ب- بعد عزمت على ماليزيا بدءت ابي احدد الميزانيه سالت عن قيمة التذاكر وبحث في المنتديات فكانت معقولة شخصين ب 3800 جدا حلوة ..الفنادق اسعار معقولة… طيب حلو جدا يعني يكفيني 15 الى 18 الف ريال لمدة اسبوعين …. ولكن………..كانت المفاجاء ان هذة الاسعار قديمه و خارج الموسم الي هو شهر 6و7 ميلادي وانا حددت السفرة في منتصف شهر 7جولاي… اسعار التذاكرلشخصينفوق 10 الاف ريال اسعار الفنادق زادة ب 30% تقريبآ .. فالتخطيط المبكر ب 5 شهور على الاقل يفيدك... اخونا (مهندس الغربية) حجز لشخصين بثلاث الاف وخمس مئه ريال تقريبآ في نفس الوقت الي حجزت انا فية بس هو حجز قبل 5 شهور..
2- ( موجب) بدءت ابحث في النت على اسعار التذاكر فبحثت في جميع خطوط الطيران وحجزت حجز عشوائي وقارنت الاسعار فكونت قاعدة معلومات جيدة .. قالرحلات المباشرة تكون غاليه جدآ الرحلات الترانزيت تكون اقل وكل مازاد محطات الترانزيت قلة الاسعار ولكن يجب الانتباة بأن هذا يكون مرهق ومتعب جدآ للمسافرين ..
واحسن خطوط الطيران هي كالتالي في المركز الاول ( الاماراتيه) الثاني (القطريه) الثالث ( الماليزيه) الرابع ( الاتحاد الاماراتيه)
بعد معرفة الاسعار ذهبت الى مكاتب السياحه فكل مكتب يعطيك اسعارخطوط طيران ويحاول يقنعك بها فلا تهتم بهم فحاول ان تجد الخطوط المريحه لك وأن يكون انتظار الترانزيت اقل … فحجزت على الاتحاد ب 9000الاف ريال لشخصين وتكون الرحله من الرياض الى ايوظبي انتظار 7 ساعات ثم الى كولالمبور وعند العوده كولا الى ابوظبي انتظار ساعتين فقط ثم الى الرياض وكنت حريص في العودة تكون انتظار الترانزيت اقل لن الذهاب يكون الواحد بقمة نشاطه اما العوده يكون الواحد متعب ويبي الرجعه للوطن بأسرع وقت.
يتبع........
3- (موجب) جاء وقت تنسيق الفنادق وضعت امامي شروط للفندق ان يكون نظيف وان يكون سعره معقول مابين 4نجوم الى 3 نجوم وان يكون قريب من المناطق السياحيه والفنادق التي بالجزر تكون غلى الشاطئ
فمن باب (يجب الا تغامر وتحجز هكذا فيجب ان تستشير اللذين ذهبوا قبلك )..دخلت منتدى المسافرون العرب واخذت اقراء تقارير الاعضاء والمشرفين عن الفنادق واكتسبت معرفة تامة .وبقى امامي كيفية الحجز فهناك عدة طرق أ-عن طريق البوكنك بالنت ( بس ماعندي فيزا) ب- عن طريق المكاتب السياحيه ( وكن للاسف هي مكاتب لنهب الجيوب لنك بتسافر معناتها عندك فلوس ولازم يشاركونك الا من رحم الله ) وايظآ يجب ان تعرف الاسعار مسبقآ فهناك اسعار قبل الموسم واسعار داخل الموسم.. انا حجزت عن طريق شركة في ماليزيا اعطيته خطة الرحلة واسماء الفنادق فتم الحجز لي بأسعار جبدة حدآ ويجب ان تكون حجوزاتك للفنادق مبكرة واحرص ان يكون الحجزمع الافطار..فكانت كتالي :
سيلانجور الخيول الذهبية--- لنكاوي المنتجع الجميل متيارا----- بينانج فندق كوبثرن اوركيد ----مرتفعات الكميرون فندق دي لي فرانس ------ كولالمبور دورست ريجنسي--- فكانت جميع الفنادق ممتازه وحسب ماطلبت
4- (موجب) عند حجز الفنادق طلبت من الشركة حجز الطيران الداخلي على خطوط اسيا اير من كولا الى لنكاوي .. ولن الوزن المسموح فية 15 كجم فقط لكل راكب طلبت شراء 10 كجم لكل شخص احتياط فأصبح لدي 15+15+10+10=50كجم يعني شريت 20كجم ب 60 رنقت فقط لاني قراءت لاحد الاعضاء انه دفع مايقارب 700 ريال وزن زايد لدى خطوط اسيا فالكيلو يحسبونه تقريبآ 15 ريال ف 20 كجم تطلع 300 ريال فيجب الانتباة
5- (سالب) عند تجهيز العفش اتفقنا على شنطه واحدة ولكن بالاخير طلعت شنطتين مرتصه رص ماخلينا شي الا خذيناة وحنا فقط اثنين انا والمدام وشلون لو كنا عائلة ؟؟؟؟؟ تقولون كيف ؟ شنطة ملابس لي ولزوجتي علماً ان ملابسي طلعت اكثر من ملابسها الشنطه الثانيه تقدر تسمونها ( عزبه- أو صيدلية-أو نثريات ) تقول رايحين( ادغال افريقيا) مراح نلقى شي قدامنا ماخلينا شي الا حطيناه على سبيل المثال : عدة القهوه والشاهي : سخانه (بتوغاز كهربائي) ترمس وبريق للقهوه وبريق لشاهي وعلب بلاستيك وحدة للقهوة وللهيل وللمسمار ولسكر ولشاهي عدة النظافة: معقم ديتول سائل ومناديل ديتول وشامبو وصابون وفوط تنشيف و استشوار للمدام و الصيدلية: مضاد و بندول وفوار فتامين سي حبوب دوخة ولصقات نامس ولم أستخدمتها و…. طيب ليش ؟ علشان ماينقص علينا شي..
ياخواني كل شي قدامكم لا تثقلون على انفسكم .. كل فندق فية مكونات القهوة النسكافيه والشاهي والسكر والسخانه ويحطون لكم قارورتين ماء وكله( مجاني) اما مدمن القهوه العربيه مثلي يقدر يستخدم القهوه النسكافية أو القهوه البيضاء اللي عندهم وكلها كم يوم وراجعين بلاش شيل اثقال مالها داعي والصيدليه ماستخدمنا الا البندول والفوار ورحت ادور على صيدليه بلنكاوي ابي مرهم حساسية ولقيت عندهم مثلة ومشينا الحال الاستشوار في كل فندق مجفف شعراستخدميه ياختي وخلاص.. رحنا بشنطتين وتقطع ظهري وان اشيل فيها وهناك تزوجوا الشنطتين وجابو شنطه ههه ثالثه
ورجعنا بثلاث شنط..( صدق درس قاسي سوف استفيد منه في رحلاتي القادمه)
6- (موجب) قررت عدم اخذ الاطفال معنا وكان قرار صعب على زوجتي عندنا طفلين طفل 3 سنين وبنوته 6 اشهر
كان قرار صائب في مصلحتي ومصلحة زوجتي ومصلحة اطفالي ولاسباب كالتالي:
أ- طبيعة الاطفال ملولين يمل بسرعه يبي كل شي يجيه بسرعه ولا يتحمل مشقة السفر كالكبارب- الاطفال الصغار بتعرضون الى تقلبات الجو وقد يمرضون عليكم بعد مشيئة الله وتروح سفرتكم في (جيب للولد علاج عطي الولد دواء الحراره الولد تعبان وحار مايقدر يمشي شيلي الولد حطي الولد البنت تبي حمام (عزكم الله) متقدر تصبر طيب انا في الباص منين اجيب لها حمام بدءت البنت تصيح وانواع الازعاج الصغير وسخ يبي تغير حفاضه الناس الي في الطيارة يشمون الريحه وعيونهم عليكم تبي تاكلكم طيب روحي لحمام الطياره غيري للولد ياخي انا دايخه من الطياره مقدر امشي) ههه اعرف بتقولون اني ابالغ... لكن اسألوا الاخوان اللي راحوا بأطفالهم الصغار اكيد مر عليهم احد هالمواقف .. موقف صار علينا وانا رايحين من مرتفعات الكاميرون الى كولا على الباص كان معنا عائلة محترمة جدا ولا انساهم . زوج وزوجته وولدين اعمارهم تقريباً 7 و 10 سنوات والباص نازل من المرتفعات فيه لفات كثيره تدوخ الكبير واللي راح هناك يعرف الشي هذا المهم وحد ما الاولاد كان مكثر من الفطور ومع الدوخه (رجع الفطور) اعزكم الله صارت ريحة الباص (؟؟؟؟؟؟؟؟) والباص مليان بأجانب وماليزين وبعض العرب دور الاب ولا الام مساكين مو دارين وش يسون عطاهم السائق كيس والام تحاول تنظف والاب يمسح الولد كان موقف محرج بالنسبه لهم..
ح- الاولاد الكبار والله ياخواني اللي مابعد رحتوا الى ماليزيا لا تتوقعون علشان انكم رايحين بلد اسلامي ان الناس هناك مطبقين الاسلام ..ابداً.. هناك عرق صيني وبناتهم يلبسون شورت نصف الفخذ او اقصر والله الوحده اذا قعدت يمكن تبين (سواءتها) خاصتاً في كولالمبور وبينانج يعني لبس فاضح .. الاجانب الاوروبين في الفنادق المطله على البحر تلقاهم على الشاطي بلبس البحر الفاضح للنساء والرجال والله انا وزوجتي استحيينا ان استمتع بالبحر في الفندق بسبب ماشفنا فما بالكم بالاطفال والمراهقين .. انتم تعلمونهم الاخلاق وتتعبون عليهم ويرحون هناك ويشفون شي اول مره يشفونة وتبقى في ذاكرتهم .. شارع الغرب ومايحصل فية من مهازل واستهبال وللاسف من شباب ربعنا والله شفت شبابنا حاطين سلاسل وخذ يستهبال على الرصيف على الاغاني وهناك مقهى شغال لهم فوق هام السحب مدريت الا شباب ربعنا عندة وخذ يرقص ..
اختصار الكلام .... الاولاد يبون وناسه وملاهي ولعب مايدورون طبيعة ومناظر وشلالات ياخي وياختي اذا تبيون اولادكم يستانسون شفوا لهم مكان قريب فيه اللي يبون مثل( الامارات) عندكم عالم فيراري وعالم مدهش واكبر ملاهي واكبر حديقه حيوان في مدينة العين وعالم الثلج الرائع في مجمع الامارات مول وبرج خليفه وعالم ماتحت الابحار... اخذوهم وسعوا صدورهم وانتم محافظين على اخلاقهم.. وانتم راحوا ماليزيا وشفوا الطبيعه بعد ماتحطونهم عند من تثقون فيهم ( هذة نصيحة من قلب اخ لكم يحب لكم الخير) وهي تعتبر وجهه نظر شخصيه والله من وراء القصد..
>>>يتبع........