1. العيوب


2. اترككم مع الصور


3. لندن من الطائرة


4. هذي صوره من المطار


5. من المطار الى فندقنا تقريبا ساعه على اساس الازدحام


6. و فندقنا كان كمبرلاند اشهر من نار على علم

السلام عليكم
شلونكم عساكم بخير
مبارك عليكم الشهر الفضيل مقدما
ثانيا حبيت اشكر جميع الاعضاء في المنتدى اللي ساعدوني في وايد امور
وخاصه كويتيه الله يعطيها الف عافيه على مجهودها الطيب ومعلوماتها المميزه
مثل ما وعدتكم التقرير بين ادينكم كان ودي احطه في قسم التقارير بس اكتبو لي حسابي للحين مو مفعل لدخول القسم
الرحله كانت الى لندن + بلاك بول+ مانشستر
طبعا حجزنا التذاكر من شهر 4 كانت سعر التذكره 350 دينار
وسوينا الفيزا ب 36 ما طولت 5 ايام واطلعت
وشرينا الرحلات من السفاره
عيون لندن ودينجوان لندن واكواريم والباص المكشوف ومتحف الشمع
سفرتنا كانت على طيران الخليج ترانزيت من الكويت الى المنامه 50 دقيقه ومن المنامه الى لندن 6 ساعات ونص
بنتكلم عن مميزات الطيران
التكيف ممتاز بارد + الوزن المسموح للحقائب اللي اهي 30 كيلو زين بالنسبه لباقي الطيران +مواعيد مضبوطه في الهبوط والاقلاع

العيوب

الضيق في الممرات والكراسي غير مريحه ووجبه وحده بس والخدمه سيئه يعني المفروض يعطونا اوراق التعبئه لدخول مطار لندن على الاقل بنص ساعه من هبوط الطائرة لكن عطونا الاوراق قبل ما تنزل الطياره بخمس دقايق بس!!!! يعني متى نقدر نعبيها فتأخرنا بسبب هالشي في المطار وكل ما نطلب منهم شي يطنشون ما اييبونه لنا الا اذا طلبناه اكثر من مره

اترككم مع الصور

لندن من الطائرة

وصلنا مطار لندن بالموعد المحدد ختمنا جوازاتنا طبعا والاسئله اللي اسألونا عنها جم عدد الاشخاص ومن وين وسبب الزياره ومده الاقامه وكانت الاسئله على السريع وكانت الاجابات مختصره والحمدالله ما كان المطار زحمه وما كانت الات التفتيش شغاله لان كان معانا اكل وجذي فما فتشونا بس اللي اخرنا تعبئه الابلقيشن بس هم الحمدالله خلصناه بسرعه

هذي صوره من المطار

طبعا كنا متفقين مع احد السياره اللي تنقلنا الفندق من الكويت بس للاسف ما اوصلت السياره بالوقت اللي طلبناه فيه ان يكون موجود فقعدنا بالمطار ساعه كامله على ما توصل السياره ووصلت السياره واخيرا وخذو منا تقريبا 90 باوند لان معانا 9 جناط
الجو كان ممطر وبرد حيل وايد حلو كان

من المطار الى فندقنا تقريبا ساعه على اساس الازدحام

و فندقنا كان كمبرلاند اشهر من نار على علم

بوسط شارع اكسفورد اللي يسمونه السنتر على اليسار يكون الاجورد رود واليمين اكسفورد و بالامام حديقه الهايد بارك وخطوتين بس والا محطه ماربل ارتش يمنا طبعا وايد خدمتنا هالمحطه لان طول الرحله استخدمنا الاندر قراوند خذينا بطاقه الايوستر من السفاره عندنا بالكويت وشامله الباصات والاندر قراوند والميترو
طبعا موقع الفندق جدا ممتاز الغرف لا كبيره ولا صغيره يعني تكفي 3 سراير الاسره جدا مريحه والفندق نظيف
بس اللي صادفنا ان عطونا احد الغرف كان تكييفها خربان وما كانو يقدرون يعطونا غرفه ثانيه لان ضغط عليهم فيابو لنا مصلح وصلح التكييف وكل شي كان اوكي بس بعدين رجع اخترب مره ثانيه
ولما وصلنا الفندق ما قدرنا ندخل الغرف الا الساعه 3 العصر يقولون لنا ان الجك اوت بهالوقت مع اني اللي اعرفه المفروض الساعه 12 الظهر!! والمصيبه لما طلعنا طلعونا الساعه 12 !!! ما ادري شنو قصتهم بالضبط هذا كان شي مو حلو منهم
طبعا كونسيرج الفندق جدا ممتاز ومتعاون معانا ويعلمنا خطوه بخطوه
اخليكم الحين مع صور الفندق
طبعا اول يوم كنا تعابه من الطياره فاول ما وصلنا نمنا وقعدنا العصر الساعه 6 المغرب وهم كنا دايخين فخذينا لنا جوله بالهايد بارك قعدنا فيها لما صارت الساعه 8
بعدين رحنا اجورد رود تعشينا من مطعم مروش لوول نصيحه لا تطوفكم عنده كبة البرغل لذيذه عنده
على ما خلصنا صارت الساعه 10 رجعنا فندقنا ونمنا مره ثانيه
هذا كان اول يوم
وللحديث بقيه