المانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بيفيل
14-12-2022 - 01:52 pm
  1. أولا ،

  2. ثانيا ،

  3. ثالثا يا طويلين العمر ،

  4. متطلبات المكتب مذكوره في موقع المكتب وهي ( لكل شخص )


بسم الله الرحمن الرحيم
السلام عليكم جميعا ورحمة الله وبركاته ،
اخواني واخواتي ،
انا ان شاء الله مسافر الى المانيا وفرنسا في نهاية شهر جون ( 6 ) برفقة العائلة الكريمه ، وحبيت اشارككم بالخطوات ، وأبدأ موضوعي بخطوات تقديمي على الفيزا الأوروبيه ( الشنغن ) ،

أولا ،

السفاره الألمانيه لا تستقبل الطلبات عن طريق المكاتب السياحيه ، وعليه ، يجب على المسافر الذهاب بنفسه الى مكتب السفارات المشترك ، الواقع في مدينة الرياض - حي المربع - عمارة اليمامه مقابل ابراج الصالحيه ، أو جده لأهل الغربيه .. واذا لم تستطع الذهاب ، عليك بتوقيع ورقة توكيل الى شخص معين ، تذكر في التوكيل اسمك ورقم الهويه ، وانك تخول الشخص الفلاني ، وتذكر اسمه ورقم هويته ، وتعطيه المتطلبات.

ثانيا ،

المكتب يفتح الساعه التاسعه صباحا ، وياريت يالحبيب لو تروح بدري لأن المواقف صعبه شوي ، او بالأحرى ضيقه نوعا ما ، ناهيك عن زحمة شارع الملك فهد في الصباح الباكر وخاصة لمن توصل لمخرج الوشم ، وهو المخرج اللي لازم تطلع منه عشان توصل الى حي المربع ، شارع الملك سعود
وهذا موقع المكتب
http://de.vfsglobal.sa.com/index.aspx

ثالثا يا طويلين العمر ،

متطلبات المكتب مذكوره في موقع المكتب وهي ( لكل شخص )

  • صورة شخصيه حسب المواصفات المذكوره - رجاء لا تلصقها بصمغ !! خلي الموظف يتصرف فيها
  • صورة الجواز
  • الجواز الأصلي
  • صورة فيزا شنغن سابقه اذا وجدت
  • نموذج التقديم على الفيزا - Schengen Visa Application Form
  • نموذج تعهد 55
  • نموذج تعهد 54
  • تأمين صحي ( اخذته من التعاونيه )
  • نموذج تعهد بتوفير التأمين الصحي - Medical Declaration Form
  • حجز الفنادق

وللأولاد ، الرجاء منكم يا مسافرين التأكد من أن كل نموذج موقع من قبل الأبوين ، وترفق صورة جواز الأبوين مع نموذج التقديم على الفيزا
اول ما توصل عمارة اليمامه ، تطلع الطابق الخامس ، اول ما تطلع من المصعد ، راح تلاقي رجل أمن ( سكيورتي ) وعنده سله ، يسألك وين رايح ؟؟ انا قلت له ألمانيا ، قال عطني بكيت الدخان !!!
المهم دخلت ، واخذت رقم وكان موجود ثلاثة موظفين من الجنسية الهنديه ، ولمن وصل دوري ، اعطيته الأوراق وكان ناقصني التعهد الصحي ، رفض الموظف استقبال الطلب وقال لي لازم توقع الفورم انت ، وزوجتك لازم توقع الفورم ، حاولت فيه وكان مره رافض انه يتفاهم ، وتهاوشت معاه لأني جاي من الشرقيه ،
المشكله اني نسيت اقول له ( طيب ، زوجتي موجوده قريب ، وانزل السياره اوقع الطلب وارجع له ) !!!!
بس ، صار اللي صار ، واضطريت اني ابات في الرياض ، وفي الليل توقيع علي كيف كيفك ، عن زوجتي وعن اولادي بعد ،
يوم ثاني رجعت المكتب ومشت اموري مثل العسل ، واعطوني موعد في السفاره يوم الثلاثاء الجاي تاريخ 31 - 5 - 2011 الساعه 10:30 صباحا ,,,
يوم الثلاثاء لازم تمر المكتب بالأول ، تاخذ ظرف مغلق ، وبعدين تروح السفاره تعطيهم الظرف.
المكتب ياخذ 90 ريال على كل طلب تقديم ، واذا تبي الجواز يوصلك بعد ما يخلص من السفاره لعند باب بيتك ، تدفع 40 ريال لكل جواز ويوصلوه البيت عن طريق ارامكس Aramex
وسأوافيكم بالمستجدات أولا بأول ...


رحلتي الى ألمانيا
التعليقات (9)
الطيف العابر
الطيف العابر
حياك الله اخوي في المنتدى في مشاركتك الاولى والله يوفقك وييسر امورك ويحفظك واسرتك وتعود لنا بالسلامة منتظرين احلى تقرير منك وبالتفصيل

بيفيل
بيفيل
حياك الله اخوي الطيف العابر ...
ان شاء الله نستطيع نفيد الأخوان والأخوات ....

طبيب نفسي
طبيب نفسي
تسلم اخوي بيفيل وانا بصراحة قدمت عليهم انا والعائلة وابشرك حصلت على الشنقن وفعلا مثلما قدمت في الخطوات....ماعدا بكت الدخان لاني ما ادخن
تحياتي

بيفيل
بيفيل
أخوي طبيب نفسي ... ممكن تفيدنا أكثر بخصوص السفاره الألمانيه ؟؟؟
بخصوص وقت الإنتظار ،،، التنظيم ،،، احضار مستندات اضافيه مثلا ،،، المقابله ،،، طبيعة موظفي السفاره واللي حسب ما سمعت انهم سودانيين الأصل ،،، كم يوم اخذت الشنغن حتى اصدرت ؟؟
تحياتي يالغلا ،،،

الاربعاء
الاربعاء
انا صار لي نفس المشكله في عدم توقيع بعض الاوراق من قبل الزوجه والابناء وقالي لازم توقيعهم شخصيا قلتله واين انت فيه مصدق ان التواقيع الباقيه هم الي موقعين قال مسئوليه واخذ منه الاوراق واوقع عنهم قدامه مع شوي صده على شان الجمهور مايشوف التزوير واعطيه الاوراق مره ثانيه وماتعديت مكاني الا وهو معطيني موعد المقابله 0

بيفيل
بيفيل
أخوي الأربعاء ، والله هذي الحركه اللي فاتتني ، بس لأني تهاوشت معاه وسويت سالفه ما مداني بعدين اوقع الأوراق في نفس اليوم ، ماراح يصدق !

فتاة نجد2009
فتاة نجد2009
الله يعطيك العافيه
كم اخذت الفيزا وطلعت ؟

comment
comment
بتوفيق لك اخوي الله ييسر امورك
نفس الخطوات مرينا فيها في المكتب وخلصنا منهم الحمد لله رحت للسفاره على الموعد اللي عطوني
الاسبوع الماضي 5/25 اول شي خلنا نوصف لك مكان السفاره لأنك راح تدوخ من الدورات داخل حي السفارات
والعسكري اللي على البوابه لو سألته قال ماعرف ادخل وانت تلقاهم
ركز معي شوي اول متدخل من البوابه
اول دوار سيده ثاني دوار يمين ثالث دوار يسار رابع دوار يسار بعدين تمشي وتشوفهم على الشارع الثاني
على بوابتهم صقر اسود هو المفروض انك تطلع سيده مايحتاج تاخذ اللفه هذي بس الطريق مسكر للصيانه
لاتخلي معاك اي شي غير الظرف ومفتاح سيارتك والفلوس الرسوم الجوال ممنوع برجعونك السياره اذا اخذته معك فخله في السياره
  • اول ماتخل احجز لك كرسي على الصفه اللي على اليمين لاتروح يسار طبعاً الموعد اللي معطينك مايعترفون فيه الظاهر انهم يعترفون

بطريقه من سبق لبق
انا جيتهم 10 وخلصت 11 الاربع ضيعت شوي قبل اوصل لسفاره ولا كان من بدري اخلص بعدين لاحظت شي انه من بعد عشر ونص
بدة الزحمه طلعت وفيه ناس واقفه ماحصلو كراسي
المقابله من احسن مايكون سوداني تعامله ممتاز طقيناها سواليف انا وياه عن الكوره طبعاً اسمي هو اللي بدى الحوار قال عيسى المحياني
وتكلمنا عن مباراة الهلال والاتحاد بعدين رحنا لدوري البريطاني على قولته
المهم انه سئلني سؤالين بس ليش رايح وكم صار لك موظف وقال راح تجيك رساله والله يوفق ان شاء الله
بما ان موعدك بكره ابي اسألك اول شي اذا عندك فكره او تسألهم اذا بعد صار لك فرصه
اذا جتني رساله بالموافقه شلون اخليهم يرسلونها لي بالارمكس؟
لاني من برى الرياض واريح لي انهم يرسلونها*

كاردياله
كاردياله
طيب اذا طلعنا الشنغن من مكتب خصوصا اننا من الشرقيه ولا نقدر نروح الرياض
يعفون وزجي من المقابله الشخصيه


خصم يصل إلى 25%