jeddah1425
هل قصدك تبي تستاجر سيارة في كوالا ؟
اذا الامر كذلك لن تحتاج استجار سيارة في كوالا فيه باصات وقطار وتاكسي
والقياده في كوالا صعبه ليست مثل لنكاوي
واذا قصدك في لنكاوي لا تشيل هم
ماليزيا بلد سياحي والسواح يصلون لها في كل الايام
وسوف تجد التاكسي والمواصلات الاخرى متوفرة
سواء في كوالا او لنكاوي او غيرها
لا انصح بالاستئجار في كوالا مدينه كبيره وفيها ازدحام وتحتاج معرفه بالطرقات
بعكس لنكاوي صغيره ولا يوجد ازدحام كبير وتستطيع التجول فيها بحرية
واذا رغبت بسائق فيوجد قائمه باسماء السائقين المجربين في الموضوع المثبت بالصفحه الرئيسيه لبوابة ماليزيا

اسف لم اقصد ذلك
انا ذاهب من مطار اير اسيا باستئجار سائق من شركات التاجير بالمطار الى كاميرون هايلاند ولكن اخشى ان لا أجد سيارات فما البديل .

السلام عليكم
إن شاء الله تحصل اللي تبي ولكن لو فيه زحمه ممكن تاخذ سائق من الخارج
ومن المطار تقدر تاخذ قطار ب 9 رنقت إلي محطة الباصات ومن محطة الباصات
ممكن تاخذ باص للكاميرون او تشوف لك اي تاكسي بالخارج ياكثرهم
او ممكن تستخدم سكاي باص تبع طيران آير آسيا إلي الكي إل سنترال او لأوتاما مول في سيلانقور
ومن هناك تدبر نفسك بتاكسي من الخارج
وبعد ممكن تاخذ تاكسي من مطار آير آسيا لمطار كوالالمبور الدولي وتحصل سيارات الأجار بالهبل
الحلول كثير في ماليزيا ماشاء الله ماهو في مطاراتنا تجي اخر الليل يستقبلونك 3 متلطمين يركبونك
بهايلوكس غمارتين ولا كريسيدا موديل 82 !!!!
ولو مره متخوف ممكن تحجز السياره وانت رايح للنكاوي ترجع تحصلها جاهزه
000

الله يسعدكم ويحقق امانيكم ويجزاكم نعيم الجنة يا zazaz , ويا ابو سارة
طمنتوني الله يرضى عليكم .
وفكرت اني احجز قبل الذهاب الى لنكاوي فكرة رائعة فاتتني .
اخيرا والله لو ماعرفنا هذا المنتدى والوجية الطيبه وسعة صدورهم مافكرنا للخروج من السعودية والسفر ( مرشدين من اول خطوة الى النهاية ) لكن مانقول الا الله يجزاهم خير الجزاء على الردود والتعب وكثرة الاسئلة .
آخر سؤال اعتقد :
لفيت على مواضيح الشرائح وماطلعت بشي .
سؤالى ماهي افضل شركة وارخص في الدقائق للاتصال على السعودية والمكالمات داخل ماليزيا وهل لهم مكتب في المطار .......... وكم سعر الدقيقة ؟؟؟ (( لاني قريت عن التجوال مواضيع تخوف في الفواتير الهائلة على المشترك )) .
جوالي على شركة الاتصالات .

jeddah1425
التجوال مانصحك فيه ابدا مكلف وإذا انت ناوي تخلي شريحتك السعوديه شغال بس بدون ماتتصل
لازم تختار شبكة ماكسسز maxis لأن لها شراكه مع الإتصالات السعوديه وتكون دقيقة الإتصال بحدود 4 رنقت
اما لو علي شبكه ثانيه ممكن تصل الدقيقه ل 15 رنقت
ولكن الأفضل تستخرج لك شريحه من المطار والمكاتب موجوده في المطار الدولي وانت خارج في النهايه قبل
اخر بوابه لما يقابلك الناس اللي يستقبلون تلف يمين وتمشي شوي وبتشوف اكثر من مكت انتبه تشتري من الناس
فيه شركة سيليكوم كأفضل تغطيه في ماليزيا كلها واسعاره معقوله وفيه طريقة في شركة سيليكوم لما تتصل علي
السعوديه لازم يسبق الرقم 131 ثم الرقم الدولي يعني 13100966500000000 تطلع الدقيقه بحدود 1.30 رنقت
والشريحه فقط ب 8.5 رنقت وتشحنها باللي تبي وإذا عندك بلاك بيري او غيره لا تطلع من عندهم إلا وانت
مفعل كل الخدمات ومثل ماقلت وانت بالمطار بيعرضون عليك بعض الناس او الموظفين شرائح اتركهم ولا تعطيهم مجال

الله يسعدك ويجزاك خير الجزاء على الجواب الشافي