abu7rb
20-02-2022 - 02:11 pm
السلام عليكم ورحمة الله وبركاته
أنا مابعد شريت التذاكر والنيه إني راح أكون متواجد في شهر مايو إن شاء الله
وأنا ماعمري زرت ماليزيا إلى الآن
زيارتي لماليزيا راح تكون بين 7 إلى 10 أيام من يوم الوصول حتى الإقلاع
يهمني تكون الرحله خاثره وشغل ممتاز جدا
المسافرون انا وزوجتي وطفلي 4 سنوات فقط لاغير
أي برنامج يناسبني .. برنامج شهر العسل برنامج العوائل برنامج تمشيات برنامج تسوق
يعني كل شي قدام
مايهمني اتمشى كل يوم!! لا نمانع المشي على الأقدام اليوم كله!! ممكن أخصص يوم تسوق ويوم تمشيات ويوم جلسه بالشاليه
يعني ماأحب شغل الروتين بمعنى آخر شغل أقوم الصبح كل يوم الساعه 7 عشان ألحق على برنامج!! ماتجي الساعه 8 الليل ألاني طافي!! الليل جميل بأنواره أيضاً ويصلح نتواجد في شاطئ رومانسي هادئ مثلاً أو مطعم راقي أو شاليه محترم مع مسبح خاص مثلاً
ويهمني أتواجد في أحلى المناطق
محطة الإقلاع من السعوديه إلى ماليزيا
أبي رأيكم لو سمحتو
دخلت على مواضيع الشباب مافهمت ولا شي واحد يقول صن واي لاقون وواحد يقول ولاية مدري وشو وواحد يقول بينينق
هل هذي جزر أو فنادق او مناطق بعيده عن العاصمه ياليت التوضيح أكثر عشان أعرف أكون في الصوره ولكم تحيتي أخواني واخواتي.
وفي الأخير توقعاتكم لتكلفة الرحله بالجدول المقترح منك شامل كل شيء من الألف إلى الياء كم تكون؟
أنا أقترح عليك هذاالبرنامج لمدة ( 10 أيام )
يومين سلانجور ... فندق أمباير ( سعره في الليلة 350 رنقت )
ثلاثة أيام لنكاوي ... فندق البلانجي بيتش ( سعره في الليلة 600 رنقت )
يومين بينانج ... فندق الهوليدي إن ( سعره في الليلة 450 رنقت )
ثلاثة أيام كوالالمبور ... فندق رويال شولان ( سعره في الليلة 400 رنقت )
وافي بزمن جافي