شباب مافي احد يعرف الطريج؟

هلابك اخوي انا راح اجوابك في الاشياء اللي اعرفها ومريت فيها كذالك الطرق والمسافات من مصر اللي الكويت
اخوي اذا انك في مصر وتبي السعوديه ومعك السياره امامك طريقين ميناء نويبع او ميناء الغردقه او سفاجا
اولا ميناء نويبع يبعد عن القاهره 670 كيلو المسافه من ميناء نويبع اللي ميناء العقبه الاردني في البحر ساعه لقرب المسافه
عند الوصول اللي العقبه التوجه الي الحدود السعوديه وتبعد حوالي 20 كيلو بعدها الدخول اللي محافضه حقل السعوديه ومنها الانطلاق اللي مدينه تبوك وتبعد عن حقل 200 كيلو بعد الوصول الي تبوك تمسك طريق المدينه وتمشي حوالي 90 كيلو يجي مفترق طرق اسمه (مثلث الجوف) فيه لوحه مكتوب عليها الكويت وهي الاقرب للكويت
الطريق الثاني من القاهره اللي الغردقه المسافه 450 كيلو الوصول اللي ميناء الغردقه والتوجه اللي ميناء ضباء المسافه في البحر 5 ساعات المسافه من ضباء اللي جده 750 ومن ضباء الي تبوك 180 كيلو
انصح بعدم الذهاب من ضباء الي جده ومن جده الي الكويت لطول المسافه اكثر من2000 كيلو اذا كان الامر غير ضروري
الذهاب من تبوك الي الكويت مباشره افضل بكثير واقل مسافه

عزالخوي
الله يجزاك خير والله... كنت أبي اروح جده إذا زوجتي معاي.. بس إظاهر انا بروح بروحي وبروح عالكويت علطول. يعني تقول أحسن طريج لكويت إني اروح نوبيع وبعدها العقبه وبعدها اروح تبوك.. ومن تبوك ألقى لوحة مكتوب عليها الكويت.. وبعدها جم المسافه للكويت؟
وهل يفضل أرتاح يوم بمكان؟ وإذا كان الجواب إي .. وين أفضل مكان أرتاح فيه؟
وفي نصايح معينه وارشادات لازم اتبعها
وشكرا لك

هلابك اخوي المسافه من تبوك اللي الكويت 1000 او اقل بشئ بسيط ولاكن لاتزيد عن 1000
بالنسبه للراحه الشئ ذا راجع لنفسك واذا كنت مرهق من السفر راح تحس فيه طبيعي اذا وصلت تبوك وحسيت
نفسك تعبان لازم تريح وتنام لك كم ساعه الشقق كثير وكذالك الفنادق اما اذا كنت نشيط وفيك قدره واصل الطريق
الطريق من تبوك للكويت يوجد علي الطريق مدن وفيها فنادق اذا حسيت حالك تعبان ريح في اي مدينه
النصايح انك تركز في الطريق واخاصه في الليل لوجود بعض الابل اما في النهار الطريق ممتع
تحياتي ورحله موفقه

عزالخوي
الله يجزاك خير اخوي وماقصرت.. وان شاءالله خير