اخي العزيز.. للأسف لا استطيع افادتك حول الشقه المذكوره لعدم معرفتي بالمنطقه.. ولكن بأمكاني اعطاء رأي عن التجمع الخامس والمعادي الجديده.
اما التجمع الخامس فهو منطقه ممتازه من حيث التخطيط والتوقعات المستقبليه والاسعار فيه معقوله ولكنه بحاجه الى الصبر لعدة سنوات حتى تأتي ثمرته على شكل ارتفاع في السعر او الأيجار، اما الآن فلا زال التجمع منطقه غير مرغوبه لصعوبة المواصلات وقصور الخدمات ولذلك فالأمر يعتمد على رغباتك الاستثماريه والمدى الذي تخطط له. اما ماذكرته عن المعادي جوار نادي الصيد فهي منطقة جديده وليست المعادي القديمه الارستقراطيه المعروفه. وهذه المنطقه كذلك جيده والاسعار فيها معقوله وهي اقرب الى الخدمات من التجمع ولكن التجمع مستقبلا ذو عائد اكبر والله اعلم وبالتوفيق.

اتفق مع اخى الكريم السابق لى فى رده على ما قال فى التجمع والمعادى التجمع راقى جدا وهيبقى اهم مكان فى القاهرة لان فى مجمعات سكنية (كمبوند) ومولات ومدن كبيرة زى الرحاب ومدينتى والعديد من الجامعات الكبيرة زى الجامعة الامريكية والمستقبل والالمانية والبريطانية وغيرهم بس لسه امامه كام سنه وهيبقى متميز جدا ويمكن عشان الخدمات لسه ما كملت اسعاره الان رخيصة شوية لكن لما هتكتمل يطلع فى العالى جدا اما المعادى الجديدة فحلوة جدا حى راقى ولكن ليست كالمعادى القديمة طبعا فهى للصفوة شديدة الرقى والارستقراطية المكان الذى ذكرت اخر مصطفى النحاس لا انصح بالاخد فيه لانه طالع بطريقة عشوائية يعنى ناس وضعت ايديها على الارض وبنت وبعد كده تبدء ترخص البناء وساعات الحكومة ترخص تجنب لمشاكل مع الناس ألى بيكونوا اشتروا الشقق وساعات لا وتبدء فى الهدم فهى مخاطرة كبيرة ده غير ان الحكومة مش بتبقى حطه فى حسابها توفير الخدمات زى كهرباء غاز وصرف صحى رصف الطرق والشوارع وكده فبتاخد فتره كبيرة عقبال ما تتعمل والابراج هناك بتبقى عالية 13 - 14 دور والشوارع صغيرة 10 - 15 متر المكان انا شوفته لانهم ماليين الجرائد هنا اعلانات وفى مناطق فى زهراء مدينة نصر نفس الوضع العمارات جديدة وحلوة وبنص السعر ألى انت كاتبه ونفس المشاكل يعنى بتبقى انت وحظك

العزيز جدا qwertqwert
شرفني حضورك وشكرا لإفادتك ..
لكن كل غرضي تملك شقة في القاهرة تناسب ميزانيتي أسكن بها لفترات طويلة بدل الإيجار . بعيدا عن الاستثمار ومشتقاته .

أخي الرائع شاب مصري ..
أشكرك كثيرا على هذه المعلومات ..
وما ذكرته يجعلني شديد الحذر في التعامل مع الدعاية .
لكن يبقى السؤال الأهم .. كيف يستطيع الإنسان أن يجد مكانا مناسبا سليما من المشاكل مريحا يتناسب مع إمكانياته في القاهرة ؟

مهاجر باتجاه الشمس
شكرا على التوضيح.. واعتقد ان امامك خيارين اما شراء شقه متواضعه في احد الأحياء القديمه مثل الدقي او المنيل نظرا لقربها من الاسواق والخدمات والتجمعات، او ان تشتري في مدينة اكتوبر لتهاود اسعارها وفي نفس الوقت اكتمال الخدمات فيها، واسأل الله لك التوفيق.

مهاجر باتجاه الشمس
تمام كده الحذر مطلوب جدا المبلغ المدفوع كبير ويجب ان تشاهد الشقة اولا فى كل الحالات وتشوف موقعها وما بها من خدمات (اى شقة) المناطق التى انصح بها هى المدن الجديدة 6 اكتوبر والشيخ زايد القاهرة الجديدة (التجمع الخامس) العبور و الشروق وان كانت الاخيرة بعيدا شوية اما بداخل القاهرة القديمة حى الهرم والمعادى والكمباوند زى الرحاب ومدينتى واعمار وغيرهم مالين الجريد زى الاهرام عدد الجمعة والوسيط وهتلاقى العنوين وطرق التقسيط اما الاحياء الاخرى نادر انك تجد مجمع عمارات فقد ازدحمت كل ما تلاقى عمارة جديدة بتبنى اسأل فلكل عمارة نظام وطريقة سداد حسب رغبة المالك ويمكنك التفاوض معاه فى السعر وطريقة الدفع اما الشقق القديمة ألى هتشتريها من حد كان ساكنها قبلك فدى غالبا كاش ودى ماليا الجرائد ايضا وخصوصا الوسيط و الاهرام عدد يوم الجمعة بتتصل بالمالك مباشرتا وتروح تتفرج وتتكلموا فى السعر ويجب انك تكون عارف مستوى الاسعار فى الحى كام عشان ما يغلى عليك وشوف مستوى الشقة من تجديدات و خدمات مناسب مع السعر ولا لا عشان دى حاجات ممكن تنزلك السعر شوية تحياتى