معقوله ولا شخص رد على موضوعي الى الان لي اكثر من 3 ايام
فرق بينكم وبين بوابة ماليبزيا ماشالله شباب تجاوبهم بسرعه هبة ريح فرق بينكم وبينهم
جعلني ان شالله مااحتاجكم بشي

كولون هي الافضل ..........التنقل بالقطار جدا مريح .........فنادق بالناثن رود ما اعرف بس لوماتسكن بهالشارع افضل ابعد عنه شوي وتقدر توصله مشي ...فيه فندق رنسنز عن الناثن رود تقريبا 7 دقائق مشي

السلام عليكم
انا احس انو السنتر احسن كعائلة لانو أامن من كولوون بالزات في الليل و بعديين في القطار مررة رخيص و سريع و يوديك اي مكان تبغا لانو التكاسي تعتبر غالية نوعا ما
الفنادق في هونج كونج غالية ,, في الرخييص بس مايكوون شي عليه الكلام
بما انو عندك اطفال فطبعا اول شي ديزني لاند,, و اوشن بارك
وفي كمان تلفريك يطلعك الجبل حلو
و في منطقة اسمها البيك فوق الجبل في السنترال فيها متحف الشمع زي اللي في لندن
بالنسبة لزوجتك ازا تبى الاسواق الشعبية حقتهم ففي ليدي ماركت في كولوون و في ستانلي ماركت
بالنسبة للاكل حتلاقي صعوبة شوية لانو اكلهم مانقدر ناكلو الا ازا سي فوود
بس في مطاعم هندية و عربية مو كتيير بس تمشي الحال و اغلبها غالية ناار يعني ساندوتش الشاورما الواحد ب 25 ريال..
و اذا عندك اي سؤال كمان او تبى شي بالتفصيل او الاعنوان انا جاهزة
و شكرا

eilaf
مشكور ياغالي الله يعطيك العافيه وماقصرت معلومات قيمه ياغالي
صراحه انا لقيت كذا فندق في شارع ناثان وبعضها قريبه من الهاربر او منطقه تسمىTsim Sha Tsui فيه كذا فندق منها امبريل وم هوليدي ان وش رايك فيها؟
وهل 4 ليالي كفايه لاني انا اصلن جاي من كوالا وبرجع كوالا اكمل برنامجي
فهل ازود عدد اليالي او تكفي
واذا تكفي ياليت تعطيني جدول لكل يوم وبنسبه لتنقل من المطار هل اخذ القطار اكسبرس او اخذ سياره عائليه
وهل 2000 دولار تكفي؟
ياليت ترشحلي فندق على خبرتك قريبه من Tsim Sha Tsui يكون سعره مناسب تعرف لازم اخذ غرفتين كونكت لان 4 كبار وطفلتين؟
اتمنى اني ماكثرت عليك اسئله انتظر ردك ياغالي.

طنط تفيده
مشكوؤ ياغالي بشوف سعره اذا مناسب ان شالله باخذ فيه
وهل موقعه مناسب وهل غرفه واسعه او ضيقه لاني باخذ غرفتين كونكت
بنسبه للشارع يكون نهايته عند الهاربر صح هل اسكن هنا او اسكن في اول شارع ناثان ؟

1. هادي الاماكن اللي فاكرتها دحين ازا افتكرت شي تاني راح اقولك

السلام عليكم
معليش طولت في الرد بس كنت مشغولة و مافتحت المنتدى الا اليوم
الفنادق معليش ماراح اقدر افيدك فيها الا اذا بمواقعها و المنطقة اللي تباها فيها فنادق مررة كتيير بس ما اعرف ايش الاحسن
و 4 ليالي تكفي بس على حسب رحلتك متى لا تنسى تحسب ايام السفر
اليوم الاول: ديزني لاند مررة حلوة لاكن الالعاب بس للاطفال مافي للكبار بس في العرووض حقتهم مرة حلوة و يبالها يوم كامل
او اوشن بارك احلى من دزني بكتيير من ناحية الالعاب و ممكن تروحو الاتنين كل يوم واحد
اليوم التاني:ممكن تروح بوده الكبيير المنطقة مررة حلوة و يترحلها بالتلفريك و في جمبها برضو مول للماركات المخفضة بس مافيله ماركات كتيرة
اليوم الثالث:ممكن تخليه بجزيرة هونغ كونغ تروحلها بالفيري من باب التغير و تروحو ستانلي ماركت او البيك او كمان كولون فيها مولات او اسواق شعبية
اليوم الرابع:في وت لاند زي حديقة تتفرج فيها على انواع الطيوور و الفراشات و اشجار الخ (طبيعة)
او ممكن متاحف ازا تحبو
ماعرف انتا ايش تحب فين ترروح تبى بس للاولاد و لا اسواق عشان اديك بالتفصيل كدا بالعام في اشياء مررة كتيرة ماقدر اقولها كلها

هادي الاماكن اللي فاكرتها دحين ازا افتكرت شي تاني راح اقولك

0دولار امريكي=تقريبا 15500دولار هونغ كونغ تكفيك ان شاء الله بس ازا 2000دولار هونغ كونغ ماراح تكفيك بالزات عشان ماشاء الله 6 اشخاص في اكل و مواصلات و تذاكر للاماكن اللي حترووحها و اذا تباني اديك اسعار التذاكر فانا حاضرة
و اذا عندك اي سؤال كمان او تبى شي بالتفصيل و الاسعار
و معليش مررة تانية على التاخير

اختي ايش رأيك بهالمنطقة الله يجزاك خير
M Hotel
8Portland Street , Yau Ma Tei Kowloon
وكمان ايش رأيك
اروح اوشن بارك الصباح وفي المساء اروح ذا بيك المطل بيمديني ولالا؟؟؟؟؟
مشكورة كثير
بس ايش اهم 3 اسواق في هونغ كونغ؟؟؟؟؟؟

ختي ايش رأيك بهالمنطقة الله يجزاك خير
M Hotel
8Portland Street , Yau Ma Tei Kowloon
فنادق ماعرف
اما الموقع فهو على شارع ناان على نهايته,, المنطقة حلوة فيها كل شي بس مهي امان
وكمان ايش رأيك
اروح اوشن بارك الصباح وفي المساء اروح ذا بيك المطل بيمديني ولالا؟؟؟؟؟
لا ما اتوقع انو يكفي بالزات ازا معاك اطفال
بس ايش اهم 3 اسواق في هونغ كونغ؟؟؟؟؟؟
اسواق شعبية:
ستانلي ماركت في هونغ كونغ
تمبل ستريت في كولوون
ليدي ماركت في كولوون
المولات الكبيرة الراقية:
ifc في هونغ كونغ
element في كولوون
harbuor city في كولوون هيا 3 مولات لاصقين في بعض
times square في هونغ كونغ

كمان في اماكن للاطفال:

• سفينة نوح
• متحف العلوم في كولون
• متحف الفضاء في كولون

اذا تبى تفصيل عن اي شي انا حاضرة