ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
yusef_2000
25-09-2022 - 04:30 am
سافرت قبل ثمان شهور لتايلند وماليزيا وكان بالسفره معاي واحد من الشباب وهو صاحبي الخاص وبعد ماوصلنا لبوكيت والبحر كان عقدته البحر ودخوله
حاولت يرافقني بالرحلات البحريه اللي انا كنت قاصد وناوي لها لكن اعتذر مني بشده علشانه مايعرف للسباحه ويصيبه دوار البحر
طبعا عذرته لاني اعرفه ماله باهالسوالف هذي
المهم كان عندنا بالفندق شياب خليجيين يسولفون سوالف قديمه عن البحر طبعا يعني قبل سنه
وبعد سلامي لهم والتحيه قالولي تفضل ياولدي وشربت معاهم الشاي والسوالف والضحك وبعدها قالولي انهم بيطلعون للبحر وطلبو مني مرافقتهم
ووافقت بعد ماخبرت صاحبي وكانت الرحله الى جزيره تبعد ساعه من بوكيت
وكانو الشياب مرحين وغشمريين وانا طيحت الميانه معاهم حدي واستانسو علي
والصيد هناك مليان من السمك وعبينا السله من جميع الانواع من الاسماك وبعد ماوصلنا الجزيره شوينا بعض السمك واكلنا منه وكانو فنانيين بالطبخ
جلسنا بالجزيره الى قبل غروب الشمس ورجعنا لمحطه انطلاقنا بوكيت
الشياب طلبو مني رقمي علشان يتواصلون معاي ورحبت وعطيتهم رقمي واخذت ارقامهم
وبعد اتصالي في واحد منهم قالولي بالمستشفى فيه جلطه
واتصلت على الثاني قالو لي بالمستشفى فيه التهاب بصدره وحالته حرجه
والثالث انتقل الى رحمه الله
رحم الله الشياب والشباب المسلمين يارب


التعليقات (9)
**نونا**
**نونا**
اللهم امين......الظاهر صكيتهم بعين خليتهم بهالحال...
الله يرحم اموات المسلمين..

yusef_2000
yusef_2000
**نونا**
صكيتهم بعين ؟ !! ههه
لاوالله بالعكس كنت دايم ادعي لهم ومتواصل معاهم لكن هذي ارادة الله ولاحول ولاقوه الا بالله
بعدين الحمدلله ترى عيني بارده دايم مع الكل
شكرا على مشاركتج نونا

الرياض دياري
الرياض دياري
الله يرحمهم ويغفرلهم يارب

yusef_2000
yusef_2000
الرياض دياري
اللهم آمين
وجزاك الله خير

الميكادو
الميكادو
كما أسأله سبحانه أن يطول عمر yusef_2000 على طاعته ،،

المقاتل/الفنان
المقاتل/الفنان
ياساتر يارب..
تبغاني أجي أكفلك من الشرطة!
..
ولا رميت الموضوع ع السمك !
  • _-_-_-_-_-_-_-_-

قدر الله وما شاء فعل..
وإنا لله وإنا إليه راجعون.

yusef_2000
yusef_2000
الميكادو
وأسأل الله يطول بعمرك على طاعته ويوصل عمرك بكبر عمر الشياب او اكثر

yusef_2000
yusef_2000
المقاتل/الفنان
ههه الظاهر الأخ مضيع بالرد

الاجدل
الاجدل
ما شاء الله عليك بعذر خويك متردد خايف من الموت........ههه
الله يرحم الشياب ويرحم حالك وحالنا


خصم يصل إلى 25%