الحمدلله على السلامة مقدما .......انا انصحك تشتري شنطة ماركة من هارودز او سيلفريدج او العطور اللي تكون خاصة للمحلين هذيل ....او اي شي جريمي من هالمحلين لان بس اساميهم تدوخ بنات الخليج

نفس راي الاخت ^^
الشنط افخم شي واحلى هديه

الله يجزاكم عنا كل خيرر ويبارك لكم
يبدو ان الشنطه هي الخيار الامثل
لكن وين الاقي الشنط .. ولا مافيه غير هاررودز ؟؟!

انا أفضل قلم ماركة(لويس فيتون في بوند ستريت وبقيمة 300 باوند ) او محفظة (بوك) او نظارة (كوتشي روعة )

سيلفرديج وهارودز وفي بالمحلات نفسها او ممكن من الاوت لت ارخص

أشترى هديه غير موجوده فى بلدك من محلات هارودز أو سلفردج

انا اقترح لك طقم مكياج لان اكثر الحريم يحبون الميك اب واحسن شئ اشتريه من السلفرديج

بالنسبه لإقتراحاتي :
1_ عطر توم فورد تلقاه بهارودز .
2_ مجموعه عطريه أو مكياج من Benefit
http://www.benefitcosmetics.com/top-sellers-core-Products/b/2357867011
( قول للي بالمحل يختارولك الأفضل عندهم كهديه لزوجتك , صعب كرجل إنك تختار بنفسك ,, هم راح يساعدونك و يختارولك و غلّفها لها و بتصير خوش هديه ) .
3_ إذا زوجتك عندها إهتمام كبير بشعرها و تحب تسوي فيه حركات , إختار لها كذا منتج من ماركه Remington عجيبه للشعر , سشوار و فير و لفافات حراريه , و مو موجودة هالماركه على حد علمي بالخليج , تلقاها بمحل Argos بشارع اجور روود .
4_ ذوق الريجيل بالجناط و الساعات و النظارات غير ذوق البنات , فإقتراحي إنك ما تشتريلها إلا إذا كانت مجربه ذوقك من قبل و فعلاً عاجبها .
5_ فستان بسيط كلاسيك راح يكون هديه حلوة بس حذاري تجيب لها أوسع أو أضيق من مقاسها راح تعتبرها إشارة لوزنها .
6_ زور محلات الهدايا و راح تلقى شغلات حيل حلوة عندهم .
7_ إذا ميزانيتك ما تسمح , اشترلها أشياء بسيطه ذكريات من لندن , الباص الأحمر الصغير , علاقات و شغلات بسيطه مع صورتك و جمله حلوة بسيطه أكتبها لها بكرت و إلا بأي طريقه كانت و بعدين غلّفها .
http://www.fancythatoflondon.co.uk/
بالنهايه , يكفي إنك ذكرتها و هذا راح يسعدها , الهديه مو بسعرها أبداً
تحياتي .

كل وحدة واهتماماتها الشخصية على حسب هي شنو تحب بس أقترح عليك جنطة من أي ماركة قوتشي مثلا وتحصلهم
بالمطار بأسعار حلوة..ممكن ساعة وممكن عطور بس شخصيا أفضل الجنطة..موفق وان شاء الله تعجبها الهدية مهما كانت