بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



نورة الناصر نورة الناصر
. . ]| قصر الهنـد |[ . .
14-11-2014 - 04:40 am





المطعم | قصر الهنـد . ( اسمه أكبر منه )
الوصف | حي القدس
لقيتْ هَ الوصفْ وحطيته أَوضح بِ كثير ~> محد رآيحن له بعد تقريرتس



طريقة معرفتي له من باب الصدفه كنت رآيحه أزور صديقتي وشفته من برآ كان شكله فخم
توقعته ديكور تعبانين عليه وقلت يبيله زياره .. يوم خططت أروح له وناظرته عن قرب
طلعت تجليده .. عاد مدري تسمى تجليده مدري وش تسمى المهم هذا أقرب مسمى لها خخخ ..


أول ما تدخلون تشوفون هالدريشه


هذا الدرج اللي يطلع لَ الجلسات


بما إن عددنآ مآشآء الله لا بأس فيه احتاروا وين يجلسوننا
مكانهم ضيق ما تقدر تفترك فيه حطونا ب جلسه فيها
طاولتين منفصله


البارتشن


الجدار في حاله يرثى لها




لقطات من المنيو .. مشقق وحالته حاله
قسم بالله تقولون فيرآن مقرضته ولاعبه فيه
غيروه طيب ، ياما كسبتوا من خلق الله ..
ما أخفي عليكم يوم شفنا أسعاره رخيصه مرّه قلنا مشينا
توقعنآه جداً سيء مقارنه ب أسعار كوبر شندني وعالم البهارات
بس جاء السؤال اللي مستحيل نقدر نجاوب عليه
وشو الخيار الثاني ؟!
كلن بلع لسانه ما يدري وش يختار ، ( صدق ذا الحريم ما ينعطن وجه يعارضون ولا يدرون وين يروحون )
قال اخوي دام ما تدرون وين تروحون ذوقوا ذا أجل خخ ..
وعشآننا حليلات تقبلنا الأمر ب صدر رحب خخ ..
تصدقون كم مره ندور بهالشوارع على بال ما نختار مطعم
أخبر الناس يتفقون بالبيت حنا لا نقعد ندور لمين نتفق على مطعم


طلبنا كرسي ل بنت أختي يوم نوينا الجلسه فيه خخ




جانا هَ الشيء المقرمش ( بكل مطعم هندي لازم يقدمونه )
مع صوصين أخضر وأبيض ، ما يعجبني أبد


جت الطلبات


سمبوسه دجاج على شكل ورده
اللي ذقتها حلوه ، ومرت اخوي ذاقت وحده تقول عجين خخخ
عاد مدري البلا في مين !


ورق عنب حلو مآ عليه بس لو هو بآرد
كنهم مسخنينه شوي ..



بطاطس مقلي وكاتشب


خبز نان



3 صحون رز سمك ودجاج
حلو ما عليه رزهم


حمص أو متبل


متبل أو حمص خخ
للإمآنه | كلهم فاتحات ونسيت أيهم الحمص والمتبل يوم جيت أنزل التقرير ..



مسالا بالزبده


مرق


سيزر


دجاج بالثوم وطلبنا ثاني سمك بس نسيت أصوره احسبهم كلهم دجاج


2 عصير برتقال


عصير ليمون


ديو
والباقين شربوا ببسي بس ما صورته


هذي الطاوله الثانية ، لآ خلصنا من صحن حطيناه عليها
هذي فايدة الطاولتين المنفصله


طاولتنا بعد ما خلصنا


ذا صحن مرت اخوي خخخ ، ياعمري عليها بعذرها ما كملته حواق × بحواق
حمص ورز خخخ الله يهديتس يا يمه ذبحتيها من كثر ما تحطين لها لمين انحاق صحنها خخ ..

ترى تصويري ارقى من كذا ، بس حامت تسبد الكام من المطعم

تقييمي للمطعم . / ،
- من ناحية الأكل : اعطيه 7 / 10
- النظافة : اعطيه 3 / 10
- الجلسات : 1 / 10 وتخب عليهم خخ
- الأسعار : كويسة







المشاركات

ضحكتي ماركهـ ضحكتي ماركهـ
. . ]| قصر الهنـد |[ . .


شكرا لك نوره الناصر



ماقصرتي و يعطيكـ العافيه


الراايق الراايق
. . ]| قصر الهنـد |[ . .


السلام عليكم

أذكر مرة جبت لهالمطعـم
وأعتقد أنه يقع بنهاية شارع التحليـة
أنا أدور أسم شارع التحلية ماحصلتة
يمكـن عشـان الشارع معروف باسم التحلية وراحت عليه
وأذكر أن الهندي زعل لما صورت وقال بابا ممنــوع ممنــوع هههههة

يسلمــوووو على الصـور الجميلــة والتقرير الراائـــع
يعطيج ألف عـافيـة
فالج طيب


سائح بسيط سائح بسيط
. . ]| قصر الهنـد |[ . .


مطعم قصر الهند في حي القدس مخرج 10
نعم للأسف هذا المطعم يعيبه الديكور وجلسات العوائل ، زرت هذا المطعم كثيرا مع الشباب ، وفي الآونه الأخيره رفعوا بعض الاسعار مثل الشوربات وبعض الأطباق


مسافر عالمي مسافر عالمي
. . ]| قصر الهنـد |[ . .


تصدقون بغيت أتعشاء فيه أمس مع الشباب
لكن أخيرا أختاروا الصيف الهندي الي في شارع إنكاس


3210 3210
. . ]| قصر الهنـد |[ . .


هذا المـطعم كان ممتاز يعني يأخذ 10/10 من كل النواحي ..
بس من حوالي سنة وأكثر عـطيته علامة ×
وكـلمت صاحب المطـعم وشرحت له الوضع اللي صاير

لأنه تحّول لـ مطعم بـخاري


cash2000 cash2000
. . ]| قصر الهنـد |[ . .


الله يعطيك العافية على الصور .. صراحة عندهم اكلات لذيذة وخاصة الرز بالخضار روعة .... بس مرة نسوا واحد من الطلبات وكاتبينه بالفاتورة :)


خبير جودة خبير جودة
. . ]| قصر الهنـد |[ . .


دايم اخذ منه تيك اوي لانه قريب من بيتي
لذيذ ورخيص

بس ما عمري جلست فيه، لانه فعلا شكله ما ياهل


السفر هوايه السفر هوايه
. . ]| قصر الهنـد |[ . .


حلو عطيتيني فكرة عنه علشان ما افكر اروح له اول ما شفت الصور قلت الله لا يعوق بشر ابرووووووح....بس بعد ما كملت هووونت واحييك على هالاسلوب المرح


سائح بسيط سائح بسيط
. . ]| قصر الهنـد |[ . .


صدق العضو 3210

المطعم كان أول رهيييييب جداً ومنذ حوالي سنة وهو بانحدار ؟!!!



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

. . ]| قصر الهنـد |[ . .