الأخت Noona77
انا مسافره على ماليزيا الأسبوع القادم وكان لدي اسئلة مثل سؤالك لكن اعرف وحده سافرت وتقول الشي المهم إللي لازم نشتريه الشنط والساعات من الماركات العالميه وتكون مقلده بس نخب اول يعني الشنطة إللي 500 ممكن تجيبيها 100
والساعات نفس الشي
تروحي وترجعي بالسلامه

كل شي موجود
وفيه الماركات وفيه المقلد
التسوق مره حلو هناك تطمني

من تجاربتي من التسوق في ما ليزيا وجدت انة اقل من الاسعار هنا فى المملكة بحوالي 6-10 ريال طبعا هذة الماركات
وانصح ب تا يم سكوير وميجا مول ام بي بلازا وسوريا كي
والهدايا من السوق الصيني ارخص

شكراً على التفاعل...
بس انا ابغي اركز على الإكسسوارات الراقية اللي تصلح حق حفلات لأن بعد شهر العسل عندي كذا عرس ومحتاجة اكسسورات مناسبة (ولأني عاشقة تسوق) وكان من ضمن المخطط ان نروح بانكوك وشنغماي بس احتمال ما يصير...
فأبغي اعرف هل ممكن احصل على مرادي

ايوا موجود
وانا شفت كذا محل بالتايم سكوير
وبسوريا مره كانوا حلوين وفيه اشياء فخمه وتصلح للسهرات
وان شاء الله تحصلين مرادك ..
وبالتوفيق

مرحبا
عندهم الأحذيه حلوه ورخيصه مانلقاهم في دول الخليج بهالسعر.
وبالأخص محل BLAY+محل VINCCI+محل ELLE تتراوح اسعارهم من 50 الى 80 وفي محلات ثانيه وارخص بس على حسب البضاعه
في الميغا مول ,وفي سنتر صن واي لاقون,وفي سنتر سوريا..

ميقا مول
وبس
لكن اذا تبون التسوق اقل حاجة 12 ساعة
لانه توجد فيه اسواق ماليزيا والعالم كلها
بالفعل اكبر سوق رايته في حياتي
واذا ذهبن له كانك ذهبت لجميع الاسواق
ويتميز انه يوجد فيه الماركات وغيرها واسعاره من المتوسط وطالع
هذا السوق فيه كل ما يخطر على بالك سوق بداخله اسواق
اذا ذهبتم اليه تغدوا وتعشوا فيه علشان ما يضيع وقتكم تروحون وتجون مرة ثانية
واذا تبون سوق ثاني
بالتايم سكوير
واذا تبون اشياء اسعارها رخيصة
السوق الصيني
وكذلك سوق مسجد انديا (( المسجد الهندي )

1. وبعد في مول وايد رخيص بس ماعيبني وايد اللي هوه بي بي بلازا

مرحبا
ماشاء الله التسوق في ماليزيا ممتع وكل شي موجود عندهم واسعارهم جدا مناسبه
اذا تبين ماركات عالميه شنط واحذيه وملابس سيري فندق الماريوت فيه محلات للشوبينق روعه كل الماركات العالميه فيه انا اشتريت من عندهم شنط ديور وفندي وجوتشي
بتحصلين ديور_فندي_فيرساتشي_جوتشي_دكني_تادوس_ولويس فيتون_ولوي وكل الماركات ..بس على فكره الاصلي مب التقليد...وحوالي 3 ادوار احلى شوبينق فيه
وعندج بعد سيريا مول اللي هوه نفسه KLCC اللي في الابراج في محل مثل باريس جاليري اسمه ايستان فيه ماركات بعد انا حصلت فيه ديور وفيه ماركات بعد رخيصه مثل بونيا وبولو ووايد بعد شنط واحذيه وعطور ومكياج وملابس
ونفسه المول فيه بعد محلات ماركات مثل جوتشي وباربيري وشانيل ووايد محلات ملابس واحذيه وشنط...
واذا تبين مولات اسعاره متفاوته وتناسب الجميع عندج الميجا مول روعه وايد عيبني
وعندج برجايا تايم سكوير فيه اشياء حلوه

وبعد في مول وايد رخيص بس ماعيبني وايد اللي هوه بي بي بلازا

واذا تبين سوق تقليد للماركات شنط ساعات واحذيه روحي السوق الصينيchina town
فيه وايد محلات تقليد واسعاره رخيصه ولازم تكاسرين فيه لين توصلين للسعر اللي يناسبج يعني اذا قالج البايع الشنط سعرها 200 قوليله ماباخذها الا ب50 او 40 ولاتغيرين لين يرضى واذا مارضى طلعي وبيلحقج وبيبيعها عليج بنفس السعر اللي تبينه ..بس مب كل الباعه سهل التعامل وياهم بعضهم يقولج خذيها بسعري والا اطلعي دوري غيري والبعض منهم مايحب المكاسر وقليلين ادب ..
هذا بالنسبه لكوالالمبور
اما لبيننج عندج ذا قارني بلازا مول حلو وفيه وايد محلات شنط احذيه ملابس واسعار بيننج رخيصه وايد لانها جزيره
وعندج كومتار حلو بعد مول كبير وايد واكبر عن قارني
وبعد السوق الليلي فيه وايد تقليد للماركات ..
هذا اللي عندي اتمنى افدتكم
هذا بالنبه لكوالالمبور

ميغا مول ماديا فيلي + تايم سويكر
وبس
ولا تضيعين وقتك
واذا حصل تتسوقين من تايلاند احسن وارخص بكثير