سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
rosalinda4000
09-01-2022 - 12:54 am
  1. كيف حالكم؟ إن شاء الله تكونوا بأحسن حال

  2. ندخل على الطلب دايركت


سلام عليكم لأعضاء المنتدى الرائعين

كيف حالكم؟ إن شاء الله تكونوا بأحسن حال

أعرفكم على نفسي، أنا اسمي روزاليندا من جدة . أنا من زمان أعرف المنتدى الروعة المميز هذا
و من فتره ماهي ببعيده دخلت المنتدى و سجلت فيه ما أبغا أخرج منه من كتر ما جذبني فيه حاجات كثيرة، زي التقارير و تفاصيل رحلات الأعضاء الكرام الحلوين زي عنوان الموضوع الشيق زي الصور الشخصية . منتدى أدخله و أتعمق فيه . كل ما أبغا أخرج في موضوع يجذبني موضوع ورا موضوع فأجلس عليه بالساعتين ههه.
أنا كنت أعلق لكن أبدا ما حطيت موضوع جديد . و هذه تعتبر أول مشاركة ليا . و طالما عندنا هنا أعضاء حلوين عندهم خبره في أمور السفر و التنسيق ، حابة أطلب منكم خدمة يا أهل الخبرة، و من جد أكون شاكرة لكم جزيل الشكر
الحكاية
احنا في إجازة الحج قررنا نروح سويسرا و ديزني إن شاء الله يعني حيكون برد ،المده حتكون أسبوع و كم يوم كده أو حتكون أسبوعين، لكن مو أكثر
و أختكم روزاليندا (رورو) ما تعرف تعمل برنامج كل يوم في مكان . بس فكرت أنه طالما المدة حتكون أسبوع و كم يوم أو أسبوعين بفكر أقسمها 3 في ديزني و الباقي في سويسرا أو 5 في ديزني و الباقي في سويسرا

ندخل على الطلب دايركت

أبغاكم تساعدوني تعملولي برنامج دقيق و حلو يفتح النفس كل اللي يشوفه يقول برنامج روعة أبغا نسخة منه لول يشمل ( الفنادق الفخمة الحلوه بأسعارها أماكن ترفيهية ( ملاهي...الخ)، مطاعم ممتازة و ########## ،أحلى الأسواق، عروض لزيزة كده (شوهات) في العصر ، مكان فيه خيول، آثار حلوه، حدائق كبيره الواحد يتمشى و يستنشق الهواء الطلق بين الناس. جبال . يعني أماكن حلوه للشباب و للكبار الواحد ما يمل منها، ما أبغا كله جبال لأن في ناس ما يحبوا بس يروحوا هناك بالعكس يبغوا التنوع ، و أهم شيء أماكن فيها عالم يعني مو هدوء!. انتوا أختارولي المدن الحلوه في سويسرا و أبغا باص يعملنا جولة حول المدينة يكلمنا عنها) ياريت تشوفولي ايش المناسب في الصبح و في الليل . نسقوا البرنامج على كيفكم لأني أنا واثقة أنه حيكون مافي أحلى منه إن شاء الله.شفت كتير أعضاء هنا مبدعين ما شاء الله . لا تنسوا تقولولي على الأسعار اذا قدرتوا. تكونوا مره ساعدتوني
و الطلب الثاني عن الكاميرا
ايش أفضل كاميرا من كل النواحي؟؟
أنا أعرف كاميرات المحترفين هي أفضل شيء لكنها ثقيلة عليا و أنا من عشاق التصوير
بس أنا عندي كاميرا تابعة لشركة سوني (كاميرا دجيتال فيها فوتو و فيديو) لكنها في الليل مره ما تصور حلو
فيا أهل الخبرة دلوني على كاميرا ديجيتال ممتازة 100% فوتو و وفيديو اذا قدرتوا أكتبوا اسمها هنا عشان أروح أشتريها
و أقدم شكري لكم مره ثانية. والله يحفظكم
و بس


التعليقات (7)
swiss heidi
swiss heidi
مرحبا أختي
للأسف إختيار غير موفق لسويسرا في هذا الوقت
الدنيا برد وثلج وهدوء وأغلب الفعاليات مغلقة
بإختصار زيارتها راح تكون مناسبة لهواة التزلج ومحبي الإسترخاء في المنتجعات الجبلية
على كل حال أنصحك بأن تقتصر الرحلة على فرنسا فقط
لملائمة الجو وخاصة إن مدة الفترة قصيرة
بالتوفيق *

rosalinda4000
rosalinda4000
  1. دائما أروحهم في الصيف في عز الحر

  2. في أغسطس


swiss heidi
مرحبا أختي swiss heidi
سعيدة لأنك شاركتي في موضوعي
لأنك مميزة في المنتدى
هو كلامك صحيح و أنا قلتلهم الكلام هذا أنا قلت أسأل برضه إذا فيه عكس كده في الوقت هذا، طلع مافي
، و ذكرتيلي أنه فرنسا هي الأنسب
المشكلة يا أختي في ناس مركزة تبغا عكس اللي أنا ذكرته يعني تبغا سويسرا سويسرا سويسرا بالتحديد عشان الهدوء و الإستجمام و الراحة و في ناس تبغا زي ما أنا ذكرت
و بعد النقاش و الإقناع أتوصلنا أننا لازم نرضي جميع الأذواق
بس طالما فرحتيني أنه فرنسا ملائمة أكثر .
و نصحتيني أني أقتصرها على فرنسا فقط لملائمة الجو
طيب احنا عشان نرضي جميع الأذواق و جميع الأطراف
لأن الرحلة جماعية
نقصر المدة في سويسرا و الباقي في فرنسا
برضه فكره كويسه
و بالنسبة للفعاليات لمن ذكرتي أنها مغلقة حاليا
ايش البديل في نظرك؟؟؟؟ لأن عارفة أختي نبغا شيء أكشن ، يعني عارفة مو نروح نمل كأننا ما سافرنا لأ نبغا شيء أكشن
فإيش تنصحوني؟؟؟ أكيد في حاجات حلوه في سويسرا في وقت البرد غير التزلج.
أنا سويسرا و فرنسا عمري ما سافرتهم في البرد

دائما أروحهم في الصيف في عز الحر

في أغسطس

فخلاص انتوا عندكم خبرة اذا ممكن ترتبولي برنامج يشمل جزء من سويسرا أفضل الأماكن و المدن اللي فيها الإستجمام و الهدوء و كل اللي تشوفوه مناسب في الوقت هذا و نفس الشيء لفرنسا من حيث المدن المناسبة و الأماكن الحلوه و اللي تشوفوه مناسب في البرنامج
لأنهم معتمدين عليا في اختيار الأماكن الممتازة الحلوه و في الترتيب و التنسيق
و أكون فعلا شاكره لك كثير كثير أختي

أبــوعبدالله
أبــوعبدالله
هلا باختي الفاضله مثل ماقلت مشرفتنا الجو ما راح يساعد بالتمشي برد
و الطلب الثاني عن الكاميرا
ايش أفضل كاميرا من كل النواحي؟؟
أنا أعرف كاميرات المحترفين هي أفضل شيء لكنها ثقيلة عليا و أنا من عشاق التصوير
بس أنا عندي كاميرا تابعة لشركة سوني (كاميرا دجيتال فيها فوتو و فيديو) لكنها في الليل مره ما تصور حلو
فيا أهل الخبرة دلوني على كاميرا ديجيتال ممتازة 100% فوتو و وفيديو اذا قدرتوا أكتبوا اسمها هنا عشان أروح أشتريها

[/quote
ادخلي علي هذا الرابط واكتبي موضوع
استفسارات الكاميرات و العدسات والصور https://artravelers.com/s/239

عووسوو
عووسوو
انا مانصحك تزورين سويسرا بهالوقت ..
تصدقي اهله سويسرا بهذا الوقت يسافرون لشرم الشيخ وتونس والمغرب وماحوليها يعني
اقصد يختارو الاماكن الدافيه
راح تكون مغطاه بالثلج ...
اذا انتو مصممين على اوربا روحو باريس .. معى انها برضو راح تكون برد .. والمطر بيذبحكم يعني ماراح تنبسطون حتى بديزني لاند
مابي اضيق صدرك بس اجلوها للصيف
تحياتي

عووسوو
عووسوو
ملحوظه :
اغلب الالعاب بديزني لاند للبالغين مو مكشوفه ..
وانا لمى اقصد المطر بينزل عليكم لانو ديزني لاند كبيره وكبيره جدا ..

rosalinda4000
rosalinda4000
هلا باختي الفاضله مثل ماقلت مشرفتنا الجو ما راح يساعد بالتمشي برد
[/quote
ادخلي علي هذا الرابط واكتبي موضوع
استفسارات الكاميرات و العدسات والصور https://artravelers.com/s/239
هلا بأخويا الكريم . شكرا لك على المساعدة و تسلم . خلاص حطيت موضوع في القسم
في حفظ الله

rosalinda4000
rosalinda4000
  1. أنا لاحظت مافي أحد هنا بيشجعني على سويسرا


انا مانصحك تزورين سويسرا بهالوقت ..
تصدقي اهله سويسرا بهذا الوقت يسافرون لشرم الشيخ وتونس والمغرب وماحوليها يعني
اقصد يختارو الاماكن الدافيه
هما عشان حياتهم كلها برد و الجو الحلو فا بيدوروا على الأماكن الدافيه. احنا عاد مشهورين بالحر و الرطوبة في جدة ههه بالعكس احنا بندور على البرد المعتدل كمان مو القارس لول
فإحنا كلنا مصممين على أوروبا إن شاء الله لأن سبحان الله مميزة في نظرنا
راح تكون مغطاه بالثلج ...
اذا انتو مصممين على اوربا روحو باريس .. معى انها برضو راح تكون برد .. والمطر بيذبحكم يعني ماراح تنبسطون حتى بديزني لاند
مابي اضيق صدرك بس اجلوها للصيف
تحياتي
بالنسبة لباريس احتمال ننزل فيها ترانزيت يوم واحد. الله و أعلم عشان نروح لديزني
عووسوو
وانا لمى اقصد المطر بينزل عليكم لانو ديزني لاند كبيره وكبيره جدا ..
بالعكس أخويا في ألعاب كتيره مكشوفة ديزني لاند رحناها من زمان في البرد و نزل مطر زي ما ذكرت فخلاص ديزني أتعودنا على بردها و عارفين كيف حتكون. ملابس الشتاء ما شاء الله تعمل مفعولها لول

أنا لاحظت مافي أحد هنا بيشجعني على سويسرا

طيب اذا قدرتوا على الأقل دلوني على أماكن حلوه في سويسرا في الثلج؟؟المدن الحلوه و المطاعم و الأسواق و الفنادق و الأسعار ...؟ لأن في سويسرا هذا اللي يهمنا أدوني الأسامي بس و موجوده في أي مدينة؟. اللي تقدروا عليه
و فرنسا اذا قدرتوا كمان نفس الشيء بالإضافة لأماكن فيها مشي زي الحدائق يعني
أنا متأكده أنه في أماكن حلوه هناك في الثلج لا تنسى أنه حيجي موسم الكريسميس و حيكون يوم 25 ديسمبر
و هما يجهزوا من بدري الحاجات الحلوه و التزيين و الحركات
فأكيد فيه أماكن حلوه هناك، فا انتوا عندكم خبرة أكتر مني، و تقدروا تعملوا برنامج حلو .
فيا أعضاء المنتدى الحبيب
ماحد منكم راح سويسرا أو فرنسا في البرد؟؟
لمن بشوف التقارير أغلبكم راح، و أكيد فيه أعضاء حلوين هنا عندهم نية سفر لأوروبا عشان الكريميس
فإذا ممكن بس دلوني على مدن حلوه في فرنسا و سويسرا حلوه تستاهل أنها تتراح في البرد
أنا متأكده أنه سويسرا حتكون مغطاه بالثلج زي ما ذكرتوا
و نفس الشيء فرنسا . هذه ما عندنا مشاكل فيها
المشكلة اللي عندي ما أعرف أماكن حلوه في الشتاء
. أنا أعرف سويسرا و فرنسا في الصيف
أكون شاكره من جد اللي يقدر يساعدني.


خصم يصل إلى 25%