بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



برنس العرب برنس العرب
وين تنصحوني اروح فيه بالبحرين
31-10-2014 - 09:35 pm

السلام عليكم

انا اول مره اطلع من السعوديه

ان شاء الله في العيد

وحاب اتنمشى كثير فيها

مدة 3 او 4 ايام

ما ابي اخلي شئ ابي كل الاماكن الحلوه ازورها


انا حدد حديقة دلمون المفقوده وستي سنتر والسينما و محمية العرين

وابي مجمعات غير ستي سنتر تكون حلوه وفيها سينما ووناسه

وانا من النوع الي يحب الفرفشه واللعب والمرح والتمشيات بالاسواق والوناسه


ياليت تعطوني اماكن ثانيه اقد اروح لها



وهل احتاج للجارمن او لا


انتظر ردودكم الكريمه

وشكرا





المشاركات

انت طيّب ؟! انت طيّب ؟!
وين تنصحوني اروح فيه بالبحرين


اهلاً اخوي ..

امممم طيب بقول لك ..

الاسواق : سيتي سنتـر كبير و روعه حق تمشي و تسوق و فيه مطاعم و مقاهي حلوه + السينما حقته حلوه و مريحه و قاعآته كثيره تعرض افلام واجد + فيه جوا السوق فوق عند المطاعم مدينة واآهوو المائيّه رووعه صراحه مدينة مائيه مسكّره و فيها العاب مائيه حلوه زحلايق و كذا و تذكرة الدخول للكبير الظاهر 9 دنانير .

السيف : غني عن التعريف .. فيه محلات حلوه و مطاعم و سينما و قهاوي و جمبه برى في مطاعم حلوه + مجمع العالي جمبه برضو حلو .

الدآنـه : المجمع عادي و كله هنـود و اجانب بس ميزته السينمآ شركه ثانيه و تعرض افلام مختلفه عن السيف و السيتي سنتر روحوا له مره و شوفوا الافلام .

البحرين جيان : قبال السيف موجود بالجهه المقابله للهاي وي سوبر ماركت جيـآن ماخذ الجزء الاكبر من السوق بس مافيه سينما .




برضو عندك جنة دلمون المفقوده ملاهي مائيه حلوه + منتزه عـذآري حق تمشي و فيه العاب برضو حلوه للكبار يعني و للصغار بعد بس روحوا له بـ يوم الجو حلو + منطقة العدليّه فيها مطاعم و كافيهات حلوه اسألوا عنه شارع العدليه اللي فيه المطاعم .


و بسس

موفقين


برنس العرب برنس العرب
وين تنصحوني اروح فيه بالبحرين


تسلــم حبيبي على ردك العطر

ياليت الي يعرف امكان الجيت بوت الدبابات المائيه وين يدلنا عليها


#######


واي شئ ثاني ياليت تقولن لي

لاني ما اعرف شئ في البحرين

ودمتم


Bu.Rashid Bu.Rashid
وين تنصحوني اروح فيه بالبحرين


مرحبا أخوي ..
تقدر تروح جزر حوار .. هناك فيه دبابات مائية ودبابات رملية وفيه قوارب التجديف وبركتين سباحة وغيرها من الترفية ..
المساج والسونا أنصح أنك تروح أماكن معروفة بعيدة عن الشبهات ..
وأفضل الأماكن للسونا والمساج في فندق الرتز كرلتون وفندق إليت سبا ..

وفي البحرين الأماكن التراثية مثل متحف البحرين الوطني يفتح ثاني وثالث العيد من الساعة 8 صباحاً وحتى 8 مساءاً ..

وفي منتزة عين عذاري ( ملاهي ) ..

وفي الأسواق الشعبية مثل سوق المحرق وسوق المنامة ..

وفي الحدائق المائية (جنة دلمون المفقودة) في الصخير و (واهووو) في مجمع الستي سنتر ..

وفي منطقة شارع الشيراوي في العدلية .. يوجد فيه أجمل وأحلى الكوفي شوبات والمطاعم الراقية .. شارع جميل جداً ..

المجمعات التجارية : مجمع الستي سنتر ـ مجمع السيف ـ مجمع العالي ـ مجمع البحرين ـ مجمع الدانة ـ مجمع مودا مول ـ (مجمع اللؤلؤ + مجمع المارينا) للتسوق الملابس ..

وفي منتجع البندر تقدر تأجر شاليه على البحر وفيه بركه سباحة وكل وسائل الترفية ..

#######
وفي أماكن كثيره في البحرين .. وحياك الله في البحرين ..







تم التعديل من قبل الادارة


برنس العرب برنس العرب
وين تنصحوني اروح فيه بالبحرين


تسلم اخوي

واذا فيه اي شئ ثاني يا ليت تذكروه لي

ودمتم


برنس العرب برنس العرب
وين تنصحوني اروح فيه بالبحرين


#######


الرجاء عدم طرح مثل هذه الاستفسارات


#######





وياليت كم سعر الصرف الريال كم يسوى دينار

ياليت تردون علي بسرعه

وشكرا


Discover Bahrain Discover Bahrain
وين تنصحوني اروح فيه بالبحرين


10 ريال سعودي = 1 دينار بحريني.


ويا هلا فيكم أخوي بين أهلكم.


violetq8 violetq8
وين تنصحوني اروح فيه بالبحرين


شوووف اخوووي ( رحلتي الي البحرين )
انا رحت الي حلبة سباااق الفورملة 1
و اماكن اخرى



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

وين تنصحوني اروح فيه بالبحرين