من ناحيه العباءه مافيها مشكله بس تلفت النظر كثير ..
انا زوجتي لبست شيء مدري وشو بس متغطيه ولاهوب اسود ..
لأن اول يوم اكلونا الناس بعيونهم وصرنا ملفتين للنظر ..
من ناحيه التكلفه مدري والله بس التاكسي غاليه والديره غاليه شوي ..كم بتجلسون انتم ؟؟
الفنادق اسعارها تتراوح مابين 600 الى 1000 ريال تقريبا .. طبعا فنادق حلوه وفخمه ..
افضل منطقه سكنيه مركز المدينه او الشارع الحيوي اللي هو اورشارد ..
جزيره سانتوسا عليها رسوم دخول بس ماتذكر ممكن 3 دولارات مثل ماقلتي .. وتستاهل الزياره ..
الشاطيء حلو عندهم .. عندهم شاطيء شرقي وغربي او شمالي وجونبي ماتذكر بس حلوه ..
فيه الحديقه على البحر حلوه مره الجلسه فيها خوذوا عزبتكم معكم وروحوا لها .. قريبه من المطار هي ..
المولات كثيره عندهم ..
طبعا ماتسوى تطولون فيها الديره .. لو معي سيارتي وعادي عندهم السواقه بدون مااربط الحزام فريتها بيوم (المشكله بالحزام خ )
فيه منطقه كلاركي اللي عند النهر .. حلوه وتستاهل الزياره بس اخر الليل سكارى وبارات وصجه ..
والله يوفقكم وترجعون سالمين

الامان .. سنغافورا امنه
العبايه مافيها مشكلة
سنتوزا 3 دولار للدخول فقط .. لكن كل نشاط هناك له رسومه الخاصه
السكن في سنتوزا مش ضروري ابدا .. تبعد 15 دقيقة فقط من وسط البلد .. وهي متصله مع مجمع فيفوسيتي بالمنوريل
المدينه الثلجيه متواضعه
الطبيعه مش كثيرة لانها مدينه
اتمنى اكون افدتك

الله يجزاكم خير معلوماتكم أفادتني
من ناحيه التكلفه مدري والله بس التاكسي غاليه والديره غاليه شوي ..كم بتجلسون انتم ؟؟
الله يعطيك العافية ..
المدة 5 أيام فقط
أنا مافكرت بالتاكسي لأنها غالية مثل ماقلت
ممكن ناخذ سواق
أو بالمترو !!
وش تنصحوني !!
أخوي | ترحال
|شكرًا لك
مافيه مدينة ألعاب أو ملاهي حلوة !!
ممكن ترشحون لي فنادق للسكن لا تتجاوز 1000 !!

مرحبا اخوي gentle771 انا بعطيك معلومات عن سنغافورة - بصراحة البلدة تينن وايد نظيفة وعيالي حبوها بخوصو النقاب عادي مو مثل العرب كل شئ يطالعون - انصحك انك تسكن بفندق( هوليدي ان اوتوم ) انا سكنت فيه راقي وتعاملهم حلو ونظيف وايد وسعرة بالضبط الليلة 37 دينار كويتي تقريبا عندكم بالريال يمكن 400 ريال لا يطوفك الفندق قريب من شارع الاورشاد روح مشي 5 دقائق انت بشارع الاورشاد - في وحدة بالفندق اسمها (فيكي) تهبل عيالي وايد حبوها تساعدك وتعمل لك جدول وتعطيك سواق علشان ياخونك كل مكان السواق مسلمين واحد اسمة حسين واحد اسمة عمر تحصل الارقام عند( فيكي) - جزيرة سانتوزا خيالية لا تطوفك تاخذ منك يوم كامل انت بس توصل الجزيرة لاتحاتي كل شئ فيها عندهم عروض الدلافين بعدين داخل الجزيرة اتجة الى العالم تحت الماء وبعدين روح عروض النافورة الراقصة واللالعاب النارية شيئ عجيب خيالي عيالي وايد استانسو - ثاني يوم روح النايت سفاري ياللة روعة عندهم عروض الزنوج وعندهم حديقة الحيوانات تتمشى فيها بالقطار الصغير بس ممنوع التصوير بالفلاش علشان الحيوانات لا تهجم انت بس ادخل النايت سفاري كل شئ تشوف - على فكرة لا تحاتي انت بس ادخل النايت سفاري وتشوف كل شئ وحسين وعمر ما راح يقصرون معاك - وثالث يوم اطلع الى حديقة الطيور روعة روعة وطبعا كل هالاماكن مع حسين او عمر لا تحاتي وانصحك تروح لسنغافورة بس انبهك بخصوص مطعم هارديز اكلهم مو حلالالالالالالالالالالالالال انتبه - اوروسم الدخول رخيص كل شئ عند فيكي هي راح تقولك - اخوي اي شئ محتاج انا حاضر افيدك بأي شي - اختك من الكويت

نسيت اقولكم اتمنى لكم رحلة سعيدة - لا تخاف ترا مو وايد غالية انا زوجي يوم بغينا نسافر وايد خوفونا انها غالية بس واللة سعرها مثل الخليج توكل على اللة - واذا قالوا لك غير وجهتك روح ماليزيا حرام مافي مقارنة سنغافورة عن ماليزيا_ سنغافورة احل وارقى توكل على اللة ومصروفكم وايد زين ويمكن يزيد- الرحلات ضبط عند فيكي ضبط لنا 4رحلات وكان عددنا 6/ 3 كبار 3 صغار اخذت من عندنا 170 دينار كويتي طبعا السعر مع السائق يوصلنا ويردنا الى باب الفنق هذا طلع علينا كلة 170 دينار السعر حلو 4 ايام وكل شئ عليهم التذاكر والخول احنا بس علينا الاكل - اللة معاكم

مرحبا هل سنغافورة تطلب فيزا عالسعوديين ولا زالت وهل هي ممكنه عبر المطار

اهلا اخوي - بخصوص الفيزا انا اعرف ان سنغافورة تطلب فيزا من جميع دول الخليج باستثناء الكويت بالتعاون مع البلدين تم الغاء الفيزا للمواطن الكويتي - بس انت تأكد احسن ولك تحياتي وللجميع

انا توني ياي من سنغافوره
انصحك باليونيفرسال ستوديو ملاهي كبيرة للكبار وللصغار في نفس الوقت
بس مشكلتها انك لازم تحجز اول ماتوصل
لان راحت علينا بسبب انه كان اليوم اللي رحنا واللي بعده كل فل ماحصلنا حجز
رحنا النايت سفاري حلوه عروض وحيوانات
شارع الاورشارد من اكثر الشوارع حيوية .. وفيه عادي تكون الوحده لابسه نقاب .. لان الاغلب في شارع الاورشارد عرب
لكن اذا بتطلع منه شوي الناس تطالعك باستغراب
احنا سكنا في منطقة الكلاركي كوي المدينه حلوة بس لاتروحها في الليل .. لانه بجانبها نهر تمر فيه عباره تركب عليها 15 دولار .. في الليل تجنب الروحه لها بسبب السكارى في الشوارع
رحنا سنتوزا كل برنامج تقوم فيه له سعر واعتقد فيه باكج تختار 3 برامج بسعر معين نسيت والله كم
اتمنى اكون افدتك

مشكورين وماقصرتوا على هالمعلومات الحلوه