نشر في الصين

الاخوه والاخوات ماهي افضل طريقه لحمل النقود

مهند_55

20-07-2022 - 01:02 pm

انا طالع باذن الله للتأثيث وسوف اشحن الاثاث واشرف على شحنه
ومظطر لحمل كامل المبلغ فماهي افضل واسلم طريقه مجربه
شاكراً للجميع

التعليقات (9)

عاشق سدير

20-07-2022 - 04:27 pm

هلا اخوي
بالنسبة لي أنا كنت شايل معي 20 الف دولار كاش
وكنت اخذهم معي بس بعدين صرت احطهم في السفتي بوكس اللي في الفندق
تروح وترجع بالسلامة

الديرمه

20-07-2022 - 05:28 pm

اذا كان مبلغ الكاش يهمك في حمله عليك باليورو ،
اقل عدد ورق ، لكن خذ في الاعتبار تقلب العملة .

مهند_55

20-07-2022 - 06:29 pm

نعم كاش والمشكله اني رايح ادخل اكثر من دوله

اسيرالدوحه

20-07-2022 - 07:30 pm

السلام عليكم ..
انا انصحك تتعامل مع مكتب محترم ..
المكتب يوفر لك مترجم .. ويكون بينك وبين المحلات ...
وهو اللي سيتولى تسلم الاثاث ... والاشراف على شحنه ..
مسألة انك تشرف عالشحن صعبة شوي ...
والسبب ... انه الاثاث عادة ياخذ وقت فالتصنيع ...
يعني فوق مدة مكوثك فالصين .... تحتاج من اسبوعين الى شهر ...
فإذا كانت مسألة الاقامة والمكوث فترى طويلة ما فيها اشكال عندك ...
توكل عالله ....
بس انا من رأيي انك تشوف مكتب محترم ... تثق فيه ...
يتولى هذي الامور عنك ...
بالتوفيق اخوي ..

*عبير*

20-07-2022 - 08:31 pm

مهند_55
ماستر كارد !

عاشق سدير

20-07-2022 - 09:32 pm

اخوي مهند
اتفق مع اخوي اسير الدوحة احسن شئ تتفق مع مكتب ممتاز
انا قبل شهر كنت هناك وتعاملت مع مكتب وفر لي مترجم وضبط اموري
اذا بغيت المكتب ابشر اعطيك كرته وتكلمهم

مهند_55

20-07-2022 - 10:33 pm

عاشق سدير
اهلا بلديتنا على قوله الاخوه المصريين
يا ليت من يجلس معك وياخذ علومك
انا فاضي الي رمضان ان كان الشحن ما يطول ما عندي مشكله او مثل ما تفضلتو اخلي المكتب يتولى الشحن
بس مشكلتي في الفلوس محتار كيف اخذها

ibrahim_k

20-07-2022 - 11:34 pm

لا اعلم ان كانت انظمه الصين تسمح لفتح حساب بنكي بالعمله الاجنبيه ... ان كانت تسمح فاني اقترح ان تفتح حساب بنكي بالدولار و تأخذ شيكات معك و بعد الانتهاء تقوم بقفل الحساب و استرداد المال المتبقي .

اسيرالدوحه

21-07-2022 - 12:35 am

مهند_55
السلام عليكم ...
حبيت اذكر لك نقطة أخرى اخوي ...
عادة الفيزا تمنحك المكوث فالصين .. 30 يوم ...
بعدها لازم تطلع من الصين ...
اذا كان مكوثك فالصين سيكون اكثر من 30 يوم ... (وهذا هو المتوقع .. اذا كنت ناوي تشرف عالشحن بنفسك)
انصحك تاخذ فيزا متعددة .... او على الاقل فيزا لسفرتين ..
النقطة الأخرى ...
انت تحتاج الى المكتب ... حيث أن المكتب سيتولى استلام اثاثك ...
واحتمال كبير ... يكون تسليم الاثاث ... في اكثر من مكان ...
المكتب ... راح يجمع الاثاث كله في مكان ... او ان استدعى الامر ياخذ الكونتينر الى موقع التسليم ....
وكذلك اوراق تخليص الشحن ... والاتفاق مع شركة الشحن ... وشهادة المصدر ...
اشياء كثيرة يقوم بها المكتب ... عادة مقابل 5% ....
الا اذا انت ناوي تتعامل مع مكتب ... وناوي بس تكون موجود وقت الشحن ...
هذا شي ثاني ...
فكرة حلوة ... لكن فكر بتكلفة السكن ... والمواصلات ... والاكل والشرب ...
اذا ناوي تتعامل مع مكتب ... عليك بحمل جزء من المبلغ ... 30% .....
والباقي ترسله للمكتب الى حسابه ... عن طريق جوالة بنكية ...
طبعا قبل السفر .. تكون مرتب نفسك ..
بحيث توصي أحد اخوانك (او شخص تثق فيه) انه يرسل المبلغ لك فالصين ...
الوقت اللي تطلبه منه ...
بالتوفيق اخوي

الصين المسافرون العرب

الاخوه والاخوات ماهي افضل طريقه لحمل النقود