أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
شكلك الك تجارب قديمة في صويلح وحاببها ، المهم والله مش متأكد بس اتوقع مخبز الطابون الي في اول صويلح عند جسر المشاة سكر، بس في واحد في اخر صويلح بعمل خبز طابون ، يعني وبما انو شكلك بتعرف صويلح بدك تمشي في السوق كأنك رايح على السلط وقبل اخر الشارع ظلك اطلع على اليمين بتلاقي او أسال الناس بدلوك. في مخبز طابون مرتب اسمو مخبز قصر خلد وبعمل مناقيش طابون وفي واحد ثاني قبلو كمان وعشان ادلك عليهم احكيلي اذا بتعرف اشارات البشيتي اذا بتعرفهم بدلك اسهل. اذا ما بتعرف البشيتي ، امشي في شارع الجاردنز كأنك رايح على خلدا وعلى حدائق الحسين اول مخبز طابون بتلاقي عند اول جسر مشاة بعد دوار اليوبيل جسر مشاة ازرق ، اما مخبز قصر خلدا بتظلك ماشي دغري حتى تشوف على يمينك البنك العربي وبتجيك اشارة مباشرة بعد الاشارة على اليمين بتلاقي زحمة هذا مخبز قصر خلدا. مطاعم صويلح ان خليت بليت ، في مطعم نواعير الشام جنب البنك العربي اول سوق صويلح ، وفي مطعم الكلحة في اول صويلح بعد اشارات الدوريات وفي كثير مطاعم ثانية وفي واحد بعد الكلحة اسمو امين زاكي ونظيف. عموما اذا بدك تنوع اكبر في المطاعم روح على شارع الجامعة -البوابة الشمالية راح تلاقي مطعم بالهبل- سفيين- والضيعة- وملك الطاووق- وفي مطعم مندي ومظبي قرب شهرزاد كوفي شوب. وموفق
وعليكم السلام ورحمة الله وبركاته
الفاضل advocatez ما قصر ماشاء الله , انا بمر يومي من
صويلح بإتجاه دابوق ومش حافظ المطاعم مثله
advocatez هل تقصد باشارة البشيتي اشارة الصناعية اللي قبل إلبا هاوس ؟
بالتوفيق
advocatez
بارك الله فيك .
صويلح جميله واسواقها حلوه .
نعم اقصد مخبز خبز الطابون اللي اخر صويلح على اليمين باتجاه السلط .
وكان ايضا بعد جسر صويلح باتجاه السلط :
مطعم وحلويات النسيم , ومطعم وحلويات الشرق .
يعني بشارع الجاردنز يوجد مخبز طابون ؟
واي الشوارع تنصح بالتجوّل بها والتسوّق والاكل :
شارع الجاردنز , ام شارع مكه ام شارع المدينه ؟
وهل شارع الامير محمد ايضا جيد للتجوال فيه ؟
وهل هو بعيد عن وسط البلد مشيا على الاقدام ؟
حياك الله في بوابة الاردن
ماشاء الله مقاصر خبيرنا advocatez
والشوارع الذي ذكرتها جميعا تصلح للتجول ولكل شارع مطاعم تميزه
مثلا شارع مكة به مطاعم اجنبية
شارع المدينة به مطاعم مثل قصر الضيافة - بيتزا الريف - شاوما غزال وغيرها من المطاعم ومحلات العصيرات ولا تنسى ريم البوادي مقابل عمان مول
شارع الجاردنز به مطعم الطازج - مطعم عبود - الكلحة - جبري - ارض الديار
ولاتنسى ايضا قصر الغابة المتخصص بالقدرة الخليلية
فكل شارع مميزات
لك تحياتي
database
هلا اخ داتا بيس
صويلح انا بحبها اي نعم ازمة بس بحبها زمان كانت اروق .
اشارات البشيتي مش قصدي البشيتي الكبير الي في شارع المدينة الطبية-صويلح ، لأ قصدي البشيتي الصغير الي في شارع الجاردنز بتعرف الشارع الي بوديك من شارع الجاردنز لمنطقة صويلح الصناعية مش في اشارات هناك ،هذول بسموهم اشارات البشيتي وبتلاقي محل البشيتي هناك في العمارة الي جاية على الكورنر.
انا افهمت قصدك انتا بتحكي عن البشيتي الكبير الي قبل الكازية على اليمين وانتا رايح لصويلح من خلدا.
هسا شوف الي في صويلح الي قبل ما توصل الدوار سكر هذا المخبز، ومادامك بتعرف النسيم بتظلك ماشي من بعدهم وماشي مشي بتكزدر وبتتسلي واذا معاك سيارة ظلك ماشي واطلع على اليمين بيجيك المخبز بعد الاحوال المدنية القديمة.
وانا بنصحك كزدر وواتسلي بتلاقي كثير محلات تستمتع في الفرجة عليها
زي ما حكا اخونا الشمالي كل الشوارع ممكن تمشي فيها بس نوعا ما شارع مكة بالسيارة ممكن تمشي في مش مشي على رجليك ،اولا لانو كبير وثانيا اغلبو مكاتب وما في محلات مباشرة على الشارع ، واذا حابب ممكن تروح على مجمع جبر في شارع مكة مجمع حلو ورايق ، وفي ورا مطاعم كثيرة منها الريم والكرم والغزال وفي مطعم هاشم . فبس اذا بتدور على ملابس لا تشتري من الجاردنز شوي اسعارو غالية ،شارع الامير محمد قريب على وسط البلد بس انصحك روحو بالسيارة واذا عجبك اشي ممكن تصف وتنزل ، اتمشى بوسط البلد كلها قدامك ، طبعا في باركنغ بفلوس واحسنلك وائمنلك من المخالفة. في باركنغ الفحيص بكون على يمينك او ما تنزل من بعد جسر المحكمة، وفي باركينغ الشابسوغ بكون شوي لجوا بدك تمشي كأنك رايح للبنك العربي وخليك على الشمال ، الشارع لحالو بوخذك وبكون مكتوب ومبين عمارة كبيرة وعملاقة صف فيها، الفحيص اوسع باركنو واشرح ، بس الشابسوغ اقرب لوسط البلد
يا اخي ذكريات الدراسه والسكن في صويلح ... تكاد لاتنسى .
اقصد السفر بالسفريات العامه او التاكسي الاصفر ,
بماذا تنصحون للعائله ؟
هل اخذ تاكسي سبيشل افضل ؟ ام كيف ؟
بارك الله فيكم وما قصّرتو .
qwert123
شكلك الك تجارب قديمة في صويلح وحاببها ، المهم والله مش متأكد بس اتوقع مخبز الطابون الي في اول صويلح عند جسر المشاة سكر، بس في واحد في اخر صويلح بعمل خبز طابون ، يعني وبما انو شكلك بتعرف صويلح بدك تمشي في السوق كأنك رايح على السلط وقبل اخر الشارع ظلك اطلع على اليمين بتلاقي او أسال الناس بدلوك.في مخبز طابون مرتب اسمو مخبز قصر خلد وبعمل مناقيش طابون وفي واحد ثاني قبلو كمان وعشان ادلك عليهم احكيلي اذا بتعرف اشارات البشيتي اذا بتعرفهم بدلك اسهل.
اذا ما بتعرف البشيتي ، امشي في شارع الجاردنز كأنك رايح على خلدا وعلى حدائق الحسين اول مخبز طابون بتلاقي عند اول جسر مشاة بعد دوار اليوبيل جسر مشاة ازرق ، اما مخبز قصر خلدا بتظلك ماشي دغري حتى تشوف على يمينك البنك العربي وبتجيك اشارة مباشرة بعد الاشارة على اليمين بتلاقي زحمة هذا مخبز قصر خلدا.
مطاعم صويلح ان خليت بليت ، في مطعم نواعير الشام جنب البنك العربي اول سوق صويلح ، وفي مطعم الكلحة في اول صويلح بعد اشارات الدوريات وفي كثير مطاعم ثانية وفي واحد بعد الكلحة اسمو امين زاكي ونظيف.
عموما اذا بدك تنوع اكبر في المطاعم روح على شارع الجامعة -البوابة الشمالية راح تلاقي مطعم بالهبل- سفيين- والضيعة- وملك الطاووق- وفي مطعم مندي ومظبي قرب شهرزاد كوفي شوب.
وموفق