1. السلام عليكم ورحمة الله وبركاته

السلام عليكم ورحمة الله وبركاته

في طريقي اليوم الجمعه بعد صلاة الظهر وأنا رايحه لمكه مول شفت منظر جميل وكان لي فيه حديث بالسابق مع الاخ استبرق ونمارق , ولما شفت المنظر قررت اصوره وارسله تأكيدا على كلام استبرق ونمارق وهو في موضوع (بالاردن ليس هناك مايبهج ) كتب رد استبرق ونمارق عن الغنمه والخروف وانا قلت له اتمنى اشوفهم من اجل ابني لانه يحب الخرفان وتبهجه كثيرا رؤيتهم ..
وفعلا لما شفناهم صار ولدي يظحك كثير وقلت للسواق وقف اذا سمحت عشان اخلي ولدي يشوفهم زين ويوسع صدره , ونزلنا والجو كان اليوم جدا جميل ومغيم وبدون امطار فكان من السهل التصوير ..
المهم نزلنا وصار حديث بيني وبين الراعي .. واترككم مع الصور الان ..
بالبدايه لما مريت على الخرفان وقلت للسواق يرجع صادف ان الخرفان قطعت الشارع للجهه المقابله وصورتهم من بعيد

بعد كذا أشر لنا الراعي وقال تعالوا لانه فهم اني ابي اصور وذهبنا له

طبعا صارت الميانه وولدي ركض بين الخرفان وصورنا بشكل اقرب وجو هالخروفين الصغار علينا

لزم الراعي اني اخذ وحده منهم ورفضت وقال هذه هديه عشان الولد ولزم كثير وشالها عشان يركبها السياره لين قلت له والله مالها مكان عندي لاني بشقه صغيره , ويبدوا انه راعي الحلال والا كان مالزم .. ( وهذا اصول الكرم الاردني الاصيل ) طبعا اعتذرت عن اخذها بس استأذنت منه اني اصوره فا قبل ..

وبالنهايه ودعناهم ومشينا لمكه مول ( وبصراحه ولدي انبسط مع الخرفان اكثر من ملاهي المول )

وهذه صوره للشارع من الاتجاه الاخر , بصراحه اعجبني انه بين البيوت مناطق خضراء وفيها الاشجار والاعشاب

وكذلك الاخ استبرق ونمارق قال جمله توني افهم معناها
(ترى الأردن فيها ظاهرة غريبة تصحي الصباح على صوتين أما على صوت موسيقة سيارة الغاز التي لا تكل ولاتمل
أو على صوت بياع الخضار أو العفش وهو يصوت -----بتشترو غصب)
وفعلا اول ماسمعت صوت الموسيقه توقعته سيارة الايسكريم للاطفال لان الموسيقى كنها نغمة اطفال لا تمت للغاز بصله ولما طليت مع الشباك كانت سيارة الغاز ههه
وكذلك الخضار اول ماسمعته يصوت على بالي فيه هوشه وعلى طول طليت بشوف وش السالفه ولقيته خضار ( بس بصراحه نفعنا كثير لاني صرت اشتري منه وارتاح من الطلعه )
وهذه صوره للشارع قدام الشقق

وهذه صورة سيارة الخضار

وانشاءلله ما أكون مللتكم بكثر حديثي بس حبيت اعطيكم فكره ..
تحياتي لكم .. اختكم : ريم ...