(1) ما هي خطوط الطيران المباشرة غير اندونيسيا عن طريق سنغافورة ؟
هل احجزها من هنا السعودية عن طريق المكتب

حياك الله ياخوي ،
أعطيك العلم من واقع تجربة مالها الا شهرين او ثلاثة ،
خل حجزك الى جاكرتا مباشرة ، واقعد في اندونيسيا 9 ايام ، في اليوم العاشر اطلع على طيران lion air وسعر التذكرة 140 دولار ، وتراها أرخص شيء أختصر لك جهد كبير ، وما تقدر تقص التذكرة عن طريق موقعم لانه فيه مشكلة ، فما عليك الا اذا وصلت مطار جاكرتا على كونترهم وقصها، بعدين اليوم العاشر على سنغافورة وتكفيها 3 أيام ، واليوم الاخير ارجع وعلى مطار جاكرتا ترانزيت ، واذا الوقت طويل عندك فندق المطار ( كواليتي هوتيل ) وهذا رقمه 0062215590008 احجز ليلتك وبس ،
نصيحتي خل سنغافورة الاخيرة لان البلد راقي جدا مقارنة باندونيسيا ولكنه لا يستحق الا 3 ايام بالكثير ،
طبعا مدة الرحلة من مطار سوكارنو الى مطار سنغافورة ساعة واحدة فقط ،
الفنادق الراقية في سنغافورة والمميزة جدا جدا 3 فنادق ، وهي بان باسيفيك ، مارينا مندرين ، مارينا اورينتال ، انا جربت مارينا مندرين وهو راقي جدا ، وتوجد فنادق راقية لكن مواقها ليس بالمميز ،
المعيشة غالية لكن ليست مثل طوكيو ، ولا لندن ، يعني معقولة ،
التكاسي شوي نار ، لكن المدة هي عزاءك لانها شوية ،
سنغافورة رمز النظافة
تحياتي

خل طيرانك من الرياض ان كنت من سكانها عن طريق الخطوط السعودية او الجارودا ، وكلهم مجربهم ، لان الخط مباشر دون توقف ، خلك من الاماراتية او الاتحاد ، لان الانتظار ممل جدا ،
طبعا مع الاخذ بالاعتبار الاسعار

الميكادو
ياحبيبي خلك معاي لا تروح
لان ابي احجز بعد الظهر انا من المدينة المنورة
سؤالي الاول :
ليش يكون الذهاب من الرياض الى جكرتا ، وثم سنغافورة الرياض
نتظرا ردك بسرعه

انا افكر اجلس في العاصمة 3 اايام
والجزيرة 3 اياام ( سنتوسا )
و 8 ايام بااندونيسيا

لازم يكون خطك واحد ، يعني ( الرياض - جاكرتا - الرياض ) ، عشان اوفر بالتذكرة ،
لو كان ( الرياض - جاكرتا ) حتكون تذكرة خط واحد ، ( سنغافورة - الرياض ) خط واحد ، وبالتالي تكون التذكرة غالية ،
لكن ركز معي حبتين وابي احسبها لك تقريبا :
الطريقة الاولى الرياض - جاكرتا - الرياض ) مثلا قيمة التذكرة 3000 ريال عندك زيادة عودة من سنغافورة وحتكون 525 ريال اجمالي 3525 ريال.
الطريقة الثانية :
الرياض - جاكرتا ) 1500 ريال ، سنغافورة - الرياض 2300 ريال فيكون الاجمالي 3800 ريال ،
أنت اضبطها بهالشكل ، يعني اذا الفرق 500 - 1000 ريال ، فخل الرجعة من سنغافورة ، واذا الفرق كبير خل خطك واحد ،
انا بعد التجربة حتى لو الفرق 1500 ريال ، ارجع من سنغافورة اريح لان الرجعة جاكرتا هلاك ، تختيم دخول + ضريبة الدخول - فيزا - + عفش نقلة للفندق صح انه داخل المطار يعني ما تشوف الشمس ، لكن غثا ،،
تحياتي ونحن في الخدمة

العاصمة يومين كافي جدا ،
جزيرة سنتوسا يوم كامل يكفي ،
ترى الدولة مهب صغيرة الا صغيرة جدا ، وما فيها شيء كثير ، لكن زيارتها حلوة لانها متطورة ،
عند عودتك من سنتوسا الى داخل البلد لا ترجع بالتكاسي ولا الباصات ، جرب المترو ، لان كثير من الناس لا يعرف عنه شيء ، ويظن الدولة ما فيها ن وهو متطو جدا ،
لك مودتي

الميكادو
ياليت تشرحلي النقطة الاخيرة
يعني اروح لسنغافورة وارجع الى جكرتا مرة ثانية ،، وبكم سعر التذكره يكون .. وماهي الخطوط ..

الميكادو
انت ممتاز يعني 4 ايام ، يومين سنغافورة ويومين الجزيرة لاني احب الجزيرة مرة