حياك الله اخوي واتمنى لك التوفيق في حياتك القادمه...جمع الله بينكما بخير
بصراحه انا ودي اسافر اذا تزوجت شهر العسل للنمسا وتقريبا بيكون شهر 2 او 3/2009
ولا ادري اذا كان هالوقت والجو مناسب للنمسا والا لا
و الله ياغالي شهر فبراوري وشهر مارس وشهر جانوراي اشد اشهر السنه بروده في اوروبا ولو قدرت تاجل زواجك شهرين وتخليه في شهر مايو او شهر جون او شهر جولاي يكون افضل شيء عشان تستمتع با النمسا
تقريبا بتكون 20 يوم ودي منكم تعطوني جدول رومنسي وراقي في هالكم يوم
0يوم كثيره شوي على النمسا ليه ماتضيف لها دوله ثانيه وتضرب عصفورين بحجر تروح قمم جبال الالب بين سويسرا و النمسا
فينا 4 ليالي
زيلامسي 5 ليالي
انترلاكن 6 ليالي
لوزيرن ليلتين
جنيف ثلاث ليالي
المخطط هذا في نظري الاروع ولك حرية الخيار وطبعا انتظر راي بقية الاعضاء و الخبراء

• كم احتاج للسفره من مبلغ تقريبي

شوف المصروف يختلف من شخص الى اخر من ناحية السكن ونوعيته خصوصا انك شهر عسل ومن ناحية التمشيات و من ناحية المواصلات و التنقلات
وجهة نظر شخصيه 20 ليله شهر عسل وانت مبسوط وفنادق اربع نجوم الى خمس نجوم من 40 الف الى 45 الف تزيد او تنقص قليلا على حسب الشخص

• من ابتدي وين انتهي

لو عجبك جدولي تبتدي بفينا وتنتهي في جنيف (زيورخ) اي مدينة تختار...الاماراتية تطير من زيورخ و القطرية من جنيف

• كل مدينه كم يوم يصلح المبيت فيها

فينا 4 ليالي
زيلامسي 5 ليالي
انترلاكن 6 ليالي
لوزيرن ليلتين
جنيف ثلاث ليالي

• * وجهة نظر شخصيه
• وش احسن واوفر يكون الحجز عن طريق مكتب سياحي وقروبات والا عن طريق النت

سو مقارنة بين اربع او خمس مكاتب سفريات وشف اسعارهم وشيك على النت على المواقع العالمية المشهوره واختر الانسب و الافضل

• احسن خطوط الطيران

الاماراتية و القطرية و الاتحاد (ماتنزل فينا) و الاردنية

• الطريقه السهله والمريحه في التنقلات وسعرها معقول

فيه طريقتين اما القطارات وهذي الاغلبية يسونها ولو انت حاب تستاجر سياره برضو خيار رائع وفيه حرية شخصيه منقطعة النظير

• طبعا اللغه عندي مكسره حدها يعني ينفع والا لا

اهم شي يكون عندك المصطلحات الرئيسيه اللي تمشيك في المطار و الفنادق و المطاعم و التمشيات هذا راس المال ونص اللي راحو اوروبا زي انجليزيتك اذا مو اردى منها...يعني وسع صدرك تراك منتب اشين غيرك
اذا ان شاء الله قررت البرنامج النهائي بنبدأ نقترح عليك الفنادق الافضل في كل مدينة و نصائح كثيره قبل السفر بعد ماتقرر باذن الله
موفق ياعريس