شكرا الغالي ولاتنسانا من الصور ، شو اخبار كابرون شو اليديد اخوك ساكن فيها السنه اللي طافت الصراحه روعه ما اوصيك على المطعم اللي جدام شقق توني حلال وشي طيب والجلسه فيه روعه سلملي على كل شجره وكل ورده وقولهم هيمان يستسمح منكم هذه السنه تحياتي لك يابوسعيد

روعه الجو
تسلم على المقطع

كورنيش
العفو ياهيمان...
والله كابرون ما عليها كلام أحلى وأهدئ منطقه سافرتها في حياتي... ولا توصي حريص مريت على اغلب مطاعم كابرون بصراحه احلى من مطاعم زيلامسي الي زحمتها تغث .. بصراحه اللي عنده سياره يسكن في كابرون يسدك الراحه والانشراح اللي في الشقق احسن بألف مره من الفنادق الضيجه .. وعلوم كابرون انه الخليجين ما شاء الله لهم السياده والعباه السوداء شيء أكثر من عادي.. حتى اخوك نزل كم مره بالجلابيه.. انا اظني بعد كم سنه بنسير كابرون وزيلامسي بكناديرنا...
مع السلامه

هاهاها يباله كنادير صوف وعصامه وجاكيت ،، الا بقولك ترا الفلم ماطلع خليته ايسوي داونلود ورقدت عنه ويوم نشيت ما يستوي وماشفت شي ياليتك اتنزله عن طريق معرض الفيديو اللي بالمنتدى بيتم طول المنتدى موجود ،، بوصيك على مكان روعه مال اتشل غداك وتبسط جريب النهر شوف جنك تبا اتسير الدرب اللي ايوديك وين محطات التلفريك اللي اتوديك للثلوج اول ماتطلع من كابرون وتدخل التقاطع الصغير اللي زيلامسي اتكون فيه على يمينك اطلع يسار واصعد على على شارع وبعدين بتيك مسطحات خضراء على ايدك اليمين المكان مال شوي وفيه شوية العاب يهال ونهر جاري غط اريولك فيه وادعيلي المكان جريب فرة حصاه عقولتنا ،، اموفق الغالي ولاتنسى الحميض هاهاها

جزاك الله خير وحفظك من كل شر مقطع رائع وجميل وروحي جدا
بارك الله فيك

هيمان سفر
هلا والله بهيمان...
لا توص حريص هالبحيره اللي تكلم عنها امس سايرنها اسمها klamsee>> صراحه مكان حلو وهادي ومافيه حشره واهم شيء وايد باركنات.. يبالي مره اييب العيوز ونفرش الحصير ونتغدى عدال هاك الماي البارد..
انا اليوم في ميونيخ امس كان اخر يوم في كابرون.. بس والله كابرون شيء غير...
المهم.. ولا يهمك هذا الرابط بيشتغل سرعه لأنه عاليوتيوب..
https://www.youtube.com/watch?v=4EPMUX16exk
إن شاء الله يعيبك..

اتاوي
العفو اخوي.. هذا واجبنا..
والله يعطيك العافيه

ياسلام صدق جو كابرون حلو خصوصا امس براد وامطار اما اليوم حر شوي
نحن ورا باجر بنروح ميونخ بشر شو جو ميونخ ربها هب حر؟