هلا بج عزيزتي ....
فندق قصر الريفير مش في منطقة السيف ... في منطقة تبعد عن منطقة السيف 15 دقيقة تقريبا ... وهي على الطريق إلى الرفاع ...
فإذا كنتي تبغين تكونين قريبة من السيف .. اسكني في ميركور هو الأقرب ... ومن بعده اليت سويتس .. اللي يبعد 5 دقايق عن السيف ..
وحياكم الله ...

هلا الغالية
شكرا وايد على ردج
انا ابي اكون قريبة من الرفاع لان شغلي بيكون بالرفاع
فهل موقعه زين والا بعيد عن الرفاع ؟
وشنو الاقرب للرفاع ؟

أختي قصر الرفيرا يقع في جنوب المنامة في منطقة اسمها ( السهلة ) على دقيقة ونص من منتزه عذاري ..
الرفاع منطقة سكنية ومنطقة سكن العائلة الحاكمة في البحرين = مافيها ولا فندق .. فندق ميركيور اللي اشارت له الاخت الغالية يقع في ضاحية السيف ولكن يطل على شارع الشيخ خليفة بن سلمان ( شارع سريع ) يصل مباشرة جنوباً إلى منطقة الرفاع يعني 15 الى 20 دقيقة وان شاء الله انتي بالرفاع ..
..

هلا بج أختي ... والله الاثنين قصر الريفيرا والميركو لهم مميزاتهم ... وقربهم من الرفاع يكاد يكون نفس الشي ... والطريق متوازي
من قصر الريفيرا إلى الرفاع .. الطريق سهل جدا ..3 دوارات وانتي في الرفاع ...و الوقت يعتمد عالزحمة بعض الأحيان ممكن يكون 10 - 15 دقيقة وممكن يكون أكثر ... لكن يعيبه ان ما في حوالينه أسواق ... وميزته انه قريب من منتزه عذاري .. إذا حبيتوا تروحون له ...
أما الميركور ... أبعد قليل ... لكن الميزات اللي فيه ... إنه قريب من السيف والعالي ومجمع البحرين ... وما بتتمللون أبد ... وبعد عشان تروحين الرفاع ... الشارع هاي وي ... يعني طريق سريع .. مثل ما تفضل أخوي بحريني غير ... 15 دقيقة إلى 20 ... وحسب الزحمة بعد ...

مشكورين وايد على ردودكم
مشكورة اختي وايد على ردج اللي فادني وايد
تسلمين يالغالية