بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



Ghaith97 Ghaith97
سنغــــــــافـــــــــوره 2005 ماليــــــــــــــــيزيـا
10-12-2014 - 08:51 pm


بسم الله الرحمن الرحيم

أولا أعرفكم عن نفسي أختكم بالله Ghaith97 عضويتي في هذا المنتدى قديمة حيث تم التسجيل في المنتدى بتاريخ 16 – 7 – 2005 ولم أشارك أي مشاركة نهائيا ومن خلال هذا التقرير سأبدأ أول مشاركاتي وأول تقاريري :106: حيث كنت وللأسف أكتفي بالاطلاع على التقارير بدون أي مشاركات :108:.


والآن سأبدأ تقريري المتواضع الذي تأخرت في عرضه عليكم حيث سافرت أنا وعدة أفراد من عائلتي بتاريخ
1 – 8 – 2005 الى سنغافوره ,,, ماليزيا ,,, ثم العوده الى ديرتي الغالية الكويت . وسأستخدم ان شاءالله لهجتي الكويتيه في طرح التقرير لكي استمتع وانا أكتب التقرير .

بس في مشكلة صغيره اني الحين وانا اتصفح الصور لقيت أغلب الصور احنا طالعين فيها فراح أحاول أقص الصور وأضبطها كثر ما أقدر.

استخدمت بالتصوير كامرتي المتواضعه الصغيره Olympus C350



(بلد جميل جداً ومنظم جدا)
سمعت عن من زار سنغافوره أنها أجمل بلاد العالم لكني ما أقتنعت بهذه الكلمات حيث اني وبصراحة ما ارتحت في هذا البلد وما أفكر أزوره مره ثانيه ,, يمكن يكون أول الأسباب درجة حرارة الجو لأن شهر أغسطس بالكويت الله يحفظها لا يوصف من الحرارة فكان ودي اروح ديره تكون شوي بارده وانصدمت مو بس بالحراره ,, كان الجو مزيج من الحراه و الرطوبه الشديده :105: للأسف .


أولاد حجزنا على طيران الامارات وبصراحة طيران عجيب مريح جدا جدا .



صعدنا الطياره وبدا مسلسل الرعب لأن أختكم تموت من الخوف من الطياره ,, ودي أكون مره بحياتي قويه ولكن للأسف ما أقدر بالعربي أخاف من الطياره ,, المهم ان انا واختي قعدنا يم بعض طارت الطياره والحمد الله وبدوا المضيفين يقدمون العصاير والأكل وكانت المضيفه واقفه عند الكرسي اللي احنا قاعدين عليه وماسكه علبة العصير وبتصبه للراكب اللي جدامنا ولسوء الحظ مرينا على مطب هوائي وتطير نقطه من العصير وتطب بعيني :112: حدي احتريت وانبطت جبدي والأسوء ان العصير كان عصير برتقال يعني يحرق وحرق عيني شويه بس الحمدالله عدت الأمور على خير .

وبعد تقريبا ساعه ونص وصلنا مطار دبي ... ولقينا مدهش بانتظارنا .




قعدنا فتره في مطار دبي وهالفتره القصيره ما خلت من الشراء طبعا بسكوت وكاكاو وبيبسي وبطاط لزوم الطريق:24:

المهم ردينا الطياره وواصلنا طريقنا الى سنغافوره .

وصلنا المطار وخلصنا اجراءاتنا ولقينا لوحة مكتوب عليها اسمنا ونقلنا الباص الى الفندق وهذي الصوره واحنا بطريقنا الى الفندق , وفي وايد صور بالباص بس احنا طالعين فيها :(





وسكنا بالشارع المشهور orchard road

في الفندق orchard parade hotel



الفندق عادي جدا بس موقعه حلو الشارع مليء بالمجمعات والمطاعم وتحت الفندق في قهوة Starbucks



وقهوة The coffee Bean اللي كنا نتريق فيها كل يوم .







قعدنا بالفندق وارتحنا وبالليل طلعنا تعشينا بمطعم هارد روك كافيه .




وطلعنا بعدها تمشينا وشريت التوست الملون المحشي بالايس كريم وايد كان لذيذ وتسوقنا وردينا الفندق علشان ننام ونستعد حق رحلتنا في اليوم الثاني الى جزيرة Sentosa .

والآن أتوقف وأراكم قريبا في جزيرة Sentosa .





المشاركات

WishfuL WishfuL
سنغــــــــافـــــــــوره 2005 ماليــــــــــــــــيزيـا



ياهلا ومرحبا فيج أختي العزيزة Ghaith97 ..

شلون قدرتي كل هالمدة من تاريخ اشتراكج لغاية اليوم تصبيرين ..

وتكتفين بالقراية من بعيد بدون المشاركة :114: ..

بس تبارك الرحمن عليج أول مشاركة لج تقرير :36_1_11: ..

عيني عليج بااااااااردة :109: ..



غريبة ما حبيتي سنغافورة ..



آنا مرة قريت استطلاع في مجلة عن أفضل 10 دول في العالم ..

وكانت سنغافورة بينهم ..



ماشاء الله الصور واايد حلوة ..

وبإذن الله متابعتج لغتية نهاية رحلتكم ..

وبانتظار رحلتكم لجزيرة Sentosa ..








Ghaith97 Ghaith97
سنغــــــــافـــــــــوره 2005 ماليــــــــــــــــيزيـا


الطريق الى جزيرة Sentosa

وقبل دخول الجزيره شفنا هذا المنظر واللي استغربت منه ان التلفريك أو الCable Car بوسط العمارات وهذي الصور ...






الوصول الى مدخل التلفريك ...
طبعا احنا بالصوره واحنا داخلين علشان جذي حاولت أغطي صورتنا , وراح تشوفون وايد صور بهالطريقه بس اهم شي انكم تشوفون المنظر العام للصوره :24:
















منظر من نهاية التلفريك ...




وفي طريق العوده الى البداية ...






الصعود الى البرج الدوار ...
وهذي الصوره من داخل البرج قبل الصعود ...


المناظر من البرج ...












وبعد النزول من البرج واصلنا اكتشاف الجزيره ... والتقطنا هذي الصور بوسط الجزيره ...











وبصراحة هذا المنظر وايد عجبني وأحسه بالطبيعه وايد أحلى بس المشكله بالجو (حر ورطوبه ) شي لا يطاق


واحنا نتمشى بالجزيره وصلنا للأسد اللي نهايته ذيل سمكه واللي سبق بين معانا بالصور من التلفريك ومن البرج الدوار . وهذا الأسد له قصه ويعتبر رمز من رموز سنغافوره ودخلنا داخل الاسد ولقينا فيه مثل سينما صغيره تعرض القصه ومتجر يبيع تذكارات وتقدرون تصعدون للقمه وتصورون وطبها راح تشوفون الجزيره كلها .





وهذا منظر من داخل الاسد قبل الدخول للسينما ...



وبعدها طلعنا من الأسد و واصلنا التنزه بالجزيره .. وهذا منظر آخر للجزيره .



Fanar90 Fanar90
سنغــــــــافـــــــــوره 2005 ماليــــــــــــــــيزيـا


تسلم ايدج يا غيث 79 ...صج عجيييييييييييييييييييب ذكرتيني صج صج كانت أيام حلوه واهم شي لما بغيتي تصورين اسم الفندق :109: ...قولي آمين الله يكتب لنا سفره ثانيه عائليه كلنا مع بعض ...على فكره كامرتج وايد حلو تصويرها:24:


أم حناين أم حناين
سنغــــــــافـــــــــوره 2005 ماليــــــــــــــــيزيـا


مرحبا
يعطيج العافيه على هالتقرير الحلو
وفعلا سنغافورة حلوة وبانتظار منج بقية التقرير
وانا متابعتج
تحياتي لج


Ghaith97 Ghaith97
سنغــــــــافـــــــــوره 2005 ماليــــــــــــــــيزيـا


المشاركة الأصلية كتبت بواسطة WishfuL

ياهلا ومرحبا فيج أختي العزيزة Ghaith97 ..

شلون قدرتي كل هالمدة من تاريخ اشتراكج لغاية اليوم تصبيرين ..

وتكتفين بالقراية من بعيد بدون المشاركة :114: ..

بس تبارك الرحمن عليج أول مشاركة لج تقرير :36_1_11: ..

عيني عليج بااااااااردة :109: ..

غريبة ما حبيتي سنغافورة ..



آنا مرة قريت استطلاع في مجلة عن أفضل 10 دول في العالم ..

وكانت سنغافورة بينهم ..

ماشاء الله الصور واايد حلوة ..

وبإذن الله متابعتج لغتية نهاية رحلتكم ..

وبانتظار رحلتكم لجزيرة Sentosa ..

مشكوره اختي على المرور ... واتصدقين كنت أكتفي بالقرايه بس ما أدري ليش ما كنت أحط ردود بس الحين ان شاءالله شكلي داشه بقوه :115:

وبالنسبة حق سنغافوره الجو السئ اهو اللي كرهني بالديره كان الجو وايد وايد حار والرطوبه شي لا يطاق تخيلي واحنا بالتلفريك بس قاعدين نهف :115:وكل وحده تتخيل ان الجو بره بارد :109:

أحس ما استمتعنا بالرحله كثر ما هفينا :109:

ومشكوره مو الصور الحلوه عيونج الحلوه :101:


Ghaith97 Ghaith97
سنغــــــــافـــــــــوره 2005 ماليــــــــــــــــيزيـا


المشاركة الأصلية كتبت بواسطة Fanar90
تسلم ايدج يا غيث 79 ...صج عجيييييييييييييييييييب ذكرتيني صج صج كانت أيام حلوه واهم شي لما بغيتي تصورين اسم الفندق :109: ...قولي آمين الله يكتب لنا سفره ثانيه عائليه كلنا مع بعض ...على فكره كامرتج وايد حلو تصويرها:24:
مشكوره حبيبتي وان شاءالله الله يكتبها لنا يارب . وأنزل التقرير بالمنتدى :106:

عاد كان ودي اشتري كاميرا يديده بس دام قلتيلي حلو تصويرها بخليها :24:


Ghaith97 Ghaith97
سنغــــــــافـــــــــوره 2005 ماليــــــــــــــــيزيـا


المشاركة الأصلية كتبت بواسطة أم حناين
مرحبا
يعطيج العافيه على هالتقرير الحلو
وفعلا سنغافورة حلوة وبانتظار منج بقية التقرير
وانا متابعتج
تحياتي لج
أهلا وسهلا فيج يا أم حناين ... أشكر مرورج ...

وان شاءالله اكمل التقرير وبانتظار ردج على باقي التقرير .


WishfuL WishfuL
سنغــــــــافـــــــــوره 2005 ماليــــــــــــــــيزيـا



المشاركة الأصلية كتبت بواسطة Ghaith97

وبالنسبة حق سنغافوره الجو السئ اهو اللي كرهني بالديره كان الجو وايد وايد حار والرطوبه شي لا يطاق تخيلي واحنا بالتلفريك بس قاعدين نهف :115:وكل وحده تتخيل ان الجو بره بارد :109:




اللي يشوف الصورة يقول الجو حده حلو :36_1_13: ..

ولا يمكن يتخيل إنكم قاعدين تهفون :36_1_47: داخل التلفريك ..



وبإذن الله متابعين تقريرج عن سنغافورة :36_15_22: ..









Ghaith97 Ghaith97
سنغــــــــافـــــــــوره 2005 ماليــــــــــــــــيزيـا



اللي يشوف الصورة يقول الجو حده حلو :36_1_13: ..

ولا يمكن يتخيل إنكم قاعدين تهفون :36_1_47: داخل التلفريك ..



وبإذن الله متابعين تقريرج عن سنغافورة :36_15_22: ..


هلا والله اختي العزيزه :)

تدرين أخلى شي بردج البالونه اللي عليها 2005 والله ضحكتيني :109: حسيت اني وايد قديمه .

شفتي والله المكان حلو وكل شي مرتب الا الجو التعيس :36_1_10:



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

سنغــــــــافـــــــــوره 2005 ماليــــــــــــــــيزيـا