ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
mex111
13-05-2022 - 10:47 am
السلام عليكم ورحمة الله وبركاته
للمره الاولى استهل بها ارتباطي بهذا المنتدى المتميز اطلب من اخواني وكل من له خبره ان يفيدني في النقاط التاليه الخاص بشهر العسل واللي ان شاء الله بخليه على اسمه شهر بالكامل ان يسرها رب العالمين :
1-هل 20 يوم بماليزيا تكفي ؟ وماهي المناطق بالترتيب التي نبداء بها؟
2-مارايكم بالفنادق التي طرحت علي للاقامه وهي (رجنت_كوالامبور3ايام)(شنقريلا_بيننق4ايام)(بلانقي بيتش_لانكاوي3ايام)(سن واي لاقون2)(فندق جنتنق2)(ويستن_كوالامبور6ايام)الرجاء توضيح المميزات والعيوب؟
3-قضاء عشرة ايام باندونيسيا؟ماالفندق المناسب للمتزوجين؟والبرنامج المتكامل لهذه المده؟
@ارجو منكم المشاركه بكل ماتعرفوه لاني في الحاجه الماسه لارشاداتكم@
%علما ان رحلتي ستكون ان شاء الله يوم 4/7الموافق13اغسطس%
ولكم جزيل الشكر........ (مكس)


التعليقات (4)
الشعيبي
الشعيبي
وعليكم السلام ورحمة الله وبركاته ...
حياك الله اخوي مكس ...
الف الف مبروك اخوي وربي يجعلها شهر عسل سعيد .
ان شاء الله 20 تكفي اخوي ...لكن ياليت دخلت في برنامجك كاميرون
خلينا على برنامجك اخوي ...اشوفها احلى لو كانت .
سلانغور ......الخيول الذهبية 2 .
لنكاوي ...بيلانغي 3
بينانغ ....راسا ساينغ شانغريلا 4
كاميرون ...اكواتوريال 2
جنتنغ....جنتنغ هوتيل 2
كوالا ...7 ليالي ...تقدر تخليها كلها ويستن وهذا رأيي
وان بغيت منها ليلتين لصن واي لاقون فهذا يرجع لك اخوي
فنادقك كلها حلوة وما يحتاج ....لبه ودك اول ما توصل تنزل
ريجنت وانت في اخر الليالي جالس في نفس المنطقة ...التشكيل
حلو وانا اخوك ...والخيول الذهبية روعة وما ودي انك تفوتها .
واتمنى اننا نشوف مشاركة حبايبنا ليقولوا رأيهم
عن نفسي اوقف هنا ولا اتعدى حدودي ولاندونيسيا مشرفين وخبراء
وفطاحلة ...وتراهم ما يقصرون
موفق اخوي مكس بأذن الله ورحلة سعيدة وترجعون لنا بالسلامة
والسلام عليكم

SEMSEM
SEMSEM
اول شي الف مبروك وان شاء الله ربي يوفقكم.
ثانيا من وجهة نظري المتواضعه ...الغي فكرة صن واي لاقون.
وبالنسبة لجنتنق فيكفيها ان تطلعها الصباح وترجع العصر...يعني ما يحتاج تطول هناك الا اذا انته تحب الضباب.
ولو تسمع نصيحتي طول المده في بيننق...ضيف عليها اليومين حقت صن واي لاقون.
بالنسبة لاندونيسيا...صدقني ما في مقارنة بين ماليزيا واندونيسيا.
ماليزيا متفوقه في كل شي.
ومع ذلك اندونيسيا لها معزة في القلب اكثر من ماليزيا...:)
ولكن كعريس مثلك لا تفكر الا في ماليزيا.
وبالنسبة للفنادق اللي ذكرتها فانا ما اعرف الا اثنين..الاول ريجنت اللي في كوالالمبور وبصراحه فندق رائع ...والاروع انه في منطقه قريبه من الاسواق والمطاعم العربيه..اللي قريبه من جالان اسماعيل سلطان.
وقريب من سوق سكوير تايم الرائع.
وبالنسبة لفندق شانغريلا فانا اشوف انه من افضل الفنادق في بيننق...وعلى فكره تراها اثنين...واحد اسمه
Shangri-la's Rasa Sayang
والثاني اسمه
Shangri-la's Golden Sands
وطبعا كلها جميله ...ولكن يظل الافضل حسب الترتيب العالمي... الفندق الاول
اخيرا تمنياتي لك بالتوفيق

mex111
mex111
الشكر الجزيل للاخ الخبير الشعيبي والصديق سمسم
فعلا ما خاب من استشار ...والنعم فيكم
فكرت بالروحه بعد ماليزيا الى اندنوسيا ان مالها داعي خاصه اني زرت اندنوسيا مرتين مع شباب... واكيد تفرق لما تكون شهر عسل ...بس بخلي الفكره في راسي حتى اوصل ماليزيا واذا بغيت دزيت من قريب لاندنوسيا......
برنامجي بعد التعديل وارجوكم الرد بسرعه خاصه (الخبير الشعيبي_وسمسم)
2 يوم * قولدن هورس
4يوم*شنقريلا راسا ساينق
3يوم*بيلانغي/لانكاوي
2يوم*سن واي لاقون
2يوم*فندق جنتنق
2يوم* اكواتوريال/كاميرون
باقي الايام في برجاي سكوير في كوالامبور اذا اعجبني او غيرت الى الويستن
### الرجاء الرد سريعا ولكم جزيل الشكر ##### (مكس)

الشعيبي
الشعيبي
السلام عليكم ...
حياك الله اخوي مكس وماعليك زود يا حبيب قلبي
ماشاء الله تبارك الله ترتيبك جميل يا اخوي لكن اللي افهمه
انك راجع من لنكاوي طيران لكوالا ...توقعي صحيح
عن نفسي لو فرضنا انك تعطيني فنادقك ومناطقك وعدد ايامك
اجباري مثل ما حطيتها اخوي حأجعل ترتيبي
الخيول
بيلانغي
راساساينغ
اكواتوريال
جنتنغ
صن واي
تايم سكوير ...او...ويستن
مع انه ترتيبك حلو وما عليه شيء لكن شف وش رايك في ترتيب
اخوك ...ولا تجاملني وارميها في وجهي
موفق اخوي مكس ورحلة سعيدة وترجعون لنا بالسلامة والسلام عليكم


خصم يصل إلى 25%