- هلا فيكم جميعا
هلا فيكم جميعا
الموقف الي حصل لي في سفرتي كانت مرتبه اموري الحمدالله قبل السفر المبالغ في اليد كاش 20000 رنجت وحساب الفنادق كانت بالفيزا الائتمانيه لان الحجز كان من البوكينق ومبلغ المشتريات 6000 رنجت في حسابي البنكي والحمدالله الامور تسهلت وكفت الفلوس لين اخر وقت ومعتمدينا ع الرواتب بتنزل في وقت اقامتنا كانت الامور طيبه بس المقالب لابد منها كلت مقلب قوي مده سفرتي كانت 15 يوم من 14/8 الي 29/8 والمقرر اخلي كوالمبور اخر 7 ايام بعد العوده من سنغفورا وصلت كوالمبور تاريخ 23 /8 والمفروض اتم فيها لين 8 / 29 وكان المبلغ الي باقي عندي 5000 رنجت بتكفيني ان شاء الله المقلب هو وصلنا كوالمبور بعد انتظار طويل في المطار وتاخر الرحله والزحمه في شوارع كوالمبور المغرب المفروض العصر نوصل بس قدر الله وماشاء فعل خلاص وصلنا مهدودين وتعبانين الفندق المطلوب وهو تريدرز كوالمبور المغرب وقفت الطابور وصل دوري خلصنا اجراءات التسجيل ووقعت كل الامور تمام جاء وقت الدفع سحبت مبلغ 5800 رنجت حساب غرفتين لمده 6 ليالي جاني مسج بالسحب الحمدالله وكان اخر مبلغ عندي في البطاقه لان كل الفنادق سحبو حسابهم كامل وهذا اخر فندق فجاءاه والصاعقه تجيني الموظفه سوري مدام لم يتم السحب اشلون جاني مسج بالمبلغ مسحوب اسفه المبلغ لم يسحب جربي مره ثانيه من قال المبلغ زيرو اشلون يمين يسار وتعبانه من السفر فحسيت الشياطين وصلت الحين شنو الدبره المبلغ في المتبقي في حسابي 5000 وتاركته لين المشتريات وللعلم ماشريت اي شي طول السفره لان من طبعي عدم التسوق الا في اخر الايام الحل وصلت لين المدير قلت له تصرف ماعندي مبلغ في يدي غير مصروفي ان عطيتك اياه للفندق معناته احجز وارجع بلادي افضل واتنكد اخر نكد واعصب وانهار قلت له كل الفنادق سحبت من غير مشاكل اشلون انتو تنكبوني يالله ياربي ساعدني تضايقت ضيقه الله يعلم فيها قالي عطيني على الاقل مبلغ ليلتين قلت له لااملك غير مصروفي انا واولادي واليوم تاريخ 23 والرواتب 27 الحل يوم شافني عصبت عليهم استسمح مني المدير وطلب مبلغ فااستسلمت للامر الواقع وعطيته مبلغ ليلتين من مصروفي لعل البنك يرجع المبلغ المعلق في الهواء واتصالات مع البنك السخيف لاحياه لمن تنادي المهم مشيت خلاص الدنيا اسودت فيني وزوجي يقولي دفعي المبلغ الي في الحساب وانا ارفض ابي اروح السوق والله مايشوفها خله يتنقع لين الرواتب ماراح اشرد بستانس بفلوسي المهم المدير سندرني سوالي حاله توتر وانا متورتره كل يوم يترك لي رساله متى بتدفعين المبلغ واقوله عطني فرصه لين البنك يرجع المبلغ في الحساب وانامعصبه عليه وخلاص مالي خلق اقعد في الفندق كان ودي اغيره وزوجي عطيهم فكينا وانا ارفض المدير مسكين حب يراضيني دعاني على العشاء في بوفيه الفندق بااسمي وقبلت دعوته رحنا وتعشينا الاكل جيدجدا لكن الراتب نزل 27 خليته لين تاريخ 29 يوم موعد العوده والله يسرها وانزل لهم من الصبح واعطيهم المبلغ كامل الحمدالله وافتك منهم واعمل شك اوت لواحده من الغرف واطلب منه يعطيني غرفه وحده لين 3 العصر لان موعد سفرتي 8 ليلا سكرت غرفه عيالي وحولتهم غرفتي رحت الصبح اتسوق اخر شي خبركم نزل الراتب ورفهت على نفسي صح وهاي قصتي خذوا كاش وخلو احتياط في كذا بطاقه ليصيدكم موقفي
موقف صعب والله
مشكله البنوك تعمل مقالب في الناس
لهذا صرت في سفراتي ادفع غير مسترد واريح راسي
ولا مشاكل الفيزا
او انه خلي المبلغ كاش باليد