غرامي بصغاري
18-11-2022 - 01:17 am
السلام عليكم ورحمة الله وبركاته
امس رحنا للسفاره واول ماقدمنا الاوراق قالت الموظفه بقولكم من البدايه ان الفيزه ممكن تاخذ اسبوعين الى عشرين يوم لانه هالفتره زحمه او ممكن تدفعون على كل شخص خمس ميه وشي علشان تصير مستعجل (الخمس ميه غير الي يجي من دون موعد(280)وغير رسوم الفيز الي تندفع عن طريق النت)قلنا لا ان شاء الله تطلع قالت انا يوم الاربعاء جاء عندي دكتور وهزئني يقول قلتي لي تاخذ عشر ايام والحين لها اسبوعين وانا عندي اجتماع عمل السبت ،تقول قلت له انا شغلي اخذ الاوراق منك واضبطها وارسلها للسفاره هم المسؤولين،وتقول جاء المدير وارسلوا ايميل للسفاره وجاب واسطات وتقول انا طلعت ومدري وش صار عليهم!!!تقول بعدها قال لنا المدير قولوا تاخذ من اسبوعين للعشرين يوم..
والمشكله عندهم الاثنين اجازه والويك اند ماتحسب !!!!
ورحلتنا بعد اسبوعين ومرتبط معها تذاكر وسكن وحجز طيران من لندن للالمانيا وسكن برضوا هناك ؟؟؟؟
ولو اجلناها بعد العيد التذاكر ارتفعت اسعارها مره.
افكر ارسل ايميل بعد اسبوع بس وش اكتب ؟؟
وش رايكم ؟؟ابغى حلول ؟؟
جانا احباط مو طبيعي بعد ماكنا مستعدين لهالرحله..
الله يسهل امرنا وامركم يارب..
اولا : كان الله في عونكم
ثانيا / اقترح انكم تكلمون السفاره بالرياض وتشرحون لهم الوضع
وان شاء الله تتسهل
همسه: مكان الموضوع المفترض يكون بقسم الاستفسارات