1. حتى الابره والخيط حطيتها


2. المهم قضينا من الشنطه الكبيره

بسم الله الرحمن الرحيم
بقولكم رحلتي لماليزيا من طأطأ للسلامو عليكو
طبعا بعد المناقز بين المواقع عشان ادور معلومات عن ماليزيا
(متحمسه للرحله)
جمعت لي كذا معلومه ورتبتها ووريتها الوالد وهو ماقصر قام بترتيب الحجوزات واللازي منوه
المهم ليله العيد اوبس اقصد ليله السفر :rolleyes:
الشنطه مفتوحه والغساله تقول ياليتني ماكنت ولا الي كان كان
واخواني وخواتي الصغار ميري وين حق انا ميري وين شوراب انا ميري خلص غسيل بنطلون انا ؟ومن هالكلام
انا جالسه بغرفتي بصمت فاتحه الشنطه واتامل الدولاب بصمت(كني اسوي يوقا)
وجالسه افكر وش احط وش اخلي وبعد مفاوضات وقيل وقال مع نفسي عبيت الشنطه بالمقسوم
قضيت من الملابس باقي الاغراض الثانيه (ياكثر عفشي كثراه )
حطيت البكل والفرشه والكريم و..و...
وطبعا انا المسؤوله عن الاسره فلازم احط اسعافات اوليه بسيطه بشنطتي (بتنتحر الشنطه) حطيت ترمومتر وخافض وبندول و..و..

حتى الابره والخيط حطيتها

المهم قضينا من الشنطه الكبيره

مسكت شنطه اليد وحطيت فيها الجواز والتذاكر وقران وقصه وبعض الخرابيط وبعدين فتحت كيس اسواق التميمي الي مليان بكافه انواع الحلويات والشبسات بس بحجم صغير عشان بالطياره لازم يكون فيه تسالي :rolleyes: (الي يشوفها يقول اول مره تسافر)
وعبيت الي اقدر اعليه والباقي عطيته الصغار
تفقدت ارجاء الغرفه بنظرات حاده كني نينجا(اخاف انسى شي)
المهم جا يوم السفر وطبعا انا مواصله ماقاليش نوم ..
يوه لبس المطار حطيته بالشنطه ..رحت طلعته بسرعه وقبل لاينزلو الشنط
وقفلت الغرفه وقلت ياهادي
نزلت وانا متشققه :rolleyes: والكل بالبيت كاشخ (رايحين عرس وانا مدري)
حتى الشغاله داقتها كشخه
طبعا لازم تصير فيه ربكه قبل مانركب السياره
وين هذاك .. هذاك هنا .. اجل وين ذاك ..
الجوازت يازهره معك .. ايه معي (يعنني شخصيه)
التذاكر معك ايه معي بس خلصونا
فيما نون يلبس جزمته(الله يكرمكم) ودال يغسل وجهه توه يقوم مايدري وش السالفه وسين يلبس شرابه(الله يعزكم) وعين يضبط كشخته بالمرايه و..و..
ابوي عصب وقال ياله مافي وقت الطياره بتفوت بتروحون ولالالا انطقو
واخيرا ركبنا السياره ..
يوه نسينا القطوه نحطها عند احد
نزل اخوي وعطاها السواق قاله انتا كلاس ودي انا ودي هادا بيت اختي ماما انا معلوم؟
السواق: ايوه فيه معلوم انتا فين روخ؟
رد اخي قائلا :يازينك ساكت
واخيراا انطلقنا (مابغينا)
وبالطريق للمطار كل واحد شارد ويفكر بالرحله والوناسه و..و..
تعبت يدي بكره ان شاء الله اذا فيني حيل بكمل حالتنا بالمطار والطياره
:rolleyes: