- برجاي لنكاوي
- الويستن شفت له صور كايفه وتفتح النفس وباين عليه راقي
السلام عليكم واسعد الله مساكم ..... كيف الحال لاحد يقوم من محله .... استريحو
بالحقيقه انا في حيرة من امري " لاحد يسوي عاطفي ويبكي " احس اني قوي بالنحو وعندي بلاغه .... اصلا مدرس الجغرافيا كان دايم دايم دايم يمدحني لدرجة انه اذا خلصة الطباشير دايم يرسلني للاداره عشان اجيب كرتون ..... لاتصدقون تراني كنت اقوا واحد بالدرسه " ايه قابلني"
المهم خلونا بالموضوع ولاتغيرون السالفه ...يابو الشباب من الي لايغير السالفه.....طيب خلاص.. ودي اسكن بلنكاوي بفندق ينسيني هم الشغل الي فات ولمدة خمس سنوات قدام .... يعني هادي ورومنسي ونضيف وراقي واطلالة البحر تفتح النفس وتشم هوا نقي .... وش بقى .......
عندي ثلاث خيارات محتار بينهم .....
ويستن " شرتون بردانا سابقا"
لنكاوي لاقون
برجاي لنكاوي
الويستن شفت له صور كايفه وتفتح النفس وباين عليه راقي
لانكاوي لاقون يميزه ان كنك ببيت لحالك وكنك ساكن مع عايله فيتناميه " تعلم لغه والله الورطه" الي ودي اصل له وخاني التعبير هو ان شكل الاكواخ حقته يجعلك تشعر بشعور مختلف .... يعني احس الجلسه بتالي اليل والقمرا فوقك والبحر موجه تحتك ومن حولك لها طعم ثاني مع ميونيز " اسف خربتها" نفس الشي بالصبح تقوم وتطلع برا وشوف هالمنضر الخلاب .... ياسلام
نفس الشي برجاي لنكاوي بس مدري عن النضافه والخدمه وهل فيه ازعاج بحكم انا مثل الي بحاره وحده وبيوتنا جنب بعض ..... يعني يمكن يسكن جنبك واحد مخربها .... يجي ويطق عليك بتالي اليل او الساعه ست الصباح يطلب الاجار "معطبها" ..... او تسمع واحد من جيرانك فاتت عليه رحلة المانقروف اليوم وبكره مغادر وانواع السب والهوش .... يقول ليش ماصحيتوني
ابي رايكم ياشباب بدون كلافه .... الي له تجربه يشاركنا معه الله لايهينه
تحياتي اتمنا اني ماكنت ثقيل عليكم ..... يعني كيف مافهمت؟؟؟؟ .... واضحه
بس اذكر شفت بالمنتدى صور لفندق له قسم يتكون من بيوت صغار على البحر بصراحه عجيب شوي عليه
يعني اذا بتسكنه اعتقد بينسيك 20 سنه قدام مو 5