ايجار السيارة لا انصحك به لان القيادة بالجهة اليسار الغير معتاد عليها في بلدك..
هي حقيقة متعه ولكن في البداية تشعر بتعقيدها وقد تحتاج الى اسبوع حتى تتمرن على قيادتها ...
انا جربتها هي رائعة حقا ولكن صعبه في البداية وانت اعتقد رحلتك لم تتجاوز العشرين يوم فلماذا يضيع اسبوع في تعلم قيادة السيارة من الجانب الايسر...
ايجار السيارات يكلف نفس تكاليفها في السعودية ... البنزين غالي نوعا ما ..
وانت في يومكم عبر التكاسي والقطار المعلق لن يكلفك الامر اكثر من خمسون ريال ! !
عموما اذا قررت ايجار السيارة ابلغني وسوف اوافيك بتفاصيل اكثر الخيار لك .. !

أخي الكريم
Candle
جزاك الله خير
جواب سريع وفعال
ومع ذلك مازال خيار القيادة والاستئجار في خاطري
مادري متى يطيب؟؟؟؟
الظاهر مايطيب لين أجرب بنفسي لين اقتنع سلبا أو إيجابا
ليتك تكمل باقي نصايحك المهمة وجزاك الله خيرا

والله شوفوا..
ايجار السيارات بكوالالمبور 138 رنقيت يعني حول 150 ريال..
والمواقف مرات تكون صعبه او عليها فلوس..
والتاكسي ماراح ياخذ الا النص..
علشان كذا بيكون اريح بكثير..
هذا بالنسبه لكوالالمبور..
بس في لنكاوي حسبما فهمت انه 60 رنقيت وتحتاجها لان المسافات طويله.. والاماكن اللي تبي تزورها او تاكل منها متباعده
علشان كذا بالنسبه لنا ان شاء الله.. كوالالمبور= لا للسواقه
لنكاوي=ان شاء الله

مسافر مختب
مشكوراخوي على ردك
طيب اش رايكم في القيادة من كوالا لمبور الى جنتنق لمدة يوم من الصباح الى المغرب بحيث اوقف سيارتي من الصبح وارجع عليها متى مابغيت؟
وايضا القيادة في السفر من كوالا الى الكاميرون والاقامة لمدة يوم ومن ثم العودة الى كوالالمبور
اتوقع تسافر وانت تسوق بنفسك سهل ويختلف عن داخل المدن والا اشرايكم؟؟
ومشكورين مقدما

والله هالشي كان بخاطري اجربه لكن اللي منعني ان الدركسون عندهم يمين وانا متعود على اليسار واخاف ادخل عليهم في المسار المعاكس و أسوي مصيبة .
اضف الى ذلك الدفع في الطرق في الطالعة والنازلة .

السلام عليكم. كيفكم , يا اخي انا ما انصحك ابدا بالسواقة داخل كوالمبور اولا صعب انك تعرف الطرق الطرق معقدة نوعا ما ويحتاج وقت لكي تتعود عليها انا كم مرة اضيع الطريق رغم اني طالب لي اكثر من سنه في ماليزيا وجنتنق حلاوتها انك تطلع بتلفريق . اذا ضعيت شارع في ماليزيا وتريد ترجع الى نفس المكان تريد وقت لانه مافي تقاطوعات . انصحك بالتجربة فقط في لنكاوي لانه مافي ازدحامات والاماكن نوعا ما بعيدة من بعض وانا جربت السواقة في لنكاوي بالدباب والسيارة مرة روعة . وان شاء الله نكون سعداء بكم في ماليزيا . مع الف تحية

والله موضوع السواقة في ماليزيا في تصوري ممتع ومثير
والسبب القيادة بعكس المسار
بس في رايي المتواضع ان التكاسي أحسن بكثير لعدة اسباب:
1- القيادة صعبة مثل ما قلت عكس المسار
2- عدم معرفة البلد مما يضيع الوقت كثير في الوصول للمكان المراد
3- قيمة الايجار للسيارة مرتفع (( مثل السعودية او أكثر )) وكذلك البنزين
4- الموافق تكون صعبة او كما قال أخي مسافر مختب بفلوس
يعني تدفع 60 ريال وتشتري راحتك وقتك احسن بكثير من هالحوسة
أخوك
مبنشر

اكيد التكاسي احسن بس بدوا يستغلون الخليجيين وراي الاستاجار افظل بس في محدود بكيلومترات معيت او مفتوح واقدر استاجر سيارة من مطار كوالا واروح جنتنج وارجعها بكر لمكتب وسط كوالا زي امريكا تخذها من ولايه وتتركها في ولايه اخرى مسوي مقطع امريكا

تنبيه بس للي يقرر يسوق هناك..
طبعا السواقه على اليمين مهيب ذاك الصعوبه
بس انتبهوا اذا جيتوا دوار ترا الفيوزات تضرب
لاتنسون تلفونها يسار
اذكر مره ببريطانيا بغينا نروح ملح من هالسالفه