- تانية ... قلت إنشاء الله ... ( وأنا في نفسي أقول
- قابلني يا شيخ لو شفت وجهي ...!! )
- هذا واحد من المواقف المحرجة الكثيرة
- وثانياً ... أنت ياراعي أمريكا ولندن وجنيف ... ياهوه ...
- أقول تذكر لما رحت الشرقية وصجيتني ...!!
مساء الخير ..*
حياكم الله ... في البداية إنشاء الله يكون
هالمنتدى الخاص العرب المسافرون ... مكان مستمر
لتواجدنا ... نتسلى فيه ... ونسولف ...* ونضحك
مع بعض
قبل ما أبدأ
موضوعي أحب أقولكم أي واحد عنده موقف طريف صار
عليه ينزله هنا ... نبي نشوف المواقف الجميلة
اللي صارت علينا
طبعاً أنا بيكون
موضوعي عن مواقف طريفة صارت لي وأنا في خارج
المملكة ... إنشاء الله توسعون صدوركم
وتنبسطون من هالمواقف ...قبل ما أبدأ اللي
بيتريق علي لا يقرأ كلامي وبالذات ( --- ) ماني
قايل إسمه علشان ما ينبسط ..؟؟؟
هذا الموقف
الأول كان حوالي الساعة الثالثة فجراً (
شياطين ماننام ..!! ) ... المهم طالعين نكمل
السهرة ... وكنا أربعة ... وجيناك ماشين طبعاً
محاكيكم هو اللي يسوق ... ونجي مع ذاك الشارع
المظلم ... لكن شارع وسيع ... قال صاحبي والله
يهالشارع شارع تفحيط ...!! قلت جعلهم يفحطون على
راسك ... أي تفحيط وأي خرطي ... ما أنهيت كلامي ...
إلا الثالث يصيح أنتبه
الجسر .... ما أدري كيف إنقسم الشارع
وطلعنا هالجسر مع العلم أننا نعرف الطريق زين
لكن والله من الدلاخة في روسنا ...!! وأجيك أنا
ووجهي مسوي فيها سواق ...!! وأحاول أتجنب الجسر
!! وأحسن ما أسمع وأشوف هي السيارة تنطل فينا
!! والله تقول أحسن مفحطين بالعالم ...!! وشوية
من هالمسلسل المرعب وطع دب ...!! صدمنا في الجسر
من جهتين ... والحمد لله كنت رابط الحزام ...
وأكياس الهواء طلعتلنا ... المهم طاخ طيخ ...
وتوقف السيارة والبخار يطلع علينا ... انحش
انحش ... وزي الصواريخ كل واحد منا برى السيارة
وخمس دقايق* من الخوف واقفين مانا مصدقين
باللي حصل ...!! والله من أسؤا المواقف ...!! المهم
في هاللحظة أنا كنت واقف جنب السيارة ومعي
واحد ويدي على راسي( مسبوه ) ... واللي جنبي أخس
مني بعد ...!! وإثنين هناك يمسحون الدم اللي طلع
منهم ...!! ودقيقة ويجينا إبليس ... قال صاحبي يا
سفر الحادث وحصل والسيارة وراحت فيها وكل شيء
يتعدل نصلحها بكرة ما ورانا شيء* ( مع العلم
أنه كان آخر يوم لنا وكنا راجعين بعد السهرة )
قال عادي الحمد لله على السلامة خسرنا
السيارة لا نخسر السهرة ...!! ( والله صديقي طلع
شيطان ...!! ) وأنا التفتله قلت ... والله أنك صادق
( والله أني أخس منه) ... قلنا للشباب وقفوا
تاكسي بنروح نكمل السهرة ... ويطمر واحد منهم (
والله أنه ذيب ) قال أي سهرة وأي خرطي ...!! أنتم
مجانين ...!! قلنا والله ما مجنون إلا أنت ( ما
قلتلكم شياطين ...!! ) ... بتروح معنا يالله وإلا
رح نام في الفندق وريحنا ...!! قال أمري لله بروح
معكم ... وتروح شلة الأنس ... ولما خلصت السهرة
حوالي الساعة 6 الصباح ونرجع ندور السيارة ...
ولقيناه مشلحة من كل مكان مسجل ومكيف وكفرات
وبلاوي سوداء من جد ...!! وهو يطمر علينا خوينا
بكل صوته ... قايلكم يا حيوانات ...!! قلنا يارجال
لا تزعجنا نصلحها ( والله من الدلاخة في روسنا
لكن وش نسوي حصلت ...!! ) ونسحب سيارتنا وتجلس في
الورشة تسعة أيام وتكلفنا ستة آلاف ريال ...
ولما خلصت أخذناها وجلسنا بعد ثلاثة أيام
زيادة ( دلاخة من جد ...!! ) ورجعنا بعدها لديرتنا*
( الموقف الثاني )
هذا الموقف حصلي
في دولة غير الدولة السابقة ... الموقف الاول
كان في سوريا ... أما الثاني في مصر ... كنت ساكن
في فندق ... المهم كلمت الرسبشن قلت أبي خط
للسعودية قالي أوكي الدقيقة بستة جنية قلت
ماهي مشكلة ... المهم كلمت أربعة إتصالات
وللأسف كل واحد منها أكلم أسأل عن الشخص ما
أحصله يعني مجموع مايكمل دقيقة ...!! ولكن
المعروف كل فتحة خط بدقيقة ... أنا كذا أعرف قلت
أربع دقايق في ستة باربعة وعشرين ماهي مشكلة
!! المهم لما جيت اسوي تشك آوت ... قالي الموظف
الحساب للمكالمات ستة وتسعين جنية ...!! قلت
لالالا أكيد غلطان تأكد ... قال أنت كلمت
السعودية اربع مرات قلت صح ... قال كل مكالمة
باربعة وعشرين جنية ...!! لأن كل فتحة خط نحسبها
بثلاث دقايق ...!! ( والله من النصب عندهم ) ... قلت
يارجال قل غير هالكلام ... والله ما تشم ستة
وتسعين لو تموت ... لو يجيني الرئيس ما عطيتة
ستة وتسعين ( شفتوا أني شديد ) ... قال المحاسب
ومن أنت حتى يجيك الرئيس هو فاضيلك ...!! ( والله
من التحطيم ) ... قلت لو تموت ما حاسبت ... قال طيب
لو تموت أنت ماعطيتك جوازك ...!! أفا مابقى
إلا هي ... قلت والله لأخذ جوازي غصب عنك ...!! قال
رح للبوليس ( يعني الشرطة ) ... وخلهم يعطونك
جوازك إذا يقدرون ... وترى البوليس قريب ووصفلي
المكان ...!! ( والله أنه قوي العين ..!! ) ... قلت
طيب أنا رايحلهم وبتشوف ... أنا كنت لحالي
مسافر ... ورحت وحصلت الضابط ... المهم كان قدامي
يصفقله واحد ... طاخ
وطيخ ...!! بيني وبينكم والله أني
خفت قلت لا والله اللي رحت فيها ...!! وانتظره
والرجال ماعنده إلا بالكفوف والشلوت ...!! وأنا
قمت أتراجف ...!! تقول بأدخل إختبار الثانوية
!! المهم لما خلص طالع في وقال عاوز أيه أنت ...
ولما تكلمت عرف أني سعودي ... قال أهلاً وسهلاً
تفضل ... والله أني أرتحت قلت أشوى مافيه كفوف
!! قال أيه المشكلة ... قلت المشكلة كذا وكذا
وكذا ... وهذا اللي حصل من الموظف ... قال طيب
معاه حق ...!! قلت أي حق ...!! هو ماقالي هالكلام ..!!
قال النظام عندنا كذا ... نظام وزارة السياحة
!! قلت لالالالا مستحيل أنا ماني متنازل عنه
ولازم تاخذون حقي منه ... كيف يرهن جوازي هي على
كيفه ...!! أنا ماعندي مانع أعطية مليون جنية
لكن على حق ... لكن يستغفلني لا ومية لا ...!! قال
طيب نفتحلك محضر ...!! والله أني أول مرة أشوف
محضر ماعرفته إلا من المسلسلات وصار على
الطبيعة قدامي ...!! المهم سين وجيم وتحقيق ...!!
واللي يحقق معي أظنه وكيل رقيب عندنا طبعاً
لكن بلهجتهم والله ما أدري وش يقولون له ...!!
المهم طلع حبوب قال للضابط وش رايك أصلح بينهم
سلمياً الفندق قريب ... باروح معه واصلحهم ...
قال الضابط تمام ... والله كأني أشوى شوي لأن
المحضر بيطول يقولون يومين ... المهم طلع معي
قالي خليك مفتح معاي ... طبعاً أنا فهمت ...!! قلت
شف إذا قدرت تنزل من السعر لك عشرة جنية (
طبعاً مايحلم فيها ...!!) قالي خلاص يا بشمهندس
أنا حكون معاك وحبهدله ... قلت يالله على يدك
!! ورحنا لصاحبنا ... المهم خذاه على جنب
وقاموي يبربرون وما أدري وش يقولون ..!! المهم
ناداني على جنب وقال خمسة وأربعين جنية كويس
!! ( قلت في نفسي والله كويس المهم ما يمشون
كلامهم علي ...!! ) ... ويجي الموظف ويعتذر مني
ويعطيني جوازي ( في نفسي ودي أقول غصب عنك ...
لكن خفت ...!!! ) ... وقالوا إنشاء الله تشرفنا مرة
تانية ... قلت إنشاء الله ... ( وأنا في نفسي أقول
قابلني يا شيخ لو شفت وجهي ...!! )
الكفر راح وطي كلة ولا معنا عده ....! الجنط سلم لي عليه انعفط!! وحنا نركب نناضر سواقنا نقول له : لابارك الله فيك انت ويا سواقتك ياابو النوم المهم لا من قوه الوجة واصلنا مسيرنا للهالف مون *:* بس هالمره طار النوم مننا ...
الموقف الثاني : هذا صار لي هنا في الرياض ..في الاختبارات النهائية ..كنت في الصف الثالث المتوسط سنة 1417 هجري المهم كان علينا مادتين (فقه - نصوص(ادب)) الزبده ...الفتره الاولى نصوص ..الفتره الثانية فقه ...وانا من يوم دخلت المدرسة في الساحة واراجع وحالتي حاله وانا ماسك كتاب فقة) ..!! ناسي طبعاً...وخاش جو وكلش تمام حفظت كل شي ..المهم مااسمع الا ترن رن الجرس ..يله ياولد على القاعه ...وانا واقف اذاكر (في الوقت بدل الضايع) مادرت الا خويي مار من عندي ..يقول : هيه انت يالمبهول! وش تذاكر؟؟ قلت : اذاكر رياضة!!! وش شايفني اسوي؟؟ قال : يالمنسم علينا الحين اختبار نصوص!! منتب عاقل والله...لاوواثق بعد !! ويروح يدخل القاعه وهو يضحك علي !! انا وقتها حقدت على نفسي يوة والله الورطة من طلعت من البيت ماراجعت ولا كلمه في النصوص ...يله توكل على الله .وسم بالرحمن.وادخل وتوصلني الورقه وابدا اتنافض -------> خوف ..واقرا الاسئله يوم ارتحت وهديه يابعدي والله يااستادنا اسئله سهلة واحل واحل واحل واسلم الورقة واطلع من الاختبار وخويي ذاك لسه ماطلع !! خ يااني ضحكت عليه
بالاخير الحمد لله نجحت في كل المواد الا الرياضيات (يلعن اصل من اخترعها ياشيخ) اخذت فيها دور ثاني والحمد لله نجحت
خويي رد الضربه لي لانه نجح في كل المواد من الدور الاول!!!!
والله الواحد احراج يذكر مواقفه بس الأمر ما يمنع
هذا موقف صار معي وانا في لبنان قبل سنتين
يعني اللي يروح للبنان اكيد يعرف مدينة برمانا
برمانا كلها قهاوي وشقق وفنادق وجميع الخليجيين اللي يروحون لبنان يكونون هناك
واعتقد ان هذا طبع الخليجين في كل بلد ولهم مقر رسمي
المهم انا قمت الصبح وانزل تحت ادور حلاق قلت بقص الشعر وحدد الدقن وادور وما لقيت إلا حلاق واحد فاتح
قلت نعمة ان لقيت حلاق .. وادخل والقاه ينظف المحل
دخلت وسألته بقص شعر وحدد دقن قال تكرم عينك بس ما نحدد دقن شعر اوكيه
كلت يمكن انه ما يعرف وإلا مثل الأمريكان
قلت مو مشكله الشعر عليك والدقن انا احدده ... ما يبيلها شي
دخلت وقعدت على الكرسي وبدأ ابو الشباب يسولف ويسألني عن لبنان ووين رحت دخلني غرفة ثانية وغسل شعري بالشامبو وبعدين قعدني على كرسي قدامه مرايا كبيره ولف علي شرشف (من كبره )
وسالني وشلون اقصه قلت : بس خفف ماله داعي قصات اطلع كني مراهق شعرتين قدام والباقي محلوق
لا بس خفف ... قالي اوكيه .... سالته كم قالي 10 دولار ... بلعت ريقي وقلت مو مشكله اغلى من عندنا شوي ... يعني بأكاسره .. قد خبرتوا واحد يكاسر حلاق ... ولا اقدر اهون بعد ما غسل شعري
بدا يقص الشعر واقل من دقيقة دخلت بنت وقام يسولف معها وطلعت ... وقبل لا تطلع ناظرتني بكل إحتقار
ورجع يقص شعري وجت بنت ثانيه بس كان صغيره وقام يقولها ليش تأخرتي
وقامت الضعيفة من روعة تمسك المكنسة وتنظف الأرض ومافيه وسخ هو توه مكنس بس من الخوف
المهم في هذه الأثناء دخل خويه ووسلم وطلع فوق غير ونزل عرفت انه حلاق ثاني نفس اللبس وسال خويه معك دخان قاله لأ قال بروح اجيب
المهم شوي دخلت وحده وقعدت في الكراسي اللي وراء ولا قالت شي وساكته .. بصراحة استغربت احتريها تحتسي بس مافي امل .... بصراحة شي غريب
المهم شوي رجعت البنت الأولىالي دخلت اول مره وسالت الحرمة وقاموا يسولفون وانا اناظرهم بالمرايا ... مستغرب ... وحاقد في نفس الوقت
المهم الحلاق يقص على اقل من مهله ويسولف اكثر من ما يحلق عن الوضع الإقتصادي في لبنان ويوصفلي بيت الرئيس ... وش دخلني توصفلي بيت الرئيس ويقولي انه بالضيعة اللي بعدنا بعبدات
المهم رجع خويه الأول ومعه الدخان وبيده الزقارة (التدخين مضر بالصحة وعلى فكرة انا ما أدخن) ... وقام يسأل البنت وتقوم البنت وتقعد في الكرسي الثاني وقام يسالها بصوت منخفض ... بصراحة مو منطبعي اللقافة بس انا مذهول وكاره البنت لأنه محتقرتني
المهم شوي ودخلوا بنتين وقعدوا وبعدهم 3 حريم كبار
المحل امتلى الحريم وانا قاعد احلق وكلهم يناظروني ... قلت في نفسي الحين من زين وجهي يوم يناظروني ولا يشوفون الفرق بين وجهي ومقفى وائل كفوري
والحلاق يقص شعرتين وبعيدن يجي قبالي ويكلمني عن العنصريه ومره عن الطائفيه ومره عن الجنوب
ياحول يارجال خلص ابي امشي لي نص ساعه اسولف معك
المهم شوي وقامت حرمة وسالتني قالت لي انت بعد ما بتقص شعرك بتصبغه
بصراحة انا بلعت ريقي قلت ليه (طلعت عفويه من الذهول) قالت لأننا مستعجلين
وعرفت الحين ان المحل كوافير حريمي
وهذا هو الشبب ان مايحلق دقن ... وعرفت سبب احتقار البنت لي يحسبوني (والعياذ بالله) ...
المهم انا احتري ذا يخلص وإلا ودي انحاش من المحل لأحد يشوفني وتصير مصيبه
المهم وكلم الحلاق بصوت مبحوح .. ممكن تستعجل شوي
ايه قال احنا كذا نحب السرعة وقام يسولف لي عن مغامراته وهو في السياراة والجبال اللي طلعها (مهوب عاقل بن سليم) والسيارات اللي شراها
وانا اقول في نفسي يازيني ساكت
المهم مادريت إلا فك الشرشف وقالي كيف بتسرحه قلت له انت خلصت قال ايه قلت اجل خذ هذي عشرة دولار
قال لا ولو لازم اجفه له واستشوره قال واللي يرحم والديك فكني
والمهم اطلع من المحل وانا مغطي وجهي خاف احد يعرفني وانحاش وادخل الفندق بسرعة واشوف اخوياي والقاهم نايمين
واقول الحمد الله محد درى عني وادخل واتحمم وقاموا الربع وافطرنا
المهم في الليل كنا معزومين على العشاء وقالوا الشباب خل نجلس في قهوه ونشرب شاهي قبل لا نطلع
اقتراح حلو اخذنا لنا طاوله وجاء المتر .. وخذ الطلبات وبعد 10 دقائق
جت بنت محمله صينيه فيها الطلبات حقتنا
المهم البنت قربت وانا اقول وين شفتها فيه ... وين شفتها فيه
وتنزل الطلبات وسالت الكبتشينو وهي ماسكه الكوب قال خويي هنا واشر علي
وجت عيني بعينها وبغى ينكب الكابتشينو
قالت لي عفوا مسوي ...مو انت الشب اللي كان بالكوافير الصبح يقص شعره
طبعا اكيد انا البنت عرفتني .... وتذكر هي نفس البنت اللي كان تناظرني بإحتقار
وبصراحة طاح وجهي لأنه البنت عرفتني وانا الصبح قاص شعري
يعني مافيه غيري
وقاموا اخوياي يضحكون علي
وشرحت لهم القصه
وهم يضحكون لي وصلنا مكان العزيمة
هذا واحد من المواقف المحرجة الكثيرة
كنت قبل اربع سنين ايام الثانويه مفرك من المدرسه انا وخويي الله ليبارك فيه والله وقلنا نروح البطحا نشيش وعاد انا منيب اشيش هو بس ...
المهم هالخبل الي معي قعد يتحرش بواحد يماني لقيناه ماشي المهم اليماني قاعد يقول كلام ماينقال ويسب ويشتم المهم خويي قال والله لازم اشتكي لدوريه المهم شفنا راعي دوريه مصفط على جنب وقلناله الي صار وتبلينا على اليماني وقلنا انه اخد منن دراهمنا...
المهم اخذنا راعي هالدوريه وكنا متوقعين انه بياخذ اليماني للمركز اثره شالنا كل ابوناالله لايبارك فيه..
عاد بالمركز دخلنا على الظابط والله الظابط قعد يزاعق على اليماني عشان يطلع الاقامه اثرة ناسيها على كلامه المهم الظابط نادى الرقيب وقاله خذ اليماني وحطه بالحجز عاد حنا فرحناواستانسنا يوم قال هالكلمه شوي وقال وخذ هذولي واتصل باهاليهم عشان ياخذونهم والله جالسين نترجى بالظابط لاكن مافي امل المهم بركه ذاك اليوم اخوي الكبير ماراح الدوام وال لو درا ابوي كان عينك ماتشوف الا النور
مرة من المرات كنت على موعد مع واحد شخصية " يقالي أواعد شخصيات "
المهم كنت رايح لذاك الموعد وأنا ماشخصت زين وتوي قايم من النوم
وصرت ماأصدق أشوف مراية إلا واقعد أتطمن على المرزام حق الشماغ لايكون
مال وإلا الشخصية خربت ... المهم قربت من بيت الرجال وقلت لنفسي
يبيلنا عاد نتأكد لآخر مرة من الشخصية قبل مانطق على الباب ومن حسن حظي أو بالأصح من سوء حظي لقيت سيارة "جمس سوبر بان" ومظلل بتظليلة سوداء قلت تمام خل نشخص بالقزازة اللي ورا وأقعد أشخص وأنا فرحان
مادريت إلا القزازة اللي ورا تنفتح وتطلعلي عجوز تدعي علي وتقول :من زين هالوجه قاعد تشخص بوجهي !!!
مع إن وجهي والله موهوب شين لهالدرجة يعني تقدرون تقولون أشبه علي المفيدي شوي بس أناأجمل منه " أمزح ح ح ح ح ح ح ح ح ح ..
والله أنكم مقلعين ...
شباب نبي زيادة ...
اللي ماقال مواقفة يسجل معنا ...
باقي واحد خلونا نسمحله ...
علشان في الأو أنا كنمت مانعه ...!!
هاهاهاهاهاهاها ...
لكن يالله ماهي مشكلة عطنا مواقفك ... حتى لو في ديرتكم ....!!!
هاهاهاهاهاهاهاها ...
ولكم تحياتي ...
هلا والله بالشباب
كيفكم ؟
عساكم بخير
انت يا 00000000
ترى والله انت ماخذ مقلب في نفسك مع سفراتك اللي قلت لنا جالس تستهزا وانت ما رحت الى لمصر وسوريا ويمكن موقفين بالاردن ورى ماقلت لنا سالفتك باليخت حقك يوم وقف عليكم في شاطئ الماربيا وايا وجهك
والا ليه ماقلت للشباب سالفتك مع البنت الفرنسيه في برج ايفل
انت يا 000000 انا ودي اقولك سوالفي خارج المملكه بس ياخوي ما اتوقع انك تعرف الاماكن اللي رحت لها يعني اقولك سالفه بلندن والا جنيف وانت ما بعد توصل لهم هالدول حدك سوريا ومصر
لاتخاف انا رضى قلبي عليك انت ماعليك طلع جوازك وباخذك معي الصيف ان شاءالله طالع لهواي وتشوف السوالف المضحك مو سوالفك اهرامات ودقشه موتر
والله يا جابر العثرات اني انا ما كان ودي ارد على الموضوع بس الرجال والاستاذ الكبير 000000 قبل التحدي بيني وبينه ونشوف من اللي بيفوز بالتحدي انا والا هو مع اني اعتبر نفسي طالب من طلابه
شف في البداية ... أنا ماني أستاذك ...!!
ياخوي أنا في عمر عيالك ...!!
أنت شايب يالله حسن الخاتمة ...!!
هاهاهاهاهاهاهاهاها ...
وثانياً ... أنت ياراعي أمريكا ولندن وجنيف ... ياهوه ...
أقول تذكر لما رحت الشرقية وصجيتني ...!!
ثلاثة أسابيع وهو ماله هم إلا أنا رحت للخبر وشفت الكورنيش ورحت للدمام وشفت كورنيش ثاني ... ويقولي تصدق يا سفر .. وأنا قاهرني بس وش أقول ... ثم يقول ورحت للراشد ... يا الله يالراشد والله ياسفر لقيت فيه بوابات كثيرة ...!! وشفت شاطئ القمر ...!! ( يقصد الهاف مون - شاطئ نصف القمر ..!! ) .. ورحت للجسر ...!! وشفت أنوار البحرين ...!!
هاهاهاهاهاهاهاهاهاهاها ...
مبسوط علشانه شاف نور البحرين ...!!
والله ذبحني الضحك ... بعدين أكمل ...
والله مواقفكم مسكته .. وانا ماعندي مواقف تخبرون ان رحت لسوريا ومصر وشفت انوار البحرين . وبغيت ادخل صالون حلاقه اقص شعري ( لالا عاد امزح ) .. بس ماصار لي موقف الا في الرياض ..
الموقف صعب ويبي له شرح واحد رايق .. بس انا باشرح وان فهمتوا الحمد لله وان مافهمتوا الحمد لله بعد والله اقوى وخيرها بغيرها ..
