ربعي يسئلون ويش غير النكدي....................غير عبوس الوجه وكنيته أبو شرين
يا ميمه ياللي تعرفيني من مهدي.................... ولدك تغير ما هو اللي تخبرين
ويش اللي غيرك قولي يا بعد كبدي.................... بعد ما ذقت من حزنك الأمرين
وكنت أقول يارب بدل حال ولدي .................... وإرزقه باللي يخلي ضحكته شبرين
هذي المغرب بلد للضحكه تهدي .................... وأهلها طيبين والخير عندهم خيرين
أنا الضاحك أنا الباسم أنا الشقردي .................... أنا اللي وده يعيش الدهر دهرين
يمه أنا مسافر وشايلٍ شوقي بيدي .................... وموعدي من الشهر أربع وعشرين
بروح للمغرب مسرعٍ وماني مهدّي .................... والقلب عمران بحبها وماني من الصابرين
كلمني عنها بدى الجبين يندي .................... ويش اللي شايف وخلاّك من المسحورين
ويش أخلي في حسنها ويش أعدي .................... شينها حلو حتى أهلها الحارين
أغادير بلد الغنادير والشفايف الوردي .................... في بحرها سلوى وملاذٍ للحايرين
مراكش أهل الدين من تاريخ الموحدي .................... نخلها يزيدك من العطر عطرين
الصويره تاريخها يكفي من قبل المولدي .................... كل ما عديتي سور تلقي سورين
آسفي فخر الإنتاج وملح البارودي .................... وقف على أرضها عقبه و جيش البربرين
البيضاء أرض الحضارة والمركز الإقتصادي .................... على شاطي أنفا ودك للخطى تجرين
والرباط مسكن السادس وبعطيه عهدي .................... رفيع النسب وبكون بأرضه من البارين
ومكناس لو شفتي باب المنصور تردي .................... مدينة الزيت والزيتون ومسجد النجارين
وإفران الكهوف والبيوت فوقها القرميدي .................... جمالها مقصد السياح تسحر الناظرين
وطنجه لو عشتي يوم تقولي هذا حدي .................... أبي أحيا وأموت في ملتقى البحرين
يا وليدي كلامك أسرني برضاي وودي .................... خذني معك وخلني من المسافرين
وسلامتكم