1- أين يمكن أننجد محل يباع فيه كتيب التخفيضات العائلي The Entertainer سواء في دبي مول أو حتى في سوق البحار؟
الكتاب موجود في دبي .. يمكن الشراء من موقع الانترنت
http://www.theentertainerme.com/TheBooks/teuae/TEDubai.html
او
ان شاء الله بمجرد وصولكم اتصلوا على الرقم 0097143902866 وراح يوصلون لكم الكتاب الى الفندق والسعر 110 دراهم ..
2- كيف الجو في دبي خلال الأيام الماضية؟ بالذات في الأماكن المفتوحة الملاصقة للبحر مثل القرية التراثية عند الشندغة وسوق مدينة جميرا والمارينا ووك (الممشى)؟
للاسف الجو حار في الليل وكمان رطوبة وبالذات الاماكن القريبة من الخور مثل الشندغة ونفس الشي في الاماكن المفتوحة القريبة من البحر مثل الممشى
3- هل القرية العالمية مفتوحة خلال أيام العيد؟
للاسف القرية مغلقة خلال فترة عيد الفطر 2010
4- سمعت ان في ديزني لاند في دبي.. هل هذا الكلام صحيح؟ وين موجودة؟
ديزني لاند موجودة في دبي لكنها قيد الانشاء ومعاها استديوهات يونيفيرسال ... لكنها محتاجة كم سنة الى الافتتاح
5- هل السوق الصيني مفتوح خلال أيام العيد وكذلك هل دبي ديلفرينيوم (عرض الدلافين) مفتوحة أيضاً؟ كم الساعة يفتحون؟
سوق التنين ما يعرفون رمضان ولا شوال ولا عيد ولا غيره ... السوق مفتوح دايما ... وبالنسبة لعرض الدلافين .. موجود في حديقة الخور .. لكن ما اعرف الساعة كم ... من الفندق اتصلوا على الرقم المجاني 800900 وهم بيساعدونكم
6- هل تنصحونا بالتنقل بالسيارة في دبي خلال أيام العيد أم التاكسي والمترو أفضل تلافياً للإزدحام وضيقة الخلق؟
التنقل في دبي بالسيارة متعة .. وبالذات اذا معاكم جارمن .. واذا حبيتوا التاكسي اريح لكم ... المترو انا ما جربته فما اقدر احكم عليه
7- سيارتنا مؤمنة تأمين شامل في السعودية من أكسا الخليجية.. هل يجب علي تأمين سيارتي عند الحدود حتى لو كان تأميني يغطي دول الخليج؟
اذا التأمين يشمل الامارات ما في داعي تأمنون مرة ثانية
8- هل ينبغي علينا شراء بطاقة سالك؟
يفضل شراء بطاقة سالك ... وبالذات لأنكم راح توصلون من جهة شارع الشيخ زايد ... ونفس الشي في المغادرة
9- سمعنا ان الطريق من بعد الغويفات لأبوظبي إلى دبي فيه تحويلات...تكفون أحد ممكن يساعدنا بالشرح المفصل؟
ما في تحويلات ولا شي ... تحويلة وحده فقط واللوحات الارشادية ما تضيع ....
10- هل الطريق سهل للرجوع من دبي إلى السعودية؟ شنو أفضل طريق من شارع الشيخ زايد الله يرحمه؟ هذي أول مرة نزور دبي بالسيارة!
الوصول والمغادرة راح يكون من خلال شارع الشيخ زايد وطريق الرجعة سهل جدا ولا تحملون هم ..
11- متى تفتح المولات في أيام رمضان ومتى تسكر؟ ونفس السؤال عن أيام العيد؟
المولات تفتح الصبح وما تغلق إلا بعد الساعة 10 وفي نهاية الاسبوع بعد ال12 وفي العيد يمددون شوية .. والظهر طبعا المول فاتح بكامل طاقته الاستيعابية .
12- أي شركة إتصالات إماراتية تعطي أرخص سعر للمكالمة إذا حبيت أتصل من دبي على رقم تابع ل STC السعودية؟
خذوا بطاقة دو للزوار سعر المكالمات مقبول جدا ...
13- هل هناك رسوم يجب دفعها لمواقف المولات ..مثلاً إذا وقفت السيارة لأربع أو خمس ساعات؟
مول الامارات + ديرة سيتي سنتر ... 4 ساعات مجانا وبعدين الوقوف برسوم ... لكن في نهاية الاسبوع مجاني .. واعتقد ان العيد ايضا بيكون مجاني ..... باقي المولات كلها مجانية ...
14- هل المرديف سيتي سنتر يستحق الزيارة؟ وكذلك سوق مرشد؟
مردف سيتي سنتر يستحق الزيارة بكل تأكيد ..... لكن سوق مرشد ما افضل في الوقت الحالي لأن الجو حار ... ورطوبة لأنه مطل على الخور ...
الزيارة راح تكون ان شاء الله ممتعة ... لا تشغلون بالكم وايد ... الطريق ان شاء الله من اريح ما يمكن .. وتوصلون بالسلامة ....

بصراحة أختي .. أنا قررت أحذف الفصل .. وما أدخل الاختبار .. أسئلتك صعبة مرة
بس بعطيك معلومة .. ذاكرتها كويس
..
بخصوص الاتصالات ..
اذا جوالك STC راح تستقبلين المكالمات مجانا .. مع التجوال الدولي في الإمارات ..
بالنسبة لاتصالك انتي للسعودية .. راح يكون ب 3 ريال للدقيقة ..
طيب .. إذا تبي تاخذين كرت من الإمارات .. أنا بقولك اللي أنا بسويه بإذن الله لما أجي :
فاضلت بين ( دو ) و ( اتصالات ) لقيت
دو .. تعطيك شريحة ب 45 درهم فيها 20 درهم رصيد
أما اتصالات.. تعطيك شريحة ب 60 درهم فيها 25 درهم رصيد
لذلك قررت آخذ من ( دو ) خصوصا إنه عندهم باقة اسمها ( الزوار ) ويعطونك رقمين ( أنا وأحبائي )
رسوم الاتصال لها أقل .. خصوصا خارج أوقات الذروة .
شوفي الصورة ..
طبعا .. المكالمة للسعودية ..
في وقت الذروة للمكالمة لرقم عادي = 0.0353 * 60 = 2.1 درهم للدقيقة
في وقت الذروة لرقم أنا وأحبائي = 0.0318 * 60 = 1.9 درهم للدقيقة
خارج الذورة لرقم عادي = 0.0228 * 60 = 1.3 درهم للدقيقة
خارج الذروة لرقم أنا وأحبائي = 0.0206 * 60 = 1.2 درهم للدقيقة
هنا رابط باقة الزوار في دو : هنا http://www.du.ae/ar/mobile/plans/visitor-mobile-line-en/benefits
هنا رابط باقة أهلا في اتصالات : هنا http://www.etisalat.ae/index.jsp?lang=ar&type=service&contentid=8b0da665f221b010VgnVCM1000000c24a8c0RCRD¤tid=a648c15f5006b010VgnVCM1000000c24a8c0____
إن شاء الله لما أجي ألاقي في المطار واحد ينتظرني بشريحة مجانية مقابل هالدعاية ..

https://artravelers.com الف شكر

نسيت أقولك ..
سعر المكالمة المحلية ( يعني داخل الإمارات )
اتصالات = 50 فلس للدقيقة
دو = 60 فلس للدقيقة
أيضا .. الاستقبال المجاني للي جواله stc
لازم يكون على شبكة دو .. انتبهي

LIFEisKNIFE كفيت ووفيت.. ما قصرت لكن سعر الكتاب بحدود 300 درهم
Bless By God لك كل الشكر على المعلومة... دو هي خيارنا إن شاء الله

سعر الكتاب على كلام الاخوان انه بأمكانك ترجع سعره في خلال يوم او يومين من المطاعم والمحلات

عندي مجموعة من الاستفسارات لعيال وبنات زايد وعيال ديرتي_ بلاد الحرمين وبالخصوص أخوي الفارس:
1- أين يمكن أننجد محل يباع فيه كتيب التخفيضات العائلي The Entertainer سواء في دبي مول أو حتى في سوق البحار؟
ممكن تشترينه من الموقع وتطلبينه من الفندق او من فيرجن ميجا ستورز او مكتبة جاشنمال في دبي مول او الامارات مول
2- كيف الجو في دبي خلال الأيام الماضية؟ بالذات في الأماكن المفتوحة الملاصقة للبحر مثل القرية التراثية عند الشندغة وسوق مدينة جميرا والمارينا ووك (الممشى)؟
درجة الحراره بالليل 36 بس رطوبه
3- هل القرية العالمية مفتوحة خلال أيام العيد؟
في عيد الفطر القرية بتكون مسكره تفتح في شهر نوفمبر
4- سمعت ان في ديزني لاند في دبي.. هل هذا الكلام صحيح؟ وين موجودة؟
صح موجوده في دبي لاند بس بعدها تحت الانشاء
5- هل السوق الصيني مفتوح خلال أيام العيد وكذلك هل دبي ديلفرينيوم (عرض الدلافين) مفتوحة أيضاً؟ كم الساعة يفتحون؟
هيه مفتوحين
6- هل تنصحونا بالتنقل بالسيارة في دبي خلال أيام العيد أم التاكسي والمترو أفضل تلافياً للإزدحام وضيقة الخلق؟
المترو مريح وخاصه انه تقدرون تستخدمونه من ديره لين بردبي بدل الزحمه ومن المحطات المترو تقدرون تستخدمون التكاسي
7- سيارتنا مؤمنة تأمين شامل في السعودية من أكسا الخليجية.. هل يجب علي تأمين سيارتي عند الحدود حتى لو كان تأميني يغطي دول الخليج؟
ماعرف والله
8- هل ينبغي علينا شراء بطاقة سالك؟ الاحسن انكم تاخذون
11- متى تفتح المولات في أيام رمضان ومتى تسكر؟ ونفس السؤال عن أيام العيد؟ في رمضان تفتح من 10 الصبح لين 12 الفليل بس اضن وقت الفطور يسكرون (مب متأكدة)
وفي العيد من 10ص لين 10م في الايام العاديه وفي الخميس والجمعه من 10 ص لين12ص
12- أي شركة إتصالات إماراتية تعطي أرخص سعر للمكالمة إذا حبيت أتصل من دبي على رقم تابع ل STC السعودية؟
الاحسن لكم دو الزوار
13- هل هناك رسوم يجب دفعها لمواقف المولات ..مثلاً إذا وقفت السيارة لأربع أو خمس ساعات؟
اذا اكثر من 4 ساعات يكون عليكم رسوم
14- هل المرديف سيتي سنتر يستحق الزيارة؟ وكذلك سوق مرشد؟
مردف مول حلو وجديد ويستحق الزياره
سوق مرشد اتمتع في زيارته وفيه تلاقين الاقمشه والعطورات والجلابيات والشيل واشياء وايد والله
طوّلت عليكم لكن هالاسئلة حيرتنا ومو ممكن يجاوب عليها إلا شخص يعرف دبي زين..وسلامتكم..
بالعكس اختي حياج الله
وانا بنت دبي

قطورة1
صحيح ... خطأمطبعي ... السعر 295 درهم

الكتاب يشمل رابع العيد لاني سمعت انه ايام العيد لايشملها يعني بس الثلاث ايام الاولى ولا كيف